Create successful ePaper yourself
Turn your PDF publications into a flip-book with our unique Google optimized e-Paper software.
ne sufiĉe konis siajn amikojn. Ree malfermiĝis la pordo, kaj amiko de<br />
ekstere vokis en la butikon: “Kial vi pendigis tiun ŝildon? Ke estas fiŝoj ĉi<br />
tie, oni ja flaras jam el distanco de unu kilometro!”<br />
63. Danĝera bumerango.<br />
Iu knabo en Aŭstralio tre interesiĝis pri bumerangoj; tiuj ĵetaĵoj de la<br />
indiĝenoj estas faritaj el maldika kurba ligno, kaj oni povas ĵeti ilin tiel, ke<br />
ili revenos al la ĵetinto.<br />
La knabo do vizitis indiĝenan s<strong>per</strong>tulon; tiu vendis al li bone faritan<br />
bumerangon kaj sukcese instruis lin en la arto, ĵeti la lignaĵon tiel, ke ĝi<br />
nepre revenos al la ĵetinto. Fiera la knabo veturis hejmen kaj praktikis kiel<br />
eble plej ofte.<br />
Malbonŝance lia bonkora avo aŭdis pri lia favora sporto kaj donacis<br />
al li alian bumerangon. Tio kaŭzis al la knabo nervan kolapson: li ne volis<br />
riski forĵeti la unuan bumerangon.<br />
64. Malbona sciigo.<br />
La kuracisto ne povis klare ekkoni kaŭzon de la suferoj de la maljuna<br />
paciento; tial li sendis lin al radiologia specialisto por plia ekzamenado.<br />
Nun la paciento revenis al la kuracisto kun la rezulto specialista en<br />
fermita koverto. Zorge la kuracisto malfermis ĝin kaj ĵus estis leginta la<br />
raporton, kiam la ekscitita paciento ekparolis: “Doktoro, mi estas<br />
preparita por ĉio, sciigu al mi la plej-malbonon”<br />
“Ankoraŭ ne,” trankvilige venis la respondo, “tion vi ekhavos poste,<br />
kiam mi prezentos al vi la fakturon.”<br />
65. Progresema kuracisto.<br />
Doktoro (esplorante la pulmojn): Diru 199 — cent naŭdek naŭ.<br />
Paciento: Lastfoje mi devis diri nur 99 — naŭdek naŭ.<br />
Doktoro: Jes certe, sed intertempe ja ĉio plialtiĝis.<br />
66. Venĝo.<br />
Virina voĉo altelefonas ĵurnalan oficejon: “Mi petas, a<strong>per</strong>igu la mortanoncon<br />
de mia edzo en via morgaŭa ĵurnalo.”<br />
“Bone. Kiam li mortis?” demandas la oficisto.<br />
“Li mortos morgaŭ. Mi ĵus ekvidis lin, kiam li kisas sian<br />
sekretariinon.”<br />
- 16 -