You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
45. Rekomendo.<br />
La granda cigaredfirmao “Belfumo” montris en gazeta anonco la<br />
bildon de fame konata kantisto kun la subskribita eldiro: “Belfumocigaredoj<br />
ne malutilas al mia voĉo.”<br />
Post mallonge, kuracisto intervjuas la kantiston kaj riproĉas lin pro<br />
tiu senskrupula aserto. Sed la kantisto trankvile respondas: “Ili ja vere ne<br />
malutilas al mia voĉo, mi neniam fumas ilin.”<br />
46. Antaŭvido.<br />
Kiam mi estis ankoraŭ juna studento, miaj enspezoj venis nur de<br />
lecionoj, kiujn mi donis private al lernantoj. Mia pliaĝa frato kiel<br />
komercisto jam havis bonan salajron. Ĉar li ŝatis ĉiam esti moderne<br />
vestita, li ofte aĉetis novan vestaĵon kaj donacis la malnovan — ankoraŭ<br />
sufiĉe taŭgan — al mi, kiu estas kontenta tiamaniere eviti elspezojn.<br />
Dum jaroj tio fariĝis kutimo inter ni, kio fine iel konfuzis mian<br />
pensadon. Iutage, kiam mia frato laŭ sia kutimo enpoŝigis siajn manojn,<br />
mi kolerete admonis lin: “Ne ruinigu mian veston, prenu la manojn el<br />
mia jako!”<br />
47. Inteligenta homo.<br />
Vilaĝano ricevis komision, fosi novan puton por fiksita monsumo.<br />
Kiam ves<strong>per</strong>iĝis, li interrompis la laboron.<br />
La proksiman matenon li volis daŭrigi ĝin, sed je sia ĉagreno li<br />
rimarkis, ke dum la nokto la tero ĉe la puto estis enfalinta. Li absolute ne<br />
deziris refari la tedan laboron. Jen li ekhavis brilan ideon: rapide li<br />
demetis siajn jakon kaj veŝton, pendigis ilin rekte apud la puto kaj foriris<br />
matenmanĝi.<br />
Post kelkaj minutoj iuj vilaĝanoj preterpasis la lokon kaj opiniis, ke la<br />
putkonstruisto havis akcidenton kaj nun kuŝas sub la enfalinta tero. Tuj ili<br />
komencis rapide elŝoveli la teron, por helpi al la supozita viktimo.<br />
Ili ĵus trapenetris ĝis la fundo de la puto, kiam la ruza viro eka<strong>per</strong>is<br />
supre ĉe la rando, dankis al la amikoj, surmetis siajn vestojn kaj foriris,<br />
por ricevi sian pagon.<br />
48. Pacema soldato.<br />
Estis en armea manovro, antaŭ la unua batalo. La soldatoj kuŝis en<br />
longaj vicoj sur la tero, kun la pafiloj antaŭ si, kaj rigardis la malamikojn,<br />
- 10 -