Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak unibertsitateko ikasketetan zehar
ekintzak gutxi gora behera berdinak dira nahiz eta ordenean aldaketaren bat egon
daitekeen. García Ferrandoren hitzetan, azkeneko hamar urtetan Espainiako
populazioak aisialdian egiten dituen ekintzek egonkortzeko joera bat izan dute.
Lehenengo etxe barruan egin daitezkeen aisialdi ekintzak azaltzen dira (telebista ikusi
eta familiarekin egon), ondoren lagunekin egon, aldizkariak irakurri, musika entzun,
irratia entzun, zinemara joan moduko ekintzak aipatzen dira eta hauen guztien ostean,
ariketa fisikoa egitea azaltzen da (García Ferrado, 1991; 2001). Ispizuak 2001. urtean,
Bizkaiko populazioaren kirol ohiturak aztertzean, gehiengoak aisialdian egiten zituen
ekintzak Espainiako populazioarentzat aipatutako berdinak izan zirela argitaratu zuen,
nahiz eta kirola egitea azkeneko postuetan azaldu izan zen (Ispizua, 2003). Bestetik,
2005. urteko Espainiako populazioren ariketa fisiko ohituren inkestan, ibiltzea eta
merkataritza-guneetan erosketak egitea moduko ekintzak gehitu ziren eta honela,
ibiltzea hirugarren postuan telebista ikustearen atzetik eta merkataritza-guneetan
erosketak egitea irratia entzutearen ostean agertzen ziren. Ariketa fisikoa egitea aldiz,
hamahirugarren postuan zegoen, aurretik aipatutako ekintza guztien eta kirola ikusi eta
tabernetara joatearen ostean (García F eta lank., 2006).
Modu honetan, bai Espainian (García F, 1993a, 2001; Navarro eta lank., 1993;
Junta de Castilla y León, 1994; Romero eta lank., 1994; Ispizua, 1996, 2003; Peris i
Pascual, 1996; García S eta lank., 2001; García M, 2001; Hernández, 1999; CIS, 2002;
Agüí eta lank., 2004; Otero, 2004; INE, 2004; Ruiz F, 2001; Ruiz F eta lank., 2000,
2001b, 2004), bai beste nazioetan argitaratutako ikerketak (Bokuvka, 1992; Pierón eta
lank., 1996, 1997, 1998, 2002), bat datoz populazioarentzat asialdian lehentasuna
duten ekintzak aipatzerakoan.
Hala ere egoera hipotetiko batean egoera pertsonala edo soziala aldatuz, gustokoa
izango luketen edozein ekintza egitea beren esku soilik egongo balitz, populazioak
egiteko gustokoa izango lituzkeen ekintzen artean kirola edo ariketa fisikoa egitea leku
hobean egongo litzateke, hain zuen ere, laugarren (CIS, 2000), bostgarren (García F,
1991, 2001) eta zazpigarren postuetan (García F eta lank., 2006).
Gazteen aisialdiko ekintzak aztertu direnean ariketa fisikoa, kalera atera, lagunekin
egon, musika edo irratia entzun, telebista ikusi, zinemara joan edo eta irakurri moduko
ekintzen atzetik azaltzen da. Ikerketa askotan, ariketa fisiko jarduera bigarren postuan
(Romero eta lank., 1994), hirugarren postuan (García M, 2001), seigarren postuan
(Bokuvka, 1992), zortzigarren postuan (CIS, 2000), hamargarren postuan (CIS, 2002)
132
Emaitzak eta eztabaida