50 onns UMS

duront la radunonza generala digl onn da musica 2005/06 engrazia il dirigent
specialmein a tut tgi che lavura ni viva ordeifer il vitg e che vegn – malgrad
liungs viadis e pusseivladads restrenschidas – a sunar ell’uniun. in special engraziament
admetta el als veterans. els seigien quels che hagien manteniu
l’uniun e seigien era buca senuspi da surprender repetidamein posts da responsabladad.
duront la radunonza dils 18 da november 2006 menziunescha
il dirigent ch’ils resultats dil questiunari repartius all’uniun demuossien claramein
che la gronda part da commembers e commembras vegli prestar enzatgei
special, tgirar la cumpignia e contonscher gronds success musicals.
aschia ein las finamiras tschentadas pigl avegnir. Cun ina buna tenuta musicala
e sociala e grazi’all’integraziun da musicantas e musicants giuvens recrutai
ord la musica giuvenila aspermont sagogn vegnan quellas finamiras contonschidas
il proxim temps.
duront il concert annual digl onn 2007 undrescha il president dall’Uniun cantunala
da musica dil grischun, robert Casanova, il dirigent per sia nunstunclenteivla
lavur prestada duront dus decennis e per ses merets en favur dalla
musica instrumentala dil grischun.
21-4-2007: Concert annual – ils veterans en acziun cumpleina
igl onn 2009 abdichescha silvio Lechmann pervia da problems cull’udida. a
caschun da siu davos concert vegn el honoraus sco dirigent d’honur dall’Uniun
da musica sagogn. il president Thomas Welter admetta in cordial e resentiu
engraziament per tut siu idealissem e grond engaschi en favur dall’Ums
duront ils davos 22 onns. il dirigent partent ha astgau festivar beinenqual
success cull’uniun e quei duront bunamein la mesadad da ses onns d’existenza.
sut sia direcziun ei l’Ums sesviluppada ad ina dallas meglieras musicas dil
cantun grischun en tiarza categoria brass band. era sin palancau naziunal ha
23