You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Speciâl <strong>Musiche</strong><br />
Cors e ricors <strong>dal</strong> “fatôr 20”<br />
Cjalant la storie de musiche <strong>furlane</strong> al torne fûr ogni vincj agns: il panorame<br />
musicâl al vîf di ciclis matematic e daûr di cheste analisi o sin dongje di une<br />
rinassite ancje de musiche par furlan<br />
Kosovni Odpadki<br />
Mitili FLK<br />
<strong>La</strong> musiche e je une cuestion di ciclis e<br />
riclams al passât. Al è matematic: il rock<br />
classic agns ‘50 al è tornât juste 20 agns dopo,<br />
tai agns ‘70, par jessi dopo citât tai agns ‘90<br />
e la new wave che e à rignuvît i agns ‘80 e je<br />
daûr a tornâ a fâsi sintî propit sul inizi di chest<br />
mileni. Se il calcul al è just, duncje, la grande<br />
stagjon de gnove musiche <strong>furlane</strong> e varès di<br />
cognossi une seconde rinassite tal zîr di 2-3<br />
agns: e je ancje une motivazion anagrafiche,<br />
stant che fint cumò, te cussì clamade “sene”<br />
in marilenghe, a son stâts impegnâts plui<br />
o mancul simpri i stes protagoniscj. Ma<br />
“simpri i stes” al significhe desenis di grups e<br />
progjets origjinâi, une liste pardabon lungje<br />
di cjantautôrs e une produzion che aromai si<br />
conte in centenârs di albums.<br />
<strong>La</strong> ete di aur, duncje – aromai si pues dîlu – a<br />
son stâts i agns ‘90. Agns di rignuviment, di<br />
riscuvierte des nestris lidrîs, ancje daûr <strong>dal</strong><br />
sburt di un trend nazionâl che al puartave un<br />
pôc pardut al recupar di lenghis minoritariis<br />
e dialets intune forme-cjançon rignuvide.<br />
E massime ta chel cjalderon che al è stât il<br />
fenomen neo-etnic che al veve dentri un tic di<br />
dut, de etiche punk aes derivis folk, dai ritmis<br />
la patrie <strong>dal</strong> friûl _ DICEMBAR 2007 _ 12<br />
caraibics aes zighis irlandesis. Chest recupar,<br />
in <strong>Friûl</strong>, al à lidrîs un pôc plui antighis: i<br />
agns ‘80, chei vivûts sul sburt <strong>dal</strong> folk revival<br />
mondiâl (massime anglosasson) e des primis,<br />
grandis bataiis pe tutele <strong>dal</strong> furlan. I agns,<br />
fevelant di musiche, <strong>dal</strong> Cjançonîr di Dael, <strong>dal</strong><br />
Cjançonîr Furlan, <strong>dal</strong> Povolâr ensemble e di<br />
chê Sedon Salvadie che e je stade la palestre di<br />
tancj e tancj etno-musiciscj, tacant di Andrea<br />
Del Favero e Giulio Venier e dai siei Furclap. A<br />
determinâ un interès rignuvît pes musichis <strong>dal</strong><br />
mont, une rassegne come Folkest, in grande<br />
cressite – di fenomen locâl a grant festival<br />
european – propit a cjaval di chel deceni.<br />
Il moment decisîf a son i prins agns ‘90,<br />
chei che a puartin (in gracie di rassegnis<br />
tematichis, de opare di diffusion di Radio<br />
Onde Furlane, <strong>dal</strong> Premi <strong>Friûl</strong> e la nassite di<br />
etichetis discografichis come la Nota di Valter<br />
Colle) i prins sucès locâi. Limitâts, al è clâr, tal<br />
numar di copiis vendudis, ma no tal impat,<br />
stant che une band come i Mitili Flk e risulte<br />
decisive (e si lu veve capît za in chê volte) par<br />
Glauco Venier<br />
fâ capî come che il matrimoni tra combat<br />
folk (ma ancje rap, ancje se in forme grese) e<br />
furlan si pues e si à di fâlu. Di chê esperience,<br />
di discs come “Ratatuie” e “Colôrs”, si slargje<br />
dut un fenomen che al tocje cjamps diviers,<br />
<strong>dal</strong> recupar folk plui ortodòs ai esperiments<br />
in clâf tiercemondiste, dai sburts filologjics<br />
al “miscliçament”. A son i agns di Carantan,<br />
Bakan, Braul, Nosisà, ma ancje di Arbe Garbe,<br />
Strepitz, Bande Tzingare, Zuf de Zûr e de lôr<br />
evoluzion logjiche Kosovni Odpadki.<br />
Il pas di dopo al è stât bandonâ l’assiome<br />
furlan=popolâr, cul ûs a 360 grâts de lenghe,<br />
come sperimentât cun sucès, za di timp<br />
di altris minorancis europeanis. Dopo <strong>dal</strong><br />
esempli pioneristic <strong>dal</strong> punk par furlan,<br />
Prorastar<br />
ANDREA IOIME<br />
za al inizi <strong>dal</strong> deceni, cui Inzirli, a rivin lis<br />
alchimiis <strong>dal</strong> newyorchês David Shea, che al<br />
met adun computer e struments tradizionâi: i<br />
esperiments eletronics a 360 grâts di ReddKaa,<br />
a non Madrac e cui rappers Dlh Posse; il<br />
brit-pop in lenghe dai Prorastar; il rock di<br />
Pantan, Jonokognos e Parafangos, cence dî<br />
de bondance di formazions nassudis tal ultin<br />
periodi; il blues di Fabian Riz… Tal stes timp,<br />
no mancjin lis provis di autôr di jazziscj<br />
come Glauco Venier, U.T. Gandhi, Mauro<br />
Costantini e Daniele D’Agaro, oltri che aes<br />
produzions “di confin” come chês di Stefano<br />
Andreutti, Clobeda’s e di cjantautôrs “fûr de<br />
norme” come Tony Longheu. Ma la liste dai<br />
autôrs – tancj di chescj no si fermin nome a<br />
un album, ma a àn continuât par agns, magari<br />
cun progjets paralêi – e je une vore lungje.<br />
Prime o dopo si varà di decidisi a scrivi une<br />
storie “vere” di chescj agns. Prime o dopo…<br />
DLH Posse (foto Luca Paolassini)