Create successful ePaper yourself
Turn your PDF publications into a flip-book with our unique Google optimized e-Paper software.
ANEKDOTOJ<br />
179. Diabla malfacilaĵo<br />
Kiam la muzikisto Haydn estis tridekjaraĝa, li komponis serenadon<br />
por tri instrumentoj kaj mem prezentis ĝin kun du amikoj en diversaj<br />
partoj de la Aŭstria ĉefurbo. Iutage ili hazarde ludis ĝin sub la fenestroj<br />
de Bernardon, fama arlekeno, kiu tiam direktis teatron en Vieno. Ĉar lin<br />
frapis la originaleco de la muziko, Bernardon iris malsupren en la straton<br />
kaj demandis, kiu komponis la serenadon. Eksciinte, ke Haydn mem<br />
komponis ĝin, li kunprenis lin supren en sian hejmon kaj tuj komisiis lin<br />
verki la muzikon por o<strong>per</strong>o kun la titolo La lamentanta diablo, kies<br />
libreton li mem ĵus finis. La muziko, kiun Haydn verkis en nur kelkaj<br />
tagoj, okazigis brilan sukceson; sed la o<strong>per</strong>o estis mal<strong>per</strong>mesita, ĉar ĝi ial<br />
ofendis iun nobelon ĉe la kortego.<br />
Dum la verkado Haydn s<strong>per</strong>tis grandajn malfacilaĵojn, por ĝuste<br />
prezenti la movadon de maraj ondoj dum ventego. Kaj ne estis facile<br />
kontentigi Bernardon. Malbonŝance, neniu el la du verkantoj iam estis<br />
vidinta maron aŭ s<strong>per</strong>tinta ŝtormon. “Kiel oni povas trafe priskribi ion,<br />
kion neniam oni travivis!” plendis Haydn. Ekscitite Bernardon marŝis tien<br />
kaj reen en la salono dum la komponisto sidis ĉe la klaviceno, la tiama<br />
formo de piano. “Imagu do,” diris Bernardon, “monto leviĝas kaj poste<br />
valo malleviĝas, kaj poste alia monto, kaj poste alia valo…, la montoj kaj<br />
valoj sinsekvas rapide kaj pli rapide…”<br />
Eĉ tiu bona priskribo ne multe helpis, kaj vane la aktoro aldonis<br />
tondron kaj fulmon, por pli stimuli la krean imagpovon. Fine la juna<br />
Haydn <strong>per</strong>dis la paciencon, furioze li irigis siajn manojn al la du finoj de<br />
la klaviceno, kaj kunigante ilin en rapida glitado sur la klavaro li elvokis:<br />
“La diablo forprenu la ŝtormon!”<br />
“Jen la ĝustaj notoj!” ekkriis la arlekeno, saltis al la kolo de la<br />
komponisto kaj preskaŭ sufokis lin.<br />
Multajn jarojn poste, Haydn transveturis la markolon de Dover en<br />
malbona vetero. La pasaĝeroj demandis al si, kial li ridas dum la tuta<br />
tempo: li memoris pri la ŝtormo en La lamentanta diablo.<br />
- 26 -