Unibertsitateko ikasleen ariketa fisiko ohiturak, egoera ... - Euskara

Sarrera
Taulan ikus daitekeen moduan, urte horretako hilkortasun kausa garrantzitsuenak,
gaixotasun kardiobaskularrekin erlazionatutako gaitzak izan ziren.
Modu berean, INE-k 2005. urtean argitaratutako 2003. urteko datuei zegokienez,
gaixotasun kardiobaskularrek heriotz guztien herena (% 33.7) eragin zuten.
Ildo berean Eurostat, Europako Erkidegoko Estatistika Bulegoak, 2006. urtean
argitaratutako datuen arabera, 2001-2003 urte artean gertatutako heriotz guztien
herena baino gehiago (% 41) zirkulazio aparatuaren gaitzekin erlazionatzen zen.
Osasun arazo hauek neurri handi batean, lortutako garapen sozioekonomikoaren
eta gaur egungo bizitzaren ondorio dira. Izan ere, honek guztiak, aldaketa ugari ekarri
baitu bizitza-ohituretan (Kujala eta lank., 1998; Wei eta lank., 1999). Ohitura hauen
artean: pertsonek egindako lan fisikoaren gutxitzea, sedentarismoaren igoera
nabarmena, elikadura-aldaketak, alkohol eta tabako kontsumoaren igoera, estresa eta
gizarte masifikatu baten baitan sortzen den norbanakoaren isolamendua aipa daitezke.
Hala ere, ez da ahaztu behar, bizitza-ohituren aldaketek eragindako gaixotasunak,
neurri handi batean bizi-ohitura osasuntsuen bidez prebeni daitezkeela. Modu honetan,
gaixotasun hauek sustatzen dituzten faktore zein ohituren prebentzioan eragin beharra
dago.
12
Sarrera