Unibertsitateko ikasleen ariketa fisiko ohiturak, egoera ... - Euskara

Osasuna eta ariketa fisikoa: ikasleen egoera fisikoa
Azkeneko urteetan gazteen gaitasun aerobikoa ezagutzeko ikerketa ugari egin dira
(Barnett eta lank., 1995; Al-Hazzaa, 2001; Eisenmann eta lank., 2002; Guerra eta
lank., 2002; Twisk eta lank., 2002a, 2002b; Lefevre eta lank., 2002; Koutedakis eta
lank., 2003; Tomkinson eta lank., 2003; Beets eta lank., 2004; Bouziotas eta lank.,
2004; Matsuzaka eta lank., 2004). Alde batetik aipatutako ikerketa gehienak, adin
gazteko haurrekin egin dira eta gure kasuan adin tarte oso espezifikoa duen populazio
talde bat aztertu dugunez zaila da datuak konparatzea. Bestetik, ikerketa hauek
askotan irizpide metodologiko ezberdinak erabiltzen dituzte eta era berean datuak
konparatzea ez da gauza erraza. Hala ere, zenbait ikerketa aipagarri dira gure datuen
esanahia hobeto ulertzeko.
UPV/EHU-ko mutilek lortutako oxigeno-kontsumo maximoaren datuak, adin
berdinekoen artean aurretik argitaratutako datuak baino murritzagoak ziren (Astrand
PO eta lank., 1985). Astrand eta bere lankideek 20 urteko neska eta mutilen bai
oxigeno-kontsumo maximo absolutu eta erlatiboaren baloreak argitaratu zituzten.
Nesken oxigeno-kontsumo maximo absolutu eta erlatiboaren batez besteko balioak
hurrenez hurren, 2.6 l/min eta 43 ml/Kg/min ziren. Mutilen batez besteko balioak aldiz,
oxigeno-kontsumo maximo absolutuarentzat 3.6 l/min eta erlatiboarentzat 54 ml/Kg/min
ziren (Astrand PO eta lank., 1985).
Pate eta bere lankideek, 1999-2002. urteetan zehar Estatu Batuetako National
Center for Health Statistics-ek aztertutako 12-19 urte bitarteko 3287 gazteren egoera
aerobikoaren datuak bildu zituzten (CDC, 2004a, 2004b). Gaitasun aerobikoaren
azterketarako aukeratu zen froga submaximoa gurpildun tapiza izan zen. Ikertzaile
hauek, ikerketan parte hartu zuten gazte guztiak adin tarte ezberdinetan sailkatu
zituzten. Honela, 18-19 urteko bitarteko 323 neska eta 383 mutilen oxigeno-kontsumo
maximo erlatiboaren batez besteko balioak hurrenez hurren, 37.5 ml/Kg/min eta 47.6
ml/Kg/min izan ziren (Pate RP eta lank., 2006).
Indian Amritsar-ko Guru Nanak Dev Unibertsitatean egindako ikerlanean diferentzia
handiagoak topatu zituzten 19-26 urte bitarteko neska eta mutilen artean. Bertan 148
ikaslek (99 mutil eta 49 neska), gaitasun aerobikoaren eta gorputz osaeraren arteko
erlazioa aztertzeko ikerketa batean parte hartu zuten (Sadhan eta lank., 2007).
Oxigeno-kontsumo maximoaren azterketarako Queen´s College-n Step testa erabili
zuten (McArdle eta lank., 2001). Lortutako datuen arabera, nesken eta mutilen
152
Emaitzak eta eztabaida