Create successful ePaper yourself
Turn your PDF publications into a flip-book with our unique Google optimized e-Paper software.
SPRITAĴOJ<br />
1. Miskompreno.<br />
Amiko A donacas al sia bona amiko B belkoloran papagon. Post<br />
kelkaj tagoj li renkontas la alian en la strato kaj demandas lin, kiel plaĉas<br />
al li la birdo.<br />
“Ho,” plendas B, “ĝi ne gustis tre bone.”<br />
“Gustis?” miras A, “ĉu vi volas diri, ke vi manĝis la papagon?”<br />
“Jes, kompreneble.”<br />
“Vi estas stulta! Tian birdon oni ja ne manĝas, oni tenas ĝin en kaĝo;<br />
tia birdo estas valora, ĝi povas paroli!”<br />
“Ĉu vere? Kaj kial ĝi ne diris tion?”<br />
2. Tro laŭte.<br />
Profesoro: “Ho, vi ne povas dormi en mia prelego!”<br />
3. Vana peto.<br />
Li (flustrante): Bonvolu doni al mi vian telefonnumeron.<br />
Ŝi: Ĝi estas en la telefonlibro.<br />
Li: Tre bone. Kaj kio estas via nomo?<br />
Ŝi: Ankaŭ ĝi estas en la telefonlibro.<br />
4. Stranga postulo.<br />
Nova familio ekloĝis en la najbara domo, kaj Sinjorino Maldiskreta<br />
tre interesiĝis pri ĝi.<br />
“Ili ŝajne vivas en tre bona harmonio,” ŝi raportas al sia edzo. “Li<br />
kisas ŝin ĉiam, antaŭ ol li foriras, kaj de la strato li mansignas al ŝi; kial vi<br />
ne faras tion?”<br />
“Dio mia,” embarasite defendas sin la edzo, “mi ja ankoraŭ eĉ ne<br />
konas tiun virinon.”<br />
5. Infana parolo.<br />
Juna knabo vizitas tombejon unuafoje en sia vivo. Kompreneble ĉio<br />
tre interesas lin kaj zorge li tralegas la multajn laŭdajn enskribojn sur la<br />
tomboŝtonoj. Fine li demandas iomete dubeme: “Paĉjo, kie ili entombigas<br />
la malbonajn homojn?”<br />
- 1 -