50 onns UMS

La fin d’jamna dils 7 ed 8 da settember 1991 meina in’excursiun l’uniun a
Cassons e lu a pei giu Bargis. Leu gaudan musicants e musicantas ina buna
tscheina e silsuenter ina biala sera da cumpignia.
ils 14 da fenadur 1992 ha liug a schluein il giubileum «50 onns Uniun sportiva
schluein». muort schliat’aura vegn sunau en tenda. La fiasta ei tut apartia ed ils
musicants da sagogn cun t-shirts violets ein activs entochen la damaun marvegl.
ils 19 e 20 da zercladur 1993 viagescha l’uniun a Freiburg el Breisgau. La sonda
viseta ella igl europa-Park a rust. suenter sedivertir el parc vegn tratg en
l’uniforma da musica davos il bus sin in parcadi d’autostrada e lu embelliu ina
fiasta da quartier a Freiburg cun in concert. viers mesanotg e suenter enqual
migiel vin alv dat la musica aunc in pign concert cun tocs sco «my way» ed auters.
duront quellas producziuns hagi ei dau aspectaturs cun larmas els egls.
ils 4 e 5 da mars 1995 organisescha l’uniun in’excursiun silla Camona dil vorab.
in eveniment nunemblideivel per mintgin ch’ei separticipaus. suenter fullar
via culs skis ed encurir la dretga senda naven dil restaurant vorab reussescha
ei pér cun agid d’ina maschina da far pista e cun ureglias miez scheladas
da contonscher la Camona dil vorab. suenter tals strapazs gusta la tscheina
aunc in bienton meglier quella sera. il vent fin e freid accumpogna tuts denton
l’entira notg. Tut scaldar pegna e sefultschar sut la cozza gida pauc. L’idea da
spassegiar cun tizuns entuorn tegia vegn l’unfrenda dall’aura. Tgei surpresa
l’auter di – fina bialaura!
a caschun dalla Fiasta federala da musica ad interlaken igl onn 1996 menziunescha
il president Jgnaz Lombris: «En cass ch’in ni l’auter vess d’ir a piarder, la
numera dall’uniun ei 702!»
16-6-1996: Fiasta federala da musica ad Interlaken
31