You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
musica giuvenila aspermont sagogn (mgas)<br />
dapi la fundaziun dall’Uniun da musica sagogn ei la scolaziun da musicantas e<br />
musicants giuvens adina stada in tema impurtont. <strong>onns</strong> alla liunga ein divers<br />
musicants ord las atgnas retschas, vicedirigents e dirigents sedai breigia da<br />
scolar musicantas e musicants giuvens. La musica giuvenila aspermont sagogn<br />
vegn fundada igl onn 1994 cun la ferm’intenziun da garantir cheutras ina<br />
scolaziun permanenta a musicantas e musicants giuvens e da francar aunc<br />
meglier l’existenza dall’Uniun da musica sagogn. Finamiras secundaras dalla<br />
nova musica da giuvenils ein: la cooperaziun ella veta socio-culturala da sagogn<br />
sco era l’integraziun da giuvens e giuvnas en in ambient romontsch. ils<br />
dus iniziants e promoturs principals dalla mgas ein il president Jgnaz Lombris<br />
ed il dirigent silvio Lechmann.<br />
ils 3 da settember 1994 vegn la musica giuvenila aspermont sagogn fundada. ils<br />
15 da settember 1994 entscheivan 23 musicantas e musicants giuvens culs<br />
exercezis da musica. L’emprema suprastonza dalla mgas secumpona d’en rico<br />
arpagaus (president), anita Cavelti (cassiera), armin Cavelti (actuar) e dalla<br />
dirigenta michaela Lombris.<br />
Per motivar ils giuvenils e per tgirar la cumpignia vegn organisau viadis, camps<br />
da musica ni visitau interessants concerts. igl october 1999 visetan musicantas<br />
e musicants giuvens in concert dalla renomada «Brass Band soli deo gloria»<br />
a Landquart.<br />
ils 14 da matg 2000 concertescha la mgas communablamein cull’uniun a caschun<br />
dalla presentaziun dall’uniformaziun nova dall’Ums. igl onn 2001 viseta<br />
la musica da giuvenils l’eXPo, sepresenta duront la sera familiara ed embellescha<br />
il di dallas mummas sco era la surdada dalla «Plema d’aur» a sagogn.<br />
gl’emprem camp da musica ha liug a sedrun duront in pèr dis dalla stad 2002.<br />
ils 6 da zercladur 2004 vegn festivau il giubileum «10 <strong>onns</strong> musica giu venila<br />
aspermont sagogn» e quei ensemen culla musica giuvenila steilalva da sevgein<br />
e la musica giuvenila Lumnezia che prendan era part dil grond til atras il vitg.<br />
duront quei onn da giubileum organisescha la mgas era in viadi da dus dis.<br />
sco schenghetg da giubileum sponsurescha l’Ums ina part da quei viadi.<br />
igl atun 2004 collaborescha la mgas enteifer il project «Platta Pussenta». ils<br />
iniziants da quei project vulan tgirar il maletg dalla cuntrada dallas vischnauncas<br />
da sagogn, Laax, schluein e Falera. Cun far lavur cumina promova la<br />
mgas igl agen spért da team.<br />
michaela Cavelti-Lombris diregia cun fetg bia idealissem la formaziun naven<br />
da sia fundaziun igl onn 1994 entochen 2007. duront tut quels <strong>onns</strong> ha la<br />
dirigenta investau bia temps, energia ed inschign per scolar musicantas e<br />
musicants giuvens e presentau bials e varionts concerts cun la mgas.<br />
33