Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak eta osasun parametroak
eta lank., 1999), bai bihotz-birikien egoerarako eraginkorra den entrenamenduaren
bidez (Choquette eta lank., 1973; Connie eta lank., 1991; Gilders eta lank., 1989;
Hagberg eta lank., 2000; Marccau eta lank., 1993; Van Hoof eta lank., 1989; Moreau,
2001; Kenney eta lank., 1993; AMCS, 1993; Blair eta lank., 1989). Honela osasun
erakundeek, ariketa fisikoak hipertentsioan duen eragina ezagututa, etengabe sustatu
dute hainbat programen garapenaren bidez (Wallace, 2003).
Pertsona normotentsoen kasuan ariketa fisikoak ere, tensio arteriala gutxitzen
duela argitaratu da (Fagard eta lank., 1994). Gutxitze honek, ariketa fisikoa
hipertentsioaren aurrezaintzan eraginkorra dela argi uzten du (Blair eta lank., 1989;
Haskell, 1994; Kelley eta lank., 2000; Whelton eta lank., 2002; Barengo eta lank.,
2005). Izan ere normotentsoek, ariketa fisikoa eginez, normotentso izaten jarraitzen
dute.
Bestetik, ariketa fisiko akumulatua (eguneko aldi ezberdinetan egiten den ariketa
fisikoa) prehipertentsioaren maneiurako, ariketa fisiko jarraia baino eraginkorragoa dela
argitaratu da (Park eta lank., 2006). Modu honetan, bizitzako eguneroko ekintzetara
egokitzen den ariketa fisiko programatua (etxeko lanak, lorezaintzarekin
erlazionatutako ekintzak eta abar), tentsio arterialaren murrizpenerako eraginkorra dela
ere argitaratu da bai hipertentso bai prehipertentsoen kasuan (Padilla eta lank., 2005).
Hala ere, tentsio arterialaren murrizpenaren mekanismoa oraindik ez da guztiz
ezaguna (ACSM, 1993; Hagberg eta lank., 2000), nahiz eta azkenaldian mekanismo
fisiologiko zehatzekin erlazionatu den (Cornelissen eta lank., 2005; Hammer, 2006).
Honela, ikerketa gehiago beharrezkoak dira tentsio arteriala murrizteko egokia den
ariketa fisiko dosia ezagutu ahal izateko (Padilla eta lank., 2005; Guidry eta lank.,
2006).
Laburbilduz, ariketa fisikoa egiten duten pertsonek, sedentarioek baino tentsio
arterial balore baxuagoak dituztela argitaratu da (Petrella eta lank., 2003; Wallace,
2003). Gure datuak aztertzean, hau betetzen ez zela behatu genuen. Hala ere, joera
bat zegoen eta batez ere ariketa fisikoa bakarka eta federatuta egiten zutenek tentsio
arterial balore baxuagoak zituzten. Nesketan oro har, federatuak eta ariketa fisiko
kementsua egiten zutenek (>6 MET), tentsio arterial balore baxuagoak zituzten.
Aurretik egindako beste ikerketa batek ere ez zuen ezberdintasunik topatu
deklaratutako ariketa fisikoaren eta tentsio arterialaren baloreen artean (Jauregi, 2005).
166
Emaitzak eta eztabaida