Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak unibertsitateko ikasketetan zehar
zuten kirol-instalazioen falta, gutxiegitasuna edo desegokitasuna ariketa fisikoa egiteari
uzteko arrazoi bezala adierazi.
Ispizuak 2001. urtean Bizkaiko populazioaren ariketa fisiko ohiturak aztertu zituen.
Ikerketa honetan adin tarte ezberdineko pertsonek parte hartu bazuten ere, ariketa
fisikoa ez egiteko arrazoi nagusia denbora falta izan zen (Ispizua, 2003). Bestetik,
2000. urtean Espainiarren kirol ohiturei buruzko ikerketan ere denbora falta arrazoi
nagusia zela argitaratu zen (CIS, 2000). Gure ikerketako datuak, ikerketa honetan
argitaratutako arrazoiekin bat datoz.
Datuak sexuka aztertzean, ez zegoen estatistikoki ezberdintasun adierazgarririk bi
sexuen artean. Bai neska eta baita mutil gehienek ere, lehenengo kasuan denbora
faltagatik eta bigarren kasuan borondate faltagatik ariketa fisikoa egiten ez zutela
adierazi zuten.
Nerabezaroan gazteek garapenean eta gizarte-maila aldaketak jasaten dituzte eta
hauek ariketa fisikoaren mantenuan era negatiboan eragin dezakete. Honela, ariketa
fisikoa egiterako edo jarraitasuna mantentzerako orduan populazio orokorreko beste
adin taldeak baino arazo gehiago adierazten dituzte, hala nola, denbora falta, interes
edo motibazio falta, eguraldi desatsegina, neskalagun edo mutilaguna izatea edo eta
norberaren irudiarekin eta beste gizarte faktoreekin zerikusia duten oztopoak aipatzen
dituzte (Robbins eta lank., 2003; O´Dea 2003; Sallis eta lank., 2000; Trost eta lank.,
1996; Tappe eta lank., 1989; Neumark-Sztainer eta lank., 2003).
Oztopo hauek guztiak ezagutu beharko dira, egokiak diren Osasun Programak
ezarri ahal izateko.
140
Emaitzak eta eztabaida