Unibertsitateko ikasleen ariketa fisiko ohiturak, egoera ... - Euskara

Emaitzen azterketa orokorra
4.6. EMAITZEN AZTERKETA OROKORRA
Tesi honetan aurkeztutako emaitza guztien azterketa orokorra egin baino lehen,
ikerketa honetan parte hartutako laginaren ezaugarriak azpimarratu nahi ditugu. Alde
batetik guztira ia 400 ikaslek parte hartu dute, hau kopuru handia izateaz gain zozketaz
aukeratutakoen % 72.4 da. Laginaren ezaugarriak kontuan izanda, parte hartze handi
hau azpimarratu beharreko ezaugarria da. Gainera, Leioa/Erandioko guneak
UPV/EHU-ko ikasleen portzentaje handia bildu eta ikasketa aukera zabala du. Bestetik,
gure laginaren bigarren ezaugarria, unibertsitateko ikasleen adina bizi-ohiturak
barneratzeko garrantzitsua dela da. Izan ere, garai honetan bereganatzen diren bizi eta
osasun-ohiturak, etorkizunean mantenduko diren ohituren indikatzaileak direla aztertu
da.
Unibertsitateko ikasleen ariketa fisiko ohiturak aztertuta, laginaren ia erdia
sedentarioak dira. Unibertsitateko ikasleekin egindako beste ikerketa batzuk, antzeko
sedentarismo maila aurkitu badute ere (Segura eta lank., 1999; Pavón eta lank.,
2006a), beste asko ezin dira gure datuekin zuzenki konparatu, bai laginaren
ezaugarriengatik bai sedentario izatea definitzeko parametro ezberdinak erabili
direlako (García F, 1990; Froján eta lank., 1997; Sánchez A eta lank., 1998; Gutiérrez
eta lank., 1999; Palou eta lank., 2000). Gure unibertsitateko ikasleen sedentarismoa
sexuka aztertzean, nesken kasuan handiagoa da, bai unibertsitateko ikasleekin zein
gizarte osoko gazteekin egindako beste ikerketa batzuetan aurkitu den bezala (Abadía,
1995; Torre, 1995; Gutierrez eta lank., 1995; Paris, 1996; Parera eta lank., 1998;
Quesada eta lank., 1998; Mendoza, 2000; Palou eta lank., 2000; Ruiz F eta lank.,
2002a, 2002b; Eusko Jaurlaritzako Osasun Saila, 2004; Hellín, 2003; European
Opinión Research Group, 2003; Haase eta lank., 2004; García F eta lank., 2006; Serra
Majem eta lank., 2006; Otero, 2004; Pavón eta lank., 2003a, 2004, 2006a; MTAS,
2006; Castillo, 2006; MSC, 2007).
Aztertutako ikasleen batez besteko oxigeno-kontsumo maximoaren datuak
aztertzean, aipatzekoa da gure laginean behatu ditugun unibertsitate-adineko neska
eta mutilen arteko oxigeno-kontsumo maximo erlatiboaren batez besteko balioen
parekotasuna ez dela orain arte egindako ikerketeta gehienetan behatu. Hala ere,
unibertsitateko ikasleen gaitasun aerobikoaren datuak beste ikerketetako datuen
aldean, unibertsitateko mutilen batez besteko gaitasun aerobikoa baxuagoa eta
neskena aldiz altuagoa da (Pate RP eta lank., 2006; Sadhan eta lank., 2007). Puntu
222
Emaitzak eta eztabaida