Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak unibertsitateko ikasketetan zehar
1999; Castillo I eta lank., 1999; Rodríguez Ordax eta lank., 2003; Paavola eta lank.,
2004; Pérez D eta lank., 2005). Populazio orokorraren kasuan ere ondorio bera
argitaratu da (Hickey eta lank., 1975; Hartley, 1985; Raitakari eta lank., 1995; Aaro eta
lank., 1995; Aarnio eta lank., 2002; Prieto eta lank., 2003). Beste ikerketa batzuk,
jokabide eta ohitura osasuntsuen arteko erlazio positiboa eta alderantzizkoa aurkitu eta
honek bizimodu zehatzen sustapenean duen garrantzia azpimarratu dute (Mendoza,
2000; Prieto eta lank., 2003; Paavola eta lank., 2004). Gure ikerketan mutilen kasuan
behatutakoa bat dator erretzeari dagokionez autore hauen lanen ondorioekin.
Ariketa fisiko erregularrak, bizi-ohituretan aldaketa garrantzitsuak eragiten ditu,
ohitura higieniko eta dietetikoen hobekuntzan oinarrituak. Berehalako efektua, ongizate
subjektiboaren sentsazioa da eta epe luzera osasun egoera hobea eragiten du (Prieto
eta lank., 2003).
Espainiako 2006. urteko Osasun Inkestan (MSC, 2007), 16-24 urte bitarteko
nesken % 31.15 eta mutilen % 25.53 erretzaileak zirela argitaratu zen. Gure datuek
joera berdina jarraitzen zutela behatu genuen. Izan ere, ikerketan parte hartu zuten
ikasle erretzaileen datuak aztertzean, neska erretzaileak (% 35.4) mutil erretzaileak
(% 32.7) baino gehiago zirela behatu genuen. Bestetik, UPV/EHUko esperientzia
geletako ikasleekin (55-80 urte bitartean) egindako beste ikerketa batean, gizon
erretzaileak (% 41.07) emakume erretzaileen (% 22.37) ia bikoitza zirela argitaratu zen
(Jauregi, 2005). Honen guztiaren azalpena, belaunaldi eta gizarte-garaiaren aldaketan
bilatu behar da.
Emakumeak, modernizazioaren ildoan eta generoen arteko berdintasunerako
bidean mutilen esparruan aintzinatik kokatzen ziren ohiturak bereganatzen joan ziren,
nahiz eta horietako batzuk osasungarriak ez izan. Bereganatutako ohitura horien
artean erretzearen ohitura da aipagarri, izan ere, datuek adierazten duten eran neska
gazte erretzaileen portzentajea asko handitu baita azkenaldian (MSC, 2007).
Gure ikerketan lortutako datuetan, aipatutako azkenaldiko aldaketak isladatzen
direla uste dugu. Honela mutilen kasuan, aintzinatik erretzearen ohitura guztiz
bereganatua dagoen gizarte-sektorean, ez erretzea ohitura osasungarria den ariketa
fisikoaren praktikarekin erlazionatzen da. Nesken kasuan aldiz, modernizazioa eta
generoen berdintasunerako bidean gertatu diren aldaketa berri ez hain osasungarrien
eraginez, erretze ohitura eta ariketa fisikoaren praktika uztartu egin direla uste dugu.
Emaitzak eta eztabaida 129