Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak eta osasun parametroak
Gure ikerketan, gaitasun aerobikoaren inguruan lortutako emaitzek, aurretik bai
helduekin (Folsom eta lank., 1985; Bouchard eta lank., 1990) bai gazteekin (Al-
Hazzaa, 2001; Minck eta lank., 2002; González-Gross eta lank., 2003; Bouziotas eta
lank., 2004; Sadhan eta lank., 2007; Ara eta lank., 2007; Ortega FB eta lank., 2007)
egindako beste ikerketa batzuk berresten dituzte. Hauetan, negatiboak diren
korrelazioak agertzen dira oxigeno-kontsumo maximoaren artean, hau da, gaitasun
aerobikoa eta bihotzekorako arriskutsuak diren faktore batzuen artean bai mutil (Al-
Hazzaa, 2001; González-Gross eta lank., 2003; Ara eta lank., 2007; Ortega FB eta
lank., 2007; Sadhan eta lank., 2007) bai nesken kasuan (González-Gross eta lank.,
2003; Ara eta lank., 2007; Ortega FB eta lank., 2007).
Gaitasun fisiko guztien artetik, erresistentzia aerobikoaren urritzeak, gaixotasun
kardiobaskularren agerpenean funtzio garrantzitsua betetzen du (Blair eta lank., 1989;
Maaroos eta lank., 2001; Williams, 2001; Petrella eta lank., 2003; Okura eta lank.,
2003; Fleischmann eta lank., 2004). Izan ere, gaixotasun kardiobaskularren arrisku
faktoreen garapenean, egoera fisiko baxuak duen garrantzia, dislipemia, hipertentsio
eta obesitate moduko faktoreak baino garrantzitsuagoa dela argitaratu da (Myers eta
lank., 2002). Beste zenbait autorek gaitasun aerobikoa eta indar muskularra, ez soilik
gaixotasun kardiobaskularren, baizik eta beste kausa guztien ondorioz gaixotzeko eta
hiltzeko faktore iragarleak direla argitaratu dute bai mutil (Kurl eta lank., 2003;
Carnethon eta lank., 2003; Metter eta lank., 2002) bai nesken kasuan (Metter eta lank.,
2002; Carnethon eta lank., 2003; Gulati eta lank., 2003; Mora eta lank., 2003; Sawada
eta lank., 2003a).
Zeharkako metodologia erabili duten ikerketa askok, haurtzaro eta nerabezaroan
zehar egoera fisikoa eta gaixotasun kardiobaskularren arrisku faktoreen arteko erlazioa
argitaratu dute (Wedderkopp eta lank., 2003; Ekelund U eta lank., 2001). Modu berean
zeharkako metodologia erabili duten beste ikerketa batzuk, haurtzaro eta nerabezaroko
egoera fisikoak, helduaroko egoera fisikoa eta gaixotasun kardiobaskularren ohiko
arrisku faktoreen presentzia (hiperkolesterolemia, obesitatea, hipertentsioa eta abar)
baldintzatzen duela argitaratu dute (Malina, 1996; Taylor WC eta lank., 1999; Janz eta
lank., 2000, 2002; Boreham eta lank., 2001b, 2002; Hasselstrom eta lank., 2002; Twisk
eta lank., 1995; 2002a; 2002b). Gure ikerketan, gaztetatik gaitasun aerobikoaren
balore baxuagoak, tentsio arterialaren balore altuagoekin erlazionatzen dira. Modu
berean, aztertutako ikasleen sedentarismo maila altua eta gaitasun aerobikoaren
baloreak oso onak ez zirela ere aurretik deskribatzen genuen. Bestetik, gaitasun
Emaitzak eta eztabaida 189