Unibertsitateko ikasleen ariketa fisiko ohiturak, egoera ... - Euskara

Osasuna eta ariketa fisikoa: ikasleen egoera fisikoa
Nesketan aldiz, % 12-ko gainpisua eta % 2-ko obesitatea argitaratu zen (Serra Majem
eta lank., 2003a). Gainpisua eta obesitatea zuten gazteak talde bakarrean sailkatzean,
nesken % 14 eta mutilen % 33.4 talde honetan zeuden.
2001. urteko Espainiako Osasun Inkestan 16-24 urte bitarteko mutilen obesitatea
% 3.1 eta neskena % 2.2 zen (MSC, 2003). Hala ere, kasu honetan datuak parte
hartzaileen estimazioetatik lortu ziren eta honek balioen gutxiespena eragin dezake,
GMI-a zalantzagarri bilakatuz. Izan ere datu hauek seguraski, benetakoak baino
baxuagoak izango dira (Moreno B eta lank., 2006).
Gure ikerketako mutilen gainpisu eta obesitatearen prebalentziaren datuak
baxuagoak dira enKid eta EAEko ikerketako datuen aldean eta hau, bat dator maila
kultural handiagoa duten populazio taldeen obesitate eta gainpisu prebalentzia
baxuagoa dela argitaratu duten lanekin (Aranceta eta lank., 2001; Serra Majem eta
lank., 2001, 2003a; Rodríguez Artalejo eta lank., 2002; Moreno B eta lank., 2006).
Mutilen kasuan egoera sozio-ekonomiko baxuagoa, gainpisu eta obesitate prebalentzia
altuagoarekin erlazionatu da (egoera sozio-ekonomiko altutik ertain-baxura igarotzean)
(Moreno LA eta lank., 2005a). Hala ere, azken ikerketa honetan beste ikerketa batzuen
aldean, mutilen gainpisu eta obesitate prebalentzia baxuenak egoera sozio-ekonomiko
altuenean eta baxuenean argitaratu zirela aipatu behar da (Moreno LA eta lank.,
2005a). Europan egin diren ikerketetan, egoera sozio-ekonomiko kaskarragoa
obesitate maila altuago batekin erlazionatu da (Langnäse eta lank., 2002; De
Spiegelare eta lank., 1998). Bestetik nazioarteko ikerketa batek garatutako
herrialdeetan obesitatea, nutrizio maila kaskarrago eta hezkuntza maila baxuago
batekin erlazionatzen zuen. Garapen bidean zeuden herrialdeen kasuan aldiz, maila
sozioekonomiko hobea zuten populazio taldeak, obesitate maila handiago batekin
erlazionatu ziren (Bellizi eta lank., 1999).
Bai gure datuek bai enKid, EAE-ko eta Espainiako Osasun Inkestako datuek mutil
gazteen kasuan, gainpisu eta obesitate portzentaje altuagoak behatu dituzte nesken
datuen aldean. Espainiako beste ikerketa batzuk ere mutil gazteen azkenaldiko joera
hau argitaratu dute (Aranceta eta lank., 2001, 2004; Moreno LA eta lank., 2005a).
Aldiz, Espanian populazio helduarekin egindako ikerketetan emakumezkoen gainpisu
eta obesitate portzentaje altuagoak argitaratu dira eta hauek urteak igaro ahala batez
ere hezkuntza maila baxuagoa dutenen kasuan handituz dihoazela argitaratu da
Emaitzak eta eztabaida 147