Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak unibertsitateko ikasketetan zehar
alderantzizko erlazioa (Daley eta lank., 2000; Tremblay eta lank., 2000) edo eta
parametro horien artean ondorioak ezin atera daitezkeela (Leslee eta lank., 2004;
Grissom, 2005) argitaratu dute.
Erlazio positiboa aurkitu duten autoreek, gazteen kasuan, ariketa fisiko
gehiagarriari, adimen ekintzen (funtzio mental, kontzentrazio eta energi maila
altuagoa), gorputz eraikera edo pertsepzioaren aldaketen ondoriozko norberaren
estimuaren eta portaera hobearen areagotzea egotzi zaizkio. Hau guztia gainera,
hezkuntza kognitibo eta beraz, etekin akademikoaren emendapenarekin erlazionatu da
(Dwyer eta lank., 1983; Shephard RJ, 1996, 1997c; Whitehead eta lank., 1997; Cocke,
2002; Sibley eta lank., 2003).
Ikerketa askok, norberaren estimuaren eta ariketa fisiko jardueraren artean erlazio
positibo sendoa dagoela adierazi dute motibazioen gain modu positiboan eragina
izanez (Gruber, 1986; Dzewaltowski, 1989; Marsh, 1993; Sonstroem, 1997; Whitehead
eta lank., 1997; Linder, 1999; Gutierrez eta lank., 1999; Armitage eta lank., 1999;
Spaeth eta lank., 2000; Hagger eta lank., 2001). Gazte askori, klasekideekin ariketa
fisikoan trebeak direla erakustea gustatuko litzaieke eta esparru fisikoan gertatzen den
arrakasta norberaren estimuarekin erlazio zuzena duela aurkitu da (Cantell eta lank.,
1994).
Era honetan, oinarrizko esparruetan norberaren estimuaren garapena,
lehentasunezko helburua izan da. Izan ere, ikasleen motibazioan, iraunkortasunean
eta etekin akademikoaren arrakastan funtzesko papera eragiten duen faktorea dela
dirudi (Tawkley, 1980).
Beste ikerketa batzuk erlazio positiboa, beste zentzu batean azaltzen dute eta
honela, akademikoki hobeak direla pentsatzen duten gazteek ariketa fisiko jarduera
gehiagotan parte hartzen dute (Linder, 1999). Baina hau, norberarenganako estimu
altuagoa duten gazteek ariketa fisiko jarduera gehiagotan parte hartzeko beharrezkoa
den konfidantza altuagoa izateagatik izan daiteke (Raich eta lank., 1996; Weinberg eta
lank., 1996; Trigo Aza, 1999; Tremblay eta lank., 2000; Santos eta lank., 2005).
Tremblay eta lankideek, Canadan 6923 ikasle aztertu zituzten eta bai neska bai
mutilen kasuan erlazio postiboa behatu zuten ariketa fisiko eta norberaren estimuaren
artean (2000). Honela, hainbat ikerketek erlazio positiboa topatu duten arren, ez dute
adostasunik lortu zein faktorek eragiten duen zer ondorioztatzeko orduan.
Emaitzak eta eztabaida 119