Unibertsitateko ikasleen ariketa fisiko ohiturak, egoera ... - Euskara

Ariketa fisiko ohiturak unibertsitateko ikasketetan zehar
ikerketa batzuetan emakumezkoek ariketa fisikoa bakarka egiteko joera handiagoa
(Hellín, 2003) eta gizonezkoek aldiz, ariketa fisikoa taldeka egiteko joera handiagoa
dutela argitaratu da (Ministerio de Eduación y Ciencia y MSC 2006; Sánchez F eta
lank, 2007). Zentzu honetan gure datuek ere, joera berdina konfirmatzen dute.
Nazioartean, Colombian Bogotako Unibertsitateko ikasleekin egindako ikerketa
batean, ikasleek unibertsitatean ikasketak jarraitzen dituzten heinean, ariketa fisiko
gutxiago eta bizimodu sedentarioagoa egiten dutela argitaratu da (Velásquez eta lank.,
2006).
Espainian, Leoneko Unibertsitatean, Kirol Hezkuntza ikasten duten unibertsitateko
ikasleekin egindako ikerketa batean, ikasturteak aurrera joan ahala, ikasleen
karreragatiko motibazioak murriztuz doaz, hala nola, egiten duten ariketa fisiko
kantitatea, maiztasuna eta baita federatu eta elitedun kirolarien portzentajeak (Pérez D
eta lank., 2005). Hala ere, ikasle hauen ariketa fisiko praktika portzentajeak beren adin
tarteko ikasleen mailatik gora mantentzen dira (Sánchez-Barrera eta lank., 1995;
Mendoza, 2000; Delgado eta lank., 2002; García F, 1997; García F eta lank., 2006).
Bestetik eta Unibertsitateko Kiroldegiaren erabilpenaren datuei zegokienez,
estatistikoki adierazgarriak ziren ezberdintasunak ere aurkitu genituen ikasturte
ezberdinetan zehar bai ikasle orokorren (p