Musiche furlane - La Patrie dal Friûl

More documents

Recommendations

Info

Speciâl Musiche Giorgio Ferigo: la rafinatece di un inteletuâl intransigjent Ai 5 di Novembar il mont culturâl furlan al à patît une altre imense pierdite. Nus à lassât Giorgio Ferigo: inteletuâl, scritôr, poete, musicist e storic cjargnel. O presentìn un ristret dal ricuart dal so ami Alfio Englaro, che al sarà publicât par intîr tal speciâl di Dicembar di Glesie Furlane «Patrie dal Friûl» Oai cognossût Giorgio dal 1962, tal ‘seminari di Cjastelîr: jo o jeri in prime medie e lui in tierce. In chê volte, nô cjargnei o jerin dispès cjapâts pal cûl dai furlans, e cussì al vignive naturâl par nô di cirîsi un cul altri. In chel an scolastic 62-63, il viceretôr Plinio Galasso al veve burît fûr un gjornalin interni, Telestar: a mi mi tocjave dispès di fâ i dissens internis e la cuviertine. Giorgio invezit al tacave bielzà a publicâ pinsîrs e contis. Ducj i disevin che al jere une vore brâf a scuele ancje se un tic roc e permalôs, dispès ancje estrôs. Par doi agns no ai viodût plui Giorgio, par vie che lui l’an dopo, al jere lât a tacâ il gjinasi a Udin. IL ‘SEMINARI E IL 68_Tal 1965 o soi rivât Trê robis al faseve: preâ (no masse, parcè che nol jere un preot), sunâ (un grum) e studiâ (simpri) jù ancje jo a Udin, in IV gjinasi, e ai tornât a cjatâ Giorgio che al jere in prime liceu. In chescj agns no vevi contats frecuents cun lui ma la sô personalitât si madurave e si rivelave cun simpri plui sicurece tal ambit liceâl. Ancje a Udin o vevin il gjornalin interni, Relais, e su chest setemanâl o ai scuviert pe prime volte la profonde e origjinâl vene poetiche di Ferigo: poesiis splendidis e al limit de censure ecclesiastiche e bacons di cronache interne rafinade e simpri sul fîl da ironie. la patrie dal friûl _ DICEMBAR 2007 _ 10 Al leieve autôrs che jo no vevi inmò mai sintût a nomenâ: Dostojewski, Scholokov… Trê robis al faseve: preâ (no masse, parcè che nol jere un preot), sunâ (un grum) e studiâ (simpri). No ai mai viodut Giorgio a zuiâ di balon ni a corisi daûr pal curtîl; par solit al steve sentât di bessôl a lei o a cjalâ chei altris. Un an, si veve metût adun une rapresentazion su la scjalinade esterne de capele: lui al veve recitât tocs da Ballata degli Impiccati di François Villon e tocs siei; o ai inmò tes orelis il berli finâl di Erminio: O libero Iddio, tuo Figlio continua a morire! Une des cjançons che Al saveve jessi legri e seriôs, poiât e esigjent a compagnavin cheste rapresentazion a tacave cussì: “Hanno ucciso anche don Torres, che sui monti era fuggito, con il sacco sulle spalle e il mitra made in Cina. Lo chiamavano spretato, traditore e senza Dio, poi più nulla…”. Il clime dal 68 al jere jentrât di prepotence ancje tal ‘seminari di Udin e nissun al podeve parâsi. Tancj liceâi e cualchi teolic al veve fat la valîs e tra chescj ancje Giorgio. Di in chê volte lu ai pierdût di viste par passe 10 agns. I AGNS 80 E L’IMPEGN IN CJARGNE_Tai prins agns ’80, o ai tornât a viodilu in place Cente a Tumieç: al smontave de coriere di Udin e al jere vistît stramp, une barete nere di lane di marinâr e un gjilet ros, ocjai taronts; al sameave dut Lucio Dalla, al fumave un daûr chel altri… Mi diseve che al jere uficiâl miedi par vivi, ma la sô passion e jere la Cjargne; dai siei discors o vevi capît che al jere deventât anticlericâl ferbint e di chê sinistre plui rabiose. Mi pareve però che si “ves cusît intor une gnove normalitât”… Subit dopo, lu viôt ogni domenie aes dôs dopomisdì su TeleAltoFriuli a tignî sù “Il timp des radîs”, un program pionieristic dut par furlan su la Cjargne. Tal 1984, simpri in Cjargne al jes un periodic trimestrâl, NORT, dulà che a scrivin i personaçs plui in viste de sinistre cjargnele e Giorgio al da subit la sô ALFIO ENGLARO impronte origjinâl, deventant cussì pont di riferiment par dute la clape culturâl di chenti. Tal 1985 al ven fûr ALMANACCO DELLA CARNIA, anuâl, e Giorgio al è l’articolist plui preseât e plui preparât su la storie locâl. In chescj agns, al zire par dute la Cjargne, al visite parochiis e municipis, al sgarfe archivis e documents vecjos, al jude tante int a scrivi libris e publicazions variis. LA PERFETE ARMONIE_Une dì, o voi tal museu Gortani di Tumieç a menâ in visite un gno coleghe e lu cjati cuntune kippa ebraiche sul cjâf, che mi da une audiocassete titulade “Cjamp dai pierdûts amôrs”: al veve fondât di cualchi an i POVOLÂR ENSEMBLE, un non francês par un complessut di padovans che a cjantavin par cjargnel. Cuant che o ai tacât a scoltâ chestis cjançons, o sei restât striât e sbarlumît: musiche splendide, peraulis che a jere poesie pure, colte e rafinade. Autôr di musiche e peraulis, al veve achì realizât une perfete armonie des sôs cualitâts, par un impegn civîl e morâl cun sponts autobiografics che ti gjavavin il flât. Tal fratimp al da sot a lei e a scrivi, a organizâ cunvignis e pocâ. Pal Coordinament dai Circui Culturâi di Çurçuvint al colabore a un slac di publicazions. Su “Cimiteri di montagna” al scrîf un lunc saç su “Superstizioni igieniche relative alla morte” in Cjargne, une robe straordenarie. Al saveve jessi legri e seriôs, poiât e esigjient. A nassin cussì lis sôs oparis plui grandiosis: Cramârs (1997), Tumieç (1998), Mistruts (2006) cence dismenteâ un librut parturît dal so lavôr di uficiâl miedi “Il certificato come sevizia” dulà che al mene pal boro la manie dute taliane di certificâ dut, ancje l’incertificabil. TAL ULTIM_No pues dismenteâ la prime dì de sô via crucis, cuant che, ricoverât a Tumieç, i ai fat la ecografie. Via crucis che à durât doi mês esats: dai 5 di Setembar 2007, a Lunis ai 5 di Novembar, a buinore, cuant chi lu ai viodût pes ultimis, che mi è vignût l’ingosc… Il dì dopo o soi lât a trai la recuie inte morgue dal ospedâl: ancje in varès, cussì vistît di fieste, mi sameave che al ves mantignût inmò il so lizêr vêl di ironie… Achì sot e a çampe, Ferigo al cjante cui Povolâr ensemble
MARINO PLAZZOTTA Certificâts par sostentâ la burocrazie La cuviertine dal libri Ferigo intun dissen di Di Lena ultim libri che o ai let L’ di Giorgio Ferigo “Il certificato come sevizia” (ed. Forum) mi à fat fâ cualchi ridade di gust. Mai no varès pensât che un Cjargnel cussì Cjargnel come Giorgio al fos rivât a cjapâ pal cûl tant ben la burocrazie che lu stipendiave. Il sûc di dute la opere si cjate te primis riis dal libri (scrit par talian, no par mancjance di rispiet pal furlan, ma par comoditât): “Molti dei certificati richiesti ai cittadini non hanno alcun significato sanitario”. Cun meticolositât sientifiche, che le à doprade ancje in ocasion di oparis plui inpegnativis, Ferigo al spieghe come che la burocrazie ti pues ruvinâ la vite, propit par vie di chescj certificâts inutii e impussibii. Cemût pretindi che un miedi, cuasi dome a voli, al podi certificâ che un al è di “sana e robusta costituzione”? Altre tumiade e je chê dal libret sanitari. Che a scuegnin vêlu ducj chei che a àn a ce fâ cu la int par vie dal mangjâ e dal bevi, parfin l’autist dal camion “goccia di Carnia”! A ‘nd è inmò une slavinade di altris certificâts che a rindin potente la burocrazie che ti pues autorizâ, o no, a fâ il portinâr, il mecanic o il carocîr, il condutôr di cjalderiis a vapôr, o par podê azionâ l’implant di salide di un skilift, par podê adotâ o, parfin, par podê cedi un cuint dal to stipendi. Par podê vê un prestit de bancje, fâ il cjaçadôr o lâ in palestre. Su la patent e il rinovament a scjadence al scrîf un cjapitul intîr. Al è li che al scrîf, par fa capî i timps biblics de burocrazie, che in Italie a son volûts 12 agns par rindi obligatoriis lis cinturiis di sigurece e ben 14 par imponi il casc a chei che a van in moto, si ben che ducj a fossin convints che la sanitât nazionâl e varès sparagnât un grum di bêçs. O podarès lâ indenant contantjus ce che Ferigo, miedi, al pensave de “igjen” che no je une dissipline sientifiche, ma un concet che al fâs comut a chei che a vendin savons par ogni bisugne, ma mi fermi no prime di dâus un consei che il libri mi à sugjerît: no stait a pensâ di podê lâ cuintri la burocrazie, o pierdaressis simpri. A Giorgio un requiem che i zovi a cjapâ di là ce che i an gjavât di ca. MAX MAURO Cjantâ vuê nol è plui liberatori 16 agns dopo, la opinion di Max Mauro, gjornalist vuê e une volte cjantant dai Inzirli. Ce che al è gambiât tal fâ musiche in marilenghe ne lenghe minoritarie o minorizade «Utant che il furlan o il sart, il cors e tantis altris e je plui libare e liberatorie di cualsisedi lenghe di stât, propit parcè che no à un stât daûr a imponile e tramandâle. Doprâ il furlan al è jessi neris intun mont di blancs (nô o sin blancs, e je la nestre lenghe che e je nere), feminis intune societât di mascjos parons e predis bigots, zingars intun mont di stanziâi, punk, gay e dut ce che di minoritari al va cuintri il ben pensâ de maiorance coione e piorone. Une minorance no comande a di nissun, deventìn ducj minoritaris. Imparìn a amâ la diviersitât partint de nestre e cjapant dentri dutis chês altris. No stin a lassâsi instupidî da la television, da la scuele, dai partîts politics, crodìn inte fuarce liberatorie (e libertarie) di ce che al è minorance. Doprìn il furlan e sburtìnlu tal futûr. Cuissà, forsit nol restarà nuie di lui, ma par sigûr o varìn aumentât la complessitât e la ricjece, di nô in prin lûc e dal mont intîr». Cuant che mi è stât domandât di fevelâ de esperience dai Inzirli, il grup punk dulà che o cjantavi tai prins agns novante, e dal sens di doprâ la lenghe furlane, mi è vignût automatic di cjapà in man il test che o vevi scrit par compagnâ il nestri demotape (la nestre prime cassute, par capîsi). Lu ripuarti par intîr propit par vê clâr il riferiment. Ce isal gambiât dopo 16 agns di cuant che chel test al è stât scrit? Une robe e je cambiade: il furlan nol è plui “lenghe cence stât”. Tal Inzirli a Deskle, Slovenie, tal 1994. Di çampe in sens orari: Oscar, Max, Marco, Gb. Musiche Speciâl INZIRLI STORY «Un tic diari, un tic deliri», cussì Max Mauro al presente il libri li che al conte la storie dai «siei» Inzirli. «Inzirli – una storia per caso» al è stât publicât tal 2001 par cure de Snait editrice (golaine «Snaitbuchs»), par talian, cu la grafiche curade di Piermario Ciani. fratimp a son rivadis dôs leçs a ricognossilu: tal 1996 chê regjonâl e tal 1999 chê dal stât talian. Vuê il furlan al à spazis che in chê volte no si insumiavisi, te uficialitât amministrative, te scuele, tai media. Il contest al è gambiât: semantichementri, doprâ vuê il furlan nol è plui un at liberatori ni libertari; afirmatîf di une (piçule) diviersitât forsit, ma juste chel. Chel scrit al è secont me ancjemò atuâl, ma si à di mudâ il sogjet: no plui il furlan – la lenghe, chê di popul no mi soi mai interessât –, ma altris sogjets/entitâts che a continuin a vivi la condizion di minorance tibiade, di emargjinazion culturâl o sociâl. A ‘nd è, purtrop, un grum. Ma no plui la lenghe furlane. In bande: cuviertine dal 7” autoprodusût, 1995. Sot: conciert li dal CSA di vie Volturno, Udin 1994. la patrie dal friûl _ DICEMBAR 2007 _ 11
Page 1 and 2: UNE COPIE EUROS 2,50 TASSA PAGATA T
Page 3 and 4: CHRISTIAN ROMANINI Il numar O vin d
Page 5 and 6: Ma no baste… BIO_VALTER COLLE, gj
Page 7 and 8: de rivade di musiciscj, organiscj e
Page 9: NICOLA COSSAR I Cjançonîrs: «jer
Page 13 and 14: SIMONE BRESSAN Dario Zampa: 30 agns
Page 15 and 16: Musiche furlane: indagjin su Intern
Page 17 and 18: CURTIS E CUMÒ IL STATÛT DE REGJON
Page 19 and 20: FABIAN ROS Dîs voltis cine furlan
Page 21 and 22: De Rosas IVO MURGIA Gnovis tindinci
Page 23 and 24: ALESSIO POTOCCO Danilo Türk gnûf
Page 25 and 26: Campagne abonaments 2008 O sin cuas
Page 27 and 28: ANTONELLA OTTOGALLI* Il Sant Simon
Page 29 and 30: FEDERICA ANGELI Il Friûl tal etere
Page 31 and 32: “sentinelis”, ma parcè che e j

Musiche furlane - La Patrie dal Friûl

Create successful ePaper yourself

Delete template?

Save as template?