Unibertsitateko ikasleen ariketa fisiko ohiturak, egoera ... - Euskara

Osasuna eta ariketa fisikoa: ikasleen egoera fisikoa
(Aranceta eta lank., 2001, 2003; Banegas eta lank., 2001; Gutiérrez-Fisac eta lank.,
2002, 2003).
Gazte eta helduen arteko gainpisu eta obesitatearen datuen diferentziak,
gizartearen joeraren aldaketa adieraz dezakete. Azkeneko urteetan irudiak hartu duen
garrantzia izugarria da eta batez ere neska gazteen artean honek duen eragina
kontuan izan behar da. Izan ere, gizarteko eskakizun sozio-kulturalek neurri batean,
emakumeak pisuagatiko kezka iraunkorra izatera eta argalago egotera behartzen
dituzte etengabe (Taylor CB eta lank., 1998; Stice eta lank., 2001; Tanaka eta lank,
2002). Gure datuek ere joera hau isladatzen dute. Honela, alde batetik neskak
proportzio handiagoan aholkatutako pisuaren azpitik eta bestetik, gainpisu eta
obesitate proportzio baxuagoa zuten mutilen aldean. Jende gazteagorekin egindako
ikerketek ere gainpisua eta obesitatea mutiletan gehiago gertatzen dela baieztatzen
dute. Modu honetan, Espainiako Osasun Ministerioak finantziatutako Avena ikerketa
(Alimentación y Valoración del Estado Nutricional en Adolescentes) aipatzekoa da.
Ikerketa hau 2000-2002. urteetan zehar egin zen Espainiako bost hiritan (Granada,
Murtzia, Madril, Santander eta Zaragoza). Bertan, zozketaz aukeratutako 13-18.5 urte
bitarteko 2160 gaztek parte hartu zuten (1109 mutil eta 1051 neska). Ikerketa honetan
beste neurketa batzuen artean, gazteen gorputz osaera aztertu zen parametro
antropometrikoen bidez. Argitaratutako datuen arabera, mutilen obesitatea % 5.7 eta
neskena % 3.1 zen. Bestetik, gainpisu eta obesitatearen prebalentziaren datua
mutilentzat % 25.69 eta neskentzat % 19.13 zen (Moreno LA eta lank., 2005a).
Espainiako populazio helduaren obesitatearen prebalentzia Europako iparralde,
Frantzia eta Australia herrialdeetako prebalentzia baxuenen eta Estatu Batuetako eta
Europa ekialdeko herrialdeetako prebalentzia altuenen aldean erdiko puntu batean
dago (IOTF, 2004; NCHS, 2004). Haurren edo gazteen obesitate prebalentzia handituz
doa nazioarteko herrialde garatuetan eta modu honetan baita ere Europako
herrialdeetan (Wang eta lank., 2002; Ebbeling eta lank., 2002; Guillame eta lank.,
2002). Lobstein eta Frelut-ek 1992-2000. urteetan zehar Europan gazteen
obesitatearen prebalentzia aztertzeko zenbait ikerketa epidemiologikoren datuak bildu
eta herrialde ezberdinetako gainpisuaren prebalentziak konparatu zituzten (Lobstein
eta lank., 2003). Honela, argitaratutako datuen arabera, 14-17 urte bitarteko gazteen
gainpisu prebalentzia maila baxuenak, 90. hamarkadan ekonomi atzeratze aldiak jasan
zituzten Europa erdialdeko eta ekialdeko herrialdeetan behatu zituzten batez ere
Errusian (% 9), Txekiar Errepublikan (% 9), Eslovakian (% 8) eta Polonian (% 12).
148
Emaitzak eta eztabaida