Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak eta osasun parametroak
maximo erlatiboa kontuan hartzean, posiblea da muskuluaren egoera aerobiko
kaskarragoa duen baina argal dagoen batek, gizenagoa baina egoera aerobiko hobea
(muskulua egoera aerobiko hobe batean egon) duen beste batek baino oxigenokontsumo
maximo erlatibo handiagoa izatea gantz-portzentaje gutxiago duelako.
Beraz, oxigeno-kontsumo maximo erlatiboaren parametroa kontuan hartuta, ez da
erraza izaten zerk eragiten duen zer jakitea.
Oxigeno-kontsumo erlatiboak absolutuaren aldean, gaitasun aerobikoaren balore
zehatzago bat ematen badu ere, ez du gantza alde batera utzita muskulu pisuaren
arabera muskuluaren egoera aerobikoari buruzko informazio guztiz zehatza ematen.
Horretarako, pertsonaren gihar pisuaren araberako oxigeno-kontsumoaren balorea
erabiliko dugu. Azken hau, gantz pisua alde batera utzita, pisu muskularraren arabera
pertsonaren gaitasun aerobikoari buruzko informazioa lortzeko aproposa da. Kasu
honetan, beste faktore guztiak alde batera utzita, soilik pertsonaren pisu muskularra
eta honen egoera kontuan hartuz, egoera aerobiko zehatzari buruzko informazioa
lortzen da. Hau batez ere neskentzat baliagarria da beren baloreak mutilekin
konparatzen direnean. Izan ere, nesken gorputz osaerako berezko gantz-portzentajea
mutilen aldean altuagoa baita.
Gure ikerketan, soilik mutilen datuak aztertzean, estatistikoki adierazgarriak ziren
korrelazio negatiboak topatu genituen gihar pisuaren araberako oxigeno-kontsumo
maximoaren eta gantz-metaketarekin erlazionatutako parametroen artean. Honela,
mutilen gihar pisuaren araberako oxigeno-kontsumo maximoaren eta Gorputz Masaren
Indizea (p