versione pdf - Sardegna DigitalLibrary

SALVATORE COLOMO
dal 1700 al 1900
Marghine e Planargia
VOLUME 9

Poesie in limba – Marghine e Planargia dal 1700 al 1900
Collana «Sardigna in limba»
Progetto editoriale e testi: Salvatore Colomo
Progetto grafi co e impaginazione: Gabriella Tornatore, Essegierre Srl
Ricerca e editing: Roberta Girola, Essegierre Srl
© Copyright 2008 by Editrice Archivio Fotografi co Sardo s.a.s.
di S. Colomo, per la Collana «Sardigna in limba»
© 2008 by Editrice Archivio Fotografi co Sardo s.a.s - Nuoro,
via Foscolo 45, per «Poesie in limba – Marghine e Planargia dal 1700
al 1900», Volume 9 della Collana «Sardigna in limba»
Tutti i diritti sono riservati. Nessuna parte di questo volume può essere riprodotta,
memorizzata o trasmessa in alcuna forma e con alcun mezzo, elettronico,
meccanico, in fotocopia, in disco o in altro modo, compresi cinema, radio,
televisione, internet, compact disk, senza autorizzazione scritta dell’editore.
L’editore si scusa per un eventuale involontario utilizzo di materiali coperti da copyright
ed è a disposizione degli eventuali aventi diritto che non è stato possibile contattare.
1° edizione - 2008
EDITRICE ARCHIVIO FOTOGRAFICO SARDO
s.a.s. di S. Colomo, via Foscolo 45, 08100 Nuoro
tel. e fax 0784/257121
www.sardegnaweb.it - info@sardegnaweb.it

La collana «Sardigna in limba» nasce dal desiderio di
leggere la vera cultura e la storia delle genti di Sardegna
attraverso il suono ritmato delle loro poesie. Perché i poeti
sardi non sono quasi mai dei veri letterati, ma semplici
cultori della lingua e delle tradizioni locali, provenienti
dal popolo, di cui sono la voce più autentica.
Ascoltare versi che parlano di vita, d’amore, di leggende,
nel dialetto locale in cui sono stati scritti, ci collega istantaneamente
all’essenza stessa dei luoghi e dei tempi in cui
sono stati concepiti.
È la forza della limba, legata alle tradizioni e al sapere più
antico, che ci aiuta a rivivere i fatti e gli argomenti narrati
con autenticità e a non dimenticare la potenza culturale
della letteratura poetica, la più tradizionale dell’isola.
Sottili o ironici, beffardi o delicati, i versi qui raccolti nascono
dall’animo di poeti sardi che, dal Quattrocento a oggi,
non hanno mai smesso di cantare la vita e i suoi eventi con
naturalezza e spontaneità, ma anche con grande maestria
e raffi natezza.
L’opera è articolata in venti volumi: i primi quindici raccolgono
poesie vere e proprie, gli ultimi cinque sono invece
dedicati alle gare poetiche, di cui la Sardegna vanta una
ricca e fantasiosa tradizione, purtroppo a forte rischio di
scomparsa: i poeti improvvisatori ancora in attività risultano
infatti ormai pochissimi.
Gli agili libretti sono classifi cati per gruppi di subregioni
e per periodo storico; all’interno gli autori sono elencati in
ordine cronologico, in base alla loro data di nascita,
e sono corredati da una breve nota biografi ca. Per le poesie,
la subregione è relativa al luogo di nascita dell’autore, men-

tre per le gare poetiche al paese in cui sono state disputate.
L’impostazione in base alle antiche subregioni della
Sardegna (piuttosto che alle nuove province, per esempio)
nasce dal pensiero che la poesia dialettale – per quanto
sicuramente ritenuta importante e interessante da una vasta
schiera di ammiratori “contemporanei” – sappia più di antico
che di moderno. È dunque parso naturale collocarla in quelle
che ancora oggi vengono considerate le regioni storiche
per eccellenza, i veri “territori” della Sardegna, tuttora così
identifi cati da pastori, contadini, gente comune, cioè da quel
popolo sardo che ha costruito nei secoli e che ora custodisce
le tradizioni e i costumi della nostra isola.
La poesia sarda è una sorta di plurisecolare epopea di
dimensioni sterminate, per cui la presente opera non ha
presunzione di completezza, anche se la ricerca è stata
impegnativa e ha consentito di accedere a criteri di scelta
validi sotto tutti i punti di vista: letterario, cronologico,
territoriale.
Per ora vuole essere quasi un assaggio generale, sia pure
piuttosto ampio e omogeneamente riferito ai diversi territori,
destinato a tutti, estimatori, conoscitori, ma anche comunissimi
lettori che per la prima volta si avvicinano alla poesia
dialettale. Per ogni autore sono state scelte alcune poesie,
ma l’ambizione è quella di continuare a cercare e raccogliere
materiale con cui proseguire, in altre collane simili, l’arduo
compito di valorizzazione della nostra poesia, uno degli
elementi più rappresentativi, e contemporaneamente poco
conosciuti, della cultura del nostro popolo.
Salvatore Colomo

Gavino Passino
(XVIII secolo-1804)
Originario di Bosa, di nobili natali, visse nel 1700
e morì nel 1804. Si distinse per il suo poetare
molto naturale e istintivo.
Cuccu perfettu in cantare
Cuccu perfettu in cantare
de males mios t’abbiza.
Cuccu bellu profetiza:
cun chie m’hap’a cojuare?
Già ch’hat tanta abilidade
sa naturalesa tua,
cuccu bellu, individua
cun zertesa et veridade
chie det esser et cale,
non milu cherzas negare.
Cuccu canta allegramente,
dami algunu signifi cu,
s’est miserabile o riccu,
s’est discrecu o imprudente,
si mi trattet malamente
5 d
d

o mi dat malu passare.
Cuccu prognosticu meu,
custu fi ne m’assegura
avvisendemi in fi gura
de su suggettu et impreu,
si det esser bellu o feu,
su chi mi det accansare.
Musica de su eranu,
dami vera relassione
s’est de bona condissione,
si est battiu o bajanu,
si det esser literadu
ch’iscat causas portare.
Cuccu perfettu in cantare.
6 d
d

Pietro Serra
(XVIII-ca. 1822)
Poeta povero e analfabeta, nacque a Sagama e
visse tra il 1700 e il 1800. Divenne un rinomato
improvvisatore, fu sagrestano e sapeva cantare e
suonare l’organo.
Lasciò il suo paese per andare a lavorare a Sindia.
Morì intorno al 1822, ormai anziano.
Istade vigilantes et attentos
Istade vigilantes et attentos,
sos chi cherent sos dolos iscultare
de s’annu intradu milli ottighentos,
sos ch’hant a viver si nd’hant ammentare
ca semus privos de sos alimentos
et no ischimus comente campare;
chie hat a iscultare, cuidadu,
ca semus pianghinde su peccadu!
Ca su peccadu semus pianghinde
su fogu nos est bennidu fi n’a pes,
Deus est sos rigores iscudinde
et tue, peccadore, non bi crês?
Faghinde male cantu ses vivinde
7 d
d

et peus de innantis ancora ses.
Bides et non bi crês in su rigore,
su chi est cumandende su Segnore.
Su Segnore comente et giustissieri
nos istat succuttende su prozzessu;
giompid’hat su disizu s’usureri,
occannu jà lu creschet s’interessu:
camasinu in s’ierru non nd’abberit
ca bi hat fattu friscios a traessu,
occannu s’interessu est de sos mannos
chi s’aumentant dai sos ingannos.
Dai sos ingannos s’hant aumentare
cuddos chi sunt iscrittos in sa taula;
andat su pover’a nde lis chircare
et lu dispacciant cun malas paraulas:
«It’a barattu cherent comporare!
Hoe non che nde leas, cuss’est faula.
Si cheres trigu meu pro accasu
lu pagas a tres liras, et a rasu».
A s’intender su pressiu alziadu
su poveru si nd’andat cun fastizos
et si che torrat che disisperadu
pianghinde mirandesi sos fi zos:
unu nd’agatat in terra corcadu,
s’ateru senza tenner assimizos.
Tando li bessit su fi zu affl iggidu:
«Proite, babbu, non nd’hazis battidu?».
8 d
d

Li rispondet su babbu che anzianu,
nende chi l’est servidu de assaltu:
«Andadu so a domo ’e don Fulanu
et nde cheret tres liras ogni caltu,
furiosu m’afferrat a sa manu
nende chi no l’haere faeddadu in altu;
tres liras ogni caltu nd’hat pretesu,
timidu l’hapo cando l’hap’intesu».
«Ello pro cussu atturdidu ti sese?»
narat su riccu cun totu sas iras.
«Lealu como chi lu dant a trese,
mira chi calchi die lu suspiras:
pone chi non che passat custu mese
chi non bides su trigu a battor liras?».
A battor liras si l’hant alziare,
basta’ ch’in cue lu lessant parare.
Su poveru ch’intendet su faeddu
istentat unu pagu repitinde:
«Diatminde a su nessi un’istareddu
ca tenzo a fi zos mios pianghinde,
massim’unu chi nd’hapo minoreddu:
non tenet latte, ch’ancora est suinde;
et pianghinde tenzo a fi zos mios,
et eo cun sas lagrimas a rios!».
Tando bessit su riccu interessadu
torrendemi sas penas avvivare:
«Si su inari has battidu contadu
9 d
d

nessi unu caltu che nd’has a leare,
et si non baedinde cun cuidadu
et no istes pius a infadare,
no istes tota die replichende.
Tenzo presse, bae, hap’it’attende’».
Tando bessit su pover’affl iggidu,
birgonzosu et non podet isplicare:
«Su mes’e su dinari l’hap’attidu,
s’ateru restu m’hat a ispettare;
ad algunas zoronadas so essidu,
ispettet si mi las podent pagare,
cunforme mi las pagant bilu atto,
non penset chi siat imbrogliu chi li fatto».
«Mira chi de favore ti dimando:
no istes pius inogh’a m’istraccare;
como jà m’has pagadu su de tando,
ch’ateru tinde cheres garrigare?
Bae chi fattu tou non bi ando,
nen mi torras pius a ingabbare,
et si non minde attis cuddu restu
des esser esecutadu su pius prestu».
«Como non balet pius chi mi mattane,
eo jà so naschidu cun traschia,
totu cun fi zos et muzere mia
semus tres meses senza ider pane;
su pius prestu morrer peri sa via
nos dent bider coment’e i su cane:
10 d
d

appittu de ervas totu su eranu
non giughimus fi gura de cristianu».
«Mancari mi faeddes gasi siccu
hoe non m’agatas amorosu:
tenes muzere de pagu istrobbicu
o tue deves esser preittiosu;
cando mandigas, mandigas che riccu
et non pensas chi sese bisonzosu,
pro chi si calchi cosa in domo l’has
l’isfaghes hoe et non pensas a cras».
«Ducas eo non vivo reguladu!
A su poveru non balent pius rejones:
unu soddu de pane comporadu
est divididu in sette persones
pro chi su riccu mandigat cuadu,
che bandidu chi timet sos dragones,
et a gianna serrada intrat a mesa
pro non fagher a poveros s’ispesa».
«Mancu su faeddare tenes bonu,
fi na cussu ti faghet abborrire,
mezus chircadi algunu padronu,
bastu chi sias cappazz’a servire,
pro chi como mandigare in donu
a niunu plus podet resessire;
pro ti estire et pro ti sustentare
padronu chirca, et pensa a t’allogare».
11 d
d

«Ite bellu consizu chi m’hat dadu,
sento chi jà si segat de zivile:
si fatto cussu dep’esser affeadu,
mi jutto in bucca in totu sos cortiles,
eo dia esser bene consoladu
et fi zos mios peri sos foghiles.
Eo cun fi zos mios hap’a istare
ca s’incumanda non poto lassare».
«No est pro lassare no s’incumanda,
ezzi chi no has gana ’e tribagliare,
mezus cun issos a pedire anda
ch’hazis a morrer a cuccur’a pare;
lassa sa mandronia et pone a banda
sa mattana ’e tantu faeddare,
si no a cuccuru a pare hazis a morrer;
et tue a domo mia pius non torres».
«Et prite mi narat ch’eo non che torre,
ca l’hapo faeddadu dai fundu?
Miret chi vostè prestu s’hat a morrer
e i sos benes lassat in su mundu;
si tenet fi zos, nebodes et sorre’
si los dividint dai moribundu;
cantu morit o ispirat appenas
lassat sas giaes in manos anzenas».
«Tue jughes sa limba che fi ama
faeddende chi naras disattinu:
si morz’eo che lasso bona fama
12 d
d

et non che tue chi moris mischinu;
calchi die sos poveros mi jaman
in chirca de torrare a camasinu,
hazis a narrer totu a boghe alta:
si morit don Fulanu faghet falta».
«Falta nos faghet si morit Fulanu,
l’hamus a narrer cun sa bramosia,
isse fi t de sos poveros tiranu,
amigu curiale de s’asuria,
unu chi mai hat abbertu sa manu
si non sempr’avarissia et carestia,
et ateru da isse non s’intendet:
comporat a barattu et a caru endet».
«Poveru ses ma ses accajonadu:
totu sas grassias t’hat negadu Deu,
ducas pro esser tue consoladu
cheres ch’isfatte su negossiu meu?
O pensas chi non l’hapa tribagliadu
tota sa vida vivend’in peleu?
No ischis chi su negusciu gai est fattu:
bender caru et comporare a barattu?».
«Non bi la nego custa veridade
pro chi siat in legge proibidu,
et pro cussu non faghet caridade
candu li enit calcunu affl iggidu,
cando si mustrat cun crudelidade,
cun d’unu coro forte incrudelidu;
13 d
d

et chie non consolat sos affl ittos
no istudat su fogu a sos delittos».
«Paret chi faeddende non ses tue,
coment’has infi ladu a preigare,
però si non ti ch’andas da incue
t’hap’imparare comente trattare;
mancari t’haere idu rue rue
un’alimentu non ti dia dare
solu pro cantu limba mala has tentu,
su ’e dare a tie lu do a su entu».
Pro fi nis tempus est de concluire,
eccolu tot’inoghe jà s’inserra’,
tottu hazis a benner a l’ischire:
Deus negat sos fruttos de sa terra
ca nois li negamus s’obbedire;
su famen ch’est pius male de sa gherra
cun passienzia devimus suffrire,
jà chi no hamus su pane terrestre
pregade chi tenzamus su zeleste!
14 d
d

Catarina Murgia
(ca. 1750-1847)
Nacque a Bosa intorno al 1750 e ci ha lasciato
molte produzioni che denotano un’arte e un
ingegno non comuni.
La poesia riportata è una lettera alla sorella, suora
a Oristano, a cui scrisse non potendo assistere alla
sua professione di fede.
Morì nel 1847.
A tie, carta, a tie
A tie, carta, a tie
isvelo sos segretos de su coro,
già connosches a mie
chi mi ses tantu cara pius de s’oro,
et cando semus solas
rejonende inter pare mi consolas.
Sempre t’hapo connotu
sinzera pro dognunu ses istada,
de te si servint totu
et dae totu ses apprezziada,
l’has giutta mala o bona
sinzera s’imbasciada a sa padrona.
15 d
d

Tue ses reputada
pro ottima cosa de disimpegnare,
a tie dant intrada
fi n’in domo ’e su re, senza tardare,
et cun attenzione
t’iscultant bona o mala sa chistione.
Et ancoras de te
si servint pro torrare sa risposta,
o pontifi ze o re
ti tenent pro sinzera, custu costa’,
et ses ubbidiente,
servis a chie ti mandat prontamente.
Et ancoras a mie
creo ch’has a servire ater’et tantu,
ducas cunfìdo a tie
cantu in su coro meu b’hat et cantu.
Bae cun allegria
et giughe s’imbasciada a sorre mia.
Ma cun bella prudenzia
saludala cun attos de amore,
usa ogni diligenzia;
faghe sas veces mias cun honore,
de cuss’istrintu nodu
su prosittu li da in custu modu:
«Prosit a monza Murza
t’arrivet su Segnore a professare!
16 d
d

Ogni grassia ti curzat
de zeleste favore a ti salvare,
sa Reina de sos chelos
ti coronet cun totu sos anghelos.
In s’hora ch’has bestidu
s’abbidu de Gesus Santa Tiresa,
issa sempr’hat servidu
cun amore benignu et gentilesa,
cussu propriu mantu
potas tue osservare ater’et tantu.
Già chi Deus giamadu
t’hat a s’istadu de religiosa
et tue has azzettadu,
de prontu has ubbididu et coraggiosa
et cun coro giucundu
has zedidu ogni comod’e su mundu.
Et non ti ses curada
de parentes, de frades et de sorres,
sinzera ses istada
et gasie des esser fi nz’a morrer,
et cun mezus coraggiu
arrives a cumplire su viaggiu.
Cust’annu ’e su novissiu
lu cumplas cun salude et allegria,
pro ti nde dare indissiu
de coro raccumandadi a Maria,
17 d
d

issa est sempr’avvocada
de cuddos chi de coro l’hant giamada.
Usa s’obbedienzia
nen ti benit de nou a l’osservare.
S’oberas cun prudenzia
ti podent sos viventes laudare,
totu sos patimentos
cun consolu in sos ultimos momentos».
Custu narali ancora:
chi s’ammentet de me, ca mi bisonza’
pro chi so peccadora
et est pius intesa issa ch’est monza,
ca so ind’una gherra
chi mi partit su coro perra perra.
Narali chi sa sorte
non m’hat dadu permissu de b’andare,
però s’affettu est forte,
crescher podet et non diminuare;
chi mi tenzat presente
coment’issa est in coro et sempr’in mente.
Prima ’e ti dispidire
torrala a saludare cun dezzenzia
et damilu a ischire
a su chi ti rispondet de avvertenzia;
già so segura ancora
chi si servit de te issa a dogn’hora.
18 d
d

E a posta currente
pregala chi ti potat isbrigare,
azzetta totalmente
totu su chi ti dat a nde portare
ca bramo su m’iscrier
et Deus nos cunzedat de nos bier!
19 d
d

Giovanni Maria Pintus
(XVIII secolo-1857)
Nacque a Bosa nella seconda metà del 1700 e fu
un buon poeta, molto prolifi co.
Morì a Guspini nel 1857.
Sos ojos mi has feridu
Sos ojos mi has feridu,
su coro m’has trapassadu,
una mirada ch’has dadu
non ponzo pius in olvidu.
In s’istante chi miresi
cussu retrattu grassiosu,
chi pro esser pressiosu
mortu e confusu restesi,
e pustis già rifl ettesi
da chi torresi in sentidu
su bene tantu cherfi du
unu coro idolatradu;
ad sa mirada ch’has dadu
sos ojos mi has feridu.
O mirada penetrante,
o bellesa sa pius rara,
21 d
d

isplendentissima cara,
sole su pius brillante,
sos affettos de un’amante
mirende t’has achistadu:
a tie solu hapo dadu
su coro e ogni potenzia
e cun sa sola presenzia
su coro m’has trapassadu!
In sentidu pius non so,
vivo e non vivo in me,
morzo pius presctu pro te
ma viver senza de te no,
cantu tenzo rendo e do,
a tie tot’est donadu,
e mancari disdicciadu
perda a s’ultimu sa vida
non podet esser ch’olvida
una mirada ch’has dadu.
Già ischis ch’a s’impensada
ti miresi e mi miresti,
faeddesi e mi torresti
sa risposta dilicada,
e cun sa sola mirada
su coro mi has feridu;
cremi, o dulze Cupidu,
presente o lontanu sia
sa sola mirada ebbia
non ponzo pius in olvidu.
22 d
d

Caglio cun chie istat mudu
Caglio cun chie istat mudu
e m’isto in limites mios,
a chie mi narat adios
sempre rispondo: saludu.
Giustu e lizzitu mi paret
viver in custa manera,
si calecunu b’haera
chi mi cherfat criticare
sempre si dene fundare
senza nisciuna rejone;
mi diverto in diversione
nar’a chie narat a mie
e rio cun chie riet,
caglio cun chie istat mudu.
Rejone paret chi siat
rispondere a chie narat
e fagher sa bella cara
a chie la faghet a mie.
Gasi totu che a tie,
a tie e a ogni persone
tratto e, senza intenzione
de lusingare a nisciunu,
lasso a totu inue sunu
e m’ist’in limites mios.
23 d
d

Cun chie cheret ballare
ballo ma cust’asseguro
chi de niune m’incuro
e ballo pro m’ispassare,
e a totu lasso andare
comente andare cherent;
si medas mi criticherent
ch’hap’a tie faeddadu,
sempre saludu hapo nadu
a chie mi narat adios.
Mi ispasso cun totu cantos
ma cun totu indiferente
ne mai tenzesi in mente
fagher a nisciunu incantos,
ne promissas e ne santos
ispazzo pro m’istimare;
eo bene m’isco istare
in domo in limites mios,
cun rejone a sos adios
sempre rispondo: saludu!
24 d
d

Donna Placida Passino
(XIX secolo)
Originaria di Bortigali, visse nel 1800 e si
dimostrò una poetessa di ottima cultura, oltre che
di buon gusto.
Umile et riverente
Umile et riverente
mi prostro a sos pes tuos, o Cupidu,
ti connosco potente,
isco qui ses da’ ognunu riveridu,
qui non b’hat insolente
de coro tantu forte et presumidu
qui potat iscansare
sas frizzas tuas senza las proare.
Deo qui so istadu
dae sa pizzinnia a tie suggettu,
qui happ’abbandonadu
ogni gloria et honore a cust’effettu,
m’ido como forzadu
(però creo de nd’haer su derettu)
de ti dever chircare
unu cumpensu a tantu fadigare.
25 d
d

Est accurzu a degh’annos
qui ti servo fi dele, o giustu Amore,
in s’iscola de affannos
sol’a tie happo tentu a professore,
ma su timere ingannos
mi forzat a cambiare de tenore
et mi dès perdonare
si ricumpensa benzo a ti chircare.
Connosco una viola
et in bellu giardinu cultivada
ma de zertu in s’iscola
de s’amore no est habituada,
podes crèr qui est sa sola
qui hat s’anima mia innamorada
de quando si sicchesit
cudda prima qui tantu idolatresi!
T’ammentas qui adorei
una bella viola cittadina,
qui in ipsa cultivei
ogni grazia geniale et peregrina
et la felizitei
sol’in custu giardinu esser reina,
quando tristu destinu
orfanesit de ipsa su giardinu!
Cun sa fronte bagnada
invanu ’e su lentore mattutinu
l’incontresi siccada!
26 d
d

Dad’happo eternu addiu a su giardinu,
in remota contrada
mi portei a piangher su destinu
qui m’hat dadu et furadu
su prus bellu fìore et dilicadu!
Et como una simile
viola pro azzidente happo incontradu
ma custu fi ore humile
dae dognunu benit corteggiadu,
ipsu est tantu gentile
qui appenas l’happo idu l’happo amadu;
ma su caru fìore
non connoschet s’iscola de s’amore.
Benzo edducas a tie
qui potas cumfortare custu coro:
dalu ti prego a mie
qui, si l’amat dognunu, deo l’adoro;
in su sinu de nie
lu feri cun sa frizza de pich’oro,
zertu cun custa sola
ti prego qui piaghes custa viola.
Però deves ischire
qui quant’ipsa est gentile, est timorosa,
ducas non l’atturdire
ma ti cumforma a s’indule amorosa,
antis pro mi servire
t’occulta cun sa frizza in d’una rosa,
27 d
d

et tanto has a piagare
quando custa l’happ’eo a presentare.
28 d
d

Sebastiano Madau
(XIX secolo)
Poeta di Bosa, visse nel 1800 e scrisse intense
poesie d’amore.
A bite ’alen sos cantigos
de amore
A bite ’alen sos cantigos de amore
a sos cales nisciunu istat attentu,
si sos affannos de su sentimentu
no cumprendet che chi’ at su dolore?
Sos cantigos, che fozas de fi ore
siccadas da su sole a fogu lentu,
si perden solitarios in su entu,
senza forma, ne fi agu, ne colore.
Oh, si potera un’ora solamente
cuntemplare comente in su ritrattu
sa bellesa lontana chi appo in mente,
su morrer adorendela in cuss’attu
giuro chi diat esser veramente
sa cantone pius bella chi eppa fattu!
29 d
d

Melchiorre Murenu
(1803-1854)
Nacque a Macomer nel 1803 da una famiglia
di piccoli proprietari, ridotta in miseria in
seguito all’arresto e alla scomparsa del padre,
probabilmente deceduto in prigione. Cieco
dall’età di tre anni a causa del vaiolo, non poté
trovare lavoro e contribuire all’economia della
famiglia.
La povertà e l’analfabetismo non lo trattennero
tuttavia dall’acculturarsi, grazie a una memoria
prodigiosa che gli permise di assimilare il
sapere paesano e dei predicatori. Divenne un
famoso improvvisatore moralista, ironico e
particolarmente mordace: sembra infatti che
proprio i suoi versi furono la causa della sua
morte, avvenuta nel 1954; qualcuno dice voluta
da alcuni Bosani che si sentirono offesi dalle sue
improvvisazioni contro la loro città, altri da un
esattore di Sassari, alla cui fi glia il poeta aveva
rivolto offese in una nota poesia.
31 d
d

Sas tres rosas
1.
Si mi bastat sa mente, hap’a cantare
tres rosas chi furadu m’han su coro;
no nd’han bidu in sos tempos insoro
né sos ch’in custu mundu sun passande:
una rosa incarnada so amande.
2.
De las cantare m’incontro intrattesu,
si mi bastat sa mente est pro fortuna.
De sas tres rigirande so pro una
sa piùs adornada ch’est in mesu;
mai non si nd’hat bidu né intesu,
issa dogni fi ore est superande.
3.
Issa superat a dogni fi ore:
no che nd’hat un’attéra bella tantu.
Custa rosa ch’a mie hat fattu incantu:
no est sa manna e ne-i sa minore;
da-e cando hap’a issa postu amore
est su sentidu meu regirande.
4.
Est regirande su meu sentidu:
est un’accisu chi ch’hat fattu a mie;
isto poninde sa notte pro die
32 d
d

chi no nde paso abbizzu né dormidu;
non mi la poto ponner in olvidu
anzis si nd’est de me appoderande.
5.
S’appoderat de me custa bellesa,
mai mi nd’essit da-e memorìa.
Como non so piùs a manu mia,
a la lassare sa persone est presa,
cun sos colores tuos, rosa azzesa,
sas chi sun in su rattu ses mudande.
6.
Tue mudas sas rosas de su rattu,
a tottus bettas sas luguras tuas.
Rosa, chi ses naschida in mesu ’e duas,
però ses tue su primu retrattu.
Reina de sas rosas t’hana fattu
chi sos fi ores ti sun corteggiande.
7.
Finis: mai mi nd’essis’da-e testa,
c’hapo presente sa tua bellura,
Rosa chi ettas tanta risplendura,
a sas chi giughes a manca e a dresta.
Bella, cando cun tegus fatto festa,
mi parzo de sa vida rinnovande:
una rosa incarnada so amande.
33 d
d

S’amoradu contrariadu
1.
Pro culpa tua so malostiadu
ch’hapo fi nzas diversu s’assimizu.
Beni a nos divider su fastizu,
su chi, bella, pro te hapo passadu.
2.
Sos mios mi sun dande sentimentu
ca ti tenzo carignos, biancu nie.
Ma passet puru sa vida gasìe:
pro te ogni disgustu m’est cuntentu;
cando s’hat a appartare ogn’alimentu
m’han a privare de amare a tie,
in su coro amorosu ti m’iscrie
fi nzas ch’hamus a giomper su disizu.
3.
No mi disperat timoria nissuna:
in fi rmesa che rocca so segundu.
Cando rifl etto in te isto giocundu
mancari mi traigat sa fortuna.
Ma podet benner mancu sole e luna
de dare risplendores a su mundu
e deo fi n’a esser moribundu
de t’amare hap’a tenner contivizu.
34 d
d

4.
Contivizu hap’a tenner de t’amare
de cantu m’aggradesses e t’istimo.
A Deus solamente est su chi timo
si no mi lassat s’intentu lograre,
mi podet dogni sorte cambiare
ma su carign’in te già lu cunfrimo.
Cando discurr’in te, bella, m’anìmo
de cantu t’hapo in mente e in disizu.
5.
De cantu t’hapo in disizu e in mente
sos patimentos mi parene giogu.
Piùs de sas fi ammas de su fogu
sunu sas penas chi nos dat sa zente.
Cand’in te penso, luna risplendente,
mi cambiat s’annuzzu in disaogu.
Siat in cale siat atteru logu,
t’hap’a amare costante e cun manizzu.
6.
Cun manizzu costante t’hap’a amare
mancari algunos mi niana mattu.
S’ora ch’hap’esser piùs male trattu
piùs su coro a tie hap’a mustrare.
Su mundu cun clamore hap’a lassare
si m’enzerat sa morte in cust’attu:
su patimentu meu est soddisfattu
cun sas miradas tuas, vivu lizu.
35 d
d

7.
Cun sas miradas tuas allegru so
ca s’oju zughes bellu e tantu giustu.
De morrer milli ’ortas hapo gustu
ma de lassare a tie, prenda, no!
No nd’hapo mai proadu né nde pro’ !
dolore chi assimizzet a-i custu.
Si m’abbandonas tue, ite disgustu,
chi mi ch’and’ispizadu ’e calchi pizu.
8.
Finis: si m’apparten sos coraggios,
si m’abbandonas, bella, viv’errante.
In t’amare fi dele so, costante
che rocca resistente a bentu e raggios.
Mancari m’accumpagnen mill’oltraggios
s’oju tou est’amabile bastante:
pro chi sia mortale agonizzante
pro te sempre s’ispiritu est abbizu.
36 d
d

Sas giovanas et su pische infettu
1.
Pro cantu sa pischera est infettada,
un’avvisu cumbenit a munire:
a sa femmina si devet proibire
de mandigare pische in cust’annada.
2.
Sa femmina est piùs lestra a unu dannu
sende sa parte debile cumpresa;
s’omine cun sa sua fortilesa
superat un’infl ussu piùs mannu.
Su pische difettosu de occ’annu,
su ch’hat fattu s’est bennid’a ischire.
3.
Contr’a sa piùs debile natura
indigestos bi sunu medas pisches.
Istirpe femminile, non t’arrisches
a narrer ch’in su pische b’hat dulzura.
A sa fragile tua cumpostura
li podet de incomudu servire.
4.
Femmina: bastat narrer si t’arriscas
a incontrare gustu in su piscadu:
rinnovas a su corpus turmentadu
sas mancias chi ancora sunu friscas.
37 d
d

Sos atteros perigulos chi piscas
sunu piùs penosos a suffrire.
5.
In cantu a su pische, b’hat misteriu
massimu cando langhidu si ciappat.
Segund’in sa manera chi si pappat
causat maladia e vituperiu.
Innantis de su calid’intemperiu
obbligat s’esemplu a lu timire.
6.
Subr’a tantos perigulos visibiles
obbligat totalmente a lu lassare.
No sun tottu sos pisches de su mare
a sas cundiziones profettibiles.
Cust’annu fatt’hat dannos insuffribiles
e males de non poder risarcire.
7.
Evidentes sos dannos e ruinas.
Si fuides perigulos e males,
si tian bider sos ispeziales
bennidos in estremas miserinas.
Sas insor’istantias meighinas
gasi lestras non tìan a fi nire.
8.
Tottu sunu pro issos biadias
sos insultos e tremulos de coro,
38 d
d

pro chi sos istipendios insoro
los aumentan cussas maladias,
massimamente a zertas bagadias
chi tardana su cibu a digerire.
9.
Finalmente in su pische b’hat ispina;
non bos incantet pro esser barattu.
Cust’annu pregiudizios hat fattu
in sa debile razza femminina.
Non sempre sa cumposta meighina
podet bonos effettos produire.
39 d
d

Pietro Caria
(1852-1934)
Grande poeta e improvvisatore, nacque a
Macomer nel 1852.
La sua vena poetica si mantenne sempre fervida
e prolifi ca e lo portò a inventare alcuni modelli,
come la treighina a triplica retroga. Si relazionò con
i suoi colleghi sperimentando diverse metriche,
in special modo con il noto Pittanu Moretti, che
conobbe nell’Iglesiente, dove entrambi lavoravano
come minatori.
Morì a Iglesias nel 1934, lasciando una buona
quantità di componimenti e improvvisazioni.
A Macomer
Ses collocad’in dun’amena altura,
Duos montes ti faghen ornamentu,
Da cussu logu mite e de dulzura
S’amirat su canudu Gennargentu.
Abbassu has un’estesa pianura
Terras d’incantu, terras de portentu,
Bundante, sustanzios’has sa pastura
Ue godit e pasculat s’armentu.
41 d
d

De sa prima cumparsa in s’Oriente
Guidadu de sa divina manu,
Finas su tramontu in s’Ocidente;
Ti riet su sole d’oro dae manzanu,
Cun tottu s’armonia risplendente,
Scintillante in su tou altipianu.
Ses de marghine istella luminosa,
Arrichida de dulzes melodias,
Traversada da duas ferrovias
Casteddu, Tatt’e Nuoro e Bosa;
Stazione centrale e facoltosa,
Chi mandas sa partenza in battor vias
Zente prospera, sana, industriosa,
Abbattida de pagas maladias.
Una fi era has rinomada e viva.
De su latte s’immensa produzione
Sunt sos pastores in cooperativa.
In duna noa e perfetta unione;
Zente de imitare, zente attiva,
Fàbbricant casizzolu e grovulone.
Su casu fi ore, tou, hat sa prettesa
De non timer s’industria Romana.
Sa prelibada, sa famosa fresa,
L’apprezzant in s’America lontana.
42 d
d

Sos abbitantes tuos cun fi eresa,
Ammirant, sabba pura, frisca e sana.
Tenes una montagna larga, estesa
Tra su Ponente e i sa Tramuntana;
Inghirlandada ’e chercos seculares,
Chi providit sa linna a su paisu,
De sos montes vicinos est Segnore.
Paret unu Terrestre Paradisu
Ue faghen magnifi cos affares
Su massaggiu aunidu a su pastore.
Sas feminas sunt bellas che tesoro,
Cun massiddas de rosas incarnadas,
E cun rejone sunt paragonadas
A sas bellas de Osilo e Nuòro;
Pro su modu gentil’e trattu issoro,
Dae sas bellas sunt’invidiadas.
Cun sas divinas furtivas miradas,
Furant dae su pettu anima e coro.
Sunt fi guras celestes de altu vantu,
Sunt attraentes rosas peregrinas,
Bèstint brocadu d’oro, e bèstint rasu.
Faghent fremer su coro a unu santu,
Cun sas tumidas laras corallinas
Chi dae a tesu attirana su basu.
43 d
d

Macomer, patria mia, de incantu
Potto narrer, ch’appena bi so’ nadu,
Cun su coro tristissimu e affrantu
So in sa miniera segregadu.
Su pane che fi zzastru m’hat negadu:
Rejon’est si lu naro cun piantu.
Bido su furisteri resaltadu
In sinu tou, e si la godit tantu.
Su tou clima sanu, dulche, amenu,
Faghet su furister’innamorare,
Logu tottu ’e delizias pienu
E cun rejone ti podes vantare
Patria e s’invincibile Murenu,
Chi sa fama in eternu dèt restare.
Pedru Caria. Unu verme terrenu.
44 d
d

Il bacino del Tirso
Est’un’isbarramentu geniale,
Nemos lu cret si prima non l’hat bidu,
Ca paret esser lagu naturale
Chi l’happat sa natura produidu.
Si sa Musa non mi favorit male,
Naro in parte coment’est costruidu.
Mancar’istadu non sia presente
Nd’app’appresu sa fama da sa zente.
Zente ch’enit da s’al’e Abbasanta,
Senza lu ider, non restat convinta;
Su fundu largu est, metros noranta
Su muraglione, e terminat’a trinta.
Cuntenet abba s’opera distinta
In tottu, gia battorchentosessanta,
Metros cubos, però, de miliones,
Calcunu fattu’e distintas persones.
Fatt’a cementu e porcellana in fundu,
Materiale ch’a s’oper’addattat;
Non descrio però cant’est profundu.
Ma est rejone ch’istupore fattat
E oe ha in cantu mannu est de su mundu
Un’atteru uguale non s’agattat.
Omodeo, Ingegneris e Dolcetta,
Hant giut’a fi ne s’opera perfetta.
45 d
d

Mente mia non podet isplicare
De cust’opera insigne sa grandesa;
Narat, chie s’est postu a misurare,
Ch’hat vintises chilometr’e lunghesa;
Cosa chi faghet mund’ispantare,
Poi atteros tres de larghesa.
«Che sia cinquanta, (uno mi dice)
Chilometri quadrati di superfi cie.
Custu gigante, distintu bacinu»
A medas incunbenzas det bastare.
Est calculad’e poder irrigare
Ettares trintamizza ’e terrinu.
Si podet cun jubilu coltivare
Dà su laboriosu contadinu;
Tottu cantu s’interu Campidanu
Chi tenet sa Zittad’e Oristanu,
S’ùtile chi su Tirso podet dare,
Est positivu, non càlcunu variu,
Ca sa forza motrice dèt mandare
A tottu su bacinu minerariu.
Tantu si pòdet economizzare
Si su carbone no est necessariu,
E pòdet dare cust’opera digna,
Lughe, energi’a tottu sa Sardigna.
Est costruidu cun subblime ingegnu,
Ch’est d’ammirazione unu portentu.
Turbinas cun elettricu cungegnu,
46 d
d

Chi pònet sa currente in movimentu;
Curret velocemente, cun impegnu,
Prù de s’ala legera de su bentu.
Mandende forza, e vivu risplendore,
Cun grande meraviglia e istupore.
Est navigabile, e b’hat unu ponte,
Paret da’ tesu in s’aria una fune;
Tènet sa base dae monte, a monte
Tra Sorradile, e atteru comune,
Ch’a nomene si jamat Tadasune.
Giubilant’e cuntentu cale conte,
Giaghi, senza paura, ne disàggiu
Tenèt subra su Lagu su passaggiu
Poi b’hat atter’unu biddizzolu
Chi Zuri est a nòmene jamadu;
Chi pro pius disaura e pius dolu
Istesit de sas abbas sutterradu;
Però, pro lis dare su consolu,
De nou in simetria fabbricadu,
E, hoe scintillante, lindu e bellu
Paret, de sas Zittades su modellu?
Senza contare sos chi sunt vicinu
Bènnidu nd’hat pro l’ider da’ ogn’istadu.
In presenza ’e su Re, de Mussolinu,
Pagos meses chi l’hant collaudadu.
Fattu cun garbu, cun arte, a puntinu
Dogni peritu nd’est meravigliadu.
47 d
d

Da ogni parte una summa infi nita
De gente, hat fatt’a su Tirsu sa gitta.
Isperamos chi manu s’hat a dare
In Sardigna calch’atteru bacinu,
E pottat sos terrinos irrigare,
Su Temo, su Coghinas, su Cedrinu.
Gai s’Isula sacra, hat arrivare,
A pius altu nobile destinu.
Mentres l’hant sos Guvernos trascurada,
Derisa, post’in beffa, e bastonada.
Intant’azzardo de pedire iscusa
A dogni gentilissimu lettore,
Happender riunidu a sa rinfusa
Versos, senza sustanza, ne valore;
Non m’est istada in favore sa Musa,
M’est mancada sa forza e i s’ardore.
Fino, poso la pinna, tott’induna,
Lu cantet chi de me hat prus fortuna.
48 d
d

Pantaleo Ledda
(XIX-XX secolo)
Visse a Bolotana tra il 1800 e il 1900.
Fu contemporaneo del celebre Pietro Caria
di Macomer, con il quale intercorsero alcune
corrispondenze poetiche.
Condoglianze
di Ledda Pantaleo
Hoe sa cartolina hapo rezzidu
Dae Pedru Caria ’e Macumere,
Chi est tristu, dolent’ e affl igidu,
Rejone, ca 1’est morta sa muzere.
Finzas a mie su coro hat feridu
Cun angustia e dispiaghere.
Lastimosu su luttu Caria porta,
Pro chi s’ amante sua como est morta.
Tenes rejone de ti lamentare
Ch’ has perdidu sa car’amante bella
Finzas a mie hat fattu lagrimare
Comente chi m’esseret parentella,
Lagrimas hapo devidu versare
Cando hapo rezidu sa novella.
49 d
d

Cunfusu m’agattesi a s’istante,
Cun su coro che un’agonizzante.
Como pianghes sa tua consorte
De lagrimas isfattu, de tristura,
Suspirare dolente tantu forte
Pro sa ch’est riposend’in sepoltura.
S’anima sua in sa celeste corte
La collochet su Deus de s’altura.
S’amante lastimada e compianta
Goset in chelu dogni prenda santa.
Ti prego, istimadu amigu meu,
Non ti fattas orrenda impressione
Cussu caminu est pro dogni persone
Siat riccu, povèru, bellu o feu.
Gai est su destinu chi dat Deu,
Chi bi cheret coraggiu e passione;
Pro chi sa morte a dognunu ch’imbarca
Siat Re, o Pontefi ce, o monarca.
Oh! caru amigu, istimadu Caria,
Dae Ledda cun affettu accetta custu,
Chi cun lagrimas dae coro 1’hat infustu,
Pro sa tua dolenzia e angustia.
Deo t’imbio custa pena mia,
No isco, s’a la legger ti dat gustu.
L’isco chi ses dolente e affl iggidu,
Ca s’amante fi dele hasa perdidu.
50 d
d

Celestino Caddeo
(XIX-XX secolo)
Nacque a Dualchi nel 1862 e, presto rimasto
orfano di padre, fu allevato dalla madre Francesca
Corda, anch’essa poetessa e improvvisatrice di
esemplari mutos. Compì solo gli studi ginnasiali
e cominciò a poetare fi n dalla tenerissima età,
divenendo molto popolare nell’isola.
Un grave incidente, che culminò con
l’amputazione di una gamba, lo costrinse, nel
1886, ad abbandonare la carriera militare; da
quel momento si chiuse nella poesia, spesso
ispirata al suo dolore e alla solitudine della sua
menomazione.
Oltre ai temi personali, sono comunque vari gli
argomenti dei suoi sonetti, che spesso dipingono la
vita nei villaggi sardi.
51 d
d

Della vera poesia
Balet a nudda sa sola natura
Pro resultare veru cantadore;
Issa si cheret unta de tristura,
De lagrimas, de penas e dolore,
De fastizu sobradu e de rancore;
De calchi maladia troppu dura.
De unu bisonzosu pallidore,
De soledade fora de misura.
Tottu sos raros cignos esistidos.
Gregos, italianos e latinos,
Ateros puru nde dana s’esempiu;
Ma sunu cantadores de iscempiu,
Senza concettu, tottu miserinos
Sos de dogni fortuna favoridos.
52 d
d

Il mulo e il cavallo
Apologo (anacreontica)
Unu mulu famidu, miserabile,
Senza jua, iscoadu e senza ferros,
Su caddu saludesit
Cun d’un inchinu tantu riverente.
Orriande li nesit:
O caddu coraggiosu, appreziadu
In paghe che in gherra!
Ses tue subra tottus fortunadu;
Connosches a puntinu dogni terra,
Ca non ses che a mie
Bessin de pagas oras de su die.
In sa cavalleria
Atterras s’inimigu, si l’attoppas,
E cun grande allegria
Andas a passu, trottas e galoppas.
Sa trumba armoniosa
Ti consolat in tottu sos viaggios,
In sa gherra famosa
Sos brios t’aumentat e coraggios;
E dae su supremu graduadu
A su sordadu rasu ses amadu.
Eo non bramo de viver gherrande
In sas apras battaglias,
Porticos e muraglias,
53 d
d

Turres, cannones istare atterrande:
Menzus sos carrettones
Peri sos istradones
Mi la passo pacifi cu tirande,
Vivinde paziente fi ttianu,
Dae tantos perigulos lontanu.
Ma, si movera passos pro gherrare,
Nisciunu che a mie
Si tiat fagher bene sas defensas;
Mi tia procurare
Medaglias dogni die,
Rughes, onores, bellas recumpensas
Bastat, ti pergo peri s’Universu
De mi narrer s’has bidu su leone.
Su caddu dignitosu
Rispondet a sa lesta:
- Su re de sa foresta.
Vivet in sos desertos africanos,
Subra tottu sas feras valorosu;
Cun issu non bi gherrat
Nemancu s’elefante;
Est su re de sos res
E a chimbe e a ses bocchit, s’afferrat;
Cando rimbombat sa boghe fi era,
Cun sa tigre si tremet sa pantera.
- Has bidu su crabolu?
- Currinde monte monte l’hapo idu
Animale dechidu,
54 d
d

Brinchettat e gioghittat solu solu;
Continu persighidu
Dae sos cazzadores
Est s’animale bellu
Pro esser possessores
De su preziosissimu mantellu;
Est agile, pomposu in camminare,
Andant a bell’apposta a l’incontrare.
- A connosches su cherbu?
- Su cherbu est preziosu
Ei su mantu sou est impagabile:
In su camminu campu
Est veloce che lampu,
In sos bolos chi dada insuperabile.
Dae terras istragnas
Curret a sas montagnas
S’errante cazzadore invidiabile;
E cando, pro fortuna, bocchit cherbu,
De sa fortuna sua andat superbu.
- Connosches puru su boe domadu?
- Bestia de vantaggiu,
Su poveru massaggiu
Lu tenet subra tottus istimadu.
Sa pezza saborida
Est sempre preferida,
In dognia contrada
A caru comporada.
55 d
d

Tirat su carru e arat sos terrinos,
Dae sa pedde faghen sos bottinos.
Su caddu fi nalmente,
Cherinde ischire tottu,
Li narat curiosu e liberale:
“Altissimu animale,
Si sa domanda mia m’est decente,
Ti supplico de narrer chie ses,
Umile, reverente”.
- Ah!... s’orriante mulu rispondesit:
Non connosches ancora chie so?
Osserva bene sa carena mia,
Virtudes a porfi a.
So cuddu quadrupede supremu,
Ch’atturdit terra e mare
Cun s’orriu singulare.
Su bassu meu profundu
Battor partes de mundu
Faghet tremer continu;
Da levante a ponente so ladinu.
So cuddu eccellentissimo cantore
Armoniosu, pienu de tenore,
De dulzuras e gustu,
Non tenzo paragone:
In summa so su mulu e bastat custu.
A l’intender su caddu narrer “mulu”
Li tirat pagos carches annigrande,
56 d
d

Nandeli: “Presumidu!
Proite chircas cherbos e leones,
Sende chi ses naschidu
Peri sos trainales e cuzones,
Papande sas ispinas?
Male fattu, ispuzzidu
Dae su zuffu fi nas a carrones!
O insolentes razzas molentinas!
Lanzos, orighilongos e testones!”.
MORALE
Algunos, a su mulu simizantes,
Si faghent presumidos,
Riccos e istruidos,
Ma sunt rusticos, maccos, ignorantes,
Mandrones, insolentes, faularzos;
Poi, sa peus cosa,
De mamma battilosa
Naschidos e de babbos molinarzos.
57 d
d

Sa campana trista
Ah! pena incrudelida
Insuperabile e dura
In biderti cun tristura
Immesu affannu patire,
Sa die ch’happo a partire.
Dae custu mundu dechida!
Cando sa campana trista
Deet a tottu annunziare
De chi eo mortu sia.
Cun lagrimas a sa vista
Ti dees ponner attitare
Nende coro e vida mia.
Custu mai non creia
De mi lassare in guai
Custu non creia mai
Lassaremi prenda de oro.
Cun lagrimas a sa vista
Ti dees ponner attitare
Nende vida mia e coro.
Perdid’hapo su tesoro
Morte chi m’has divididu
58 d
d

Su tesoro happo perdidu
E deo ancora vivende.
Cun lagrimas a sa vista
Ti dees ponner attitare
Coro e vida mia nende.
A pil’isortu attitende
Subra de s’amante mortu
Attitende a pil’isortu
Cun lagrimas affl igida.
Sa die ch’happo a partire.
Cando distesu in su lettu
Cadaveres mi dees mirare
Deforme, pallidu e feu!
Dendeli punzos a pettu
Invanu dees isclamare
Custu fi t s’amante meu.
Tando suspirende arreu
S’anima mia invochende
Tant’arreu suspirende
Cun coro dilirante.
Dendeli punzos a pettu
Invanu dees isclamare
Custu fi t su meu amante.
59 d
d

Biderti tantu costante
Pallidu in nieddu mantu
Biderti costante tantu
Suffrire summu disgustu.
Dendeli punzos a pettu
Invanu dees isclamare
S’amante meu fi t custu.
S’est chi s’amore fi t giustu
Forte, costante mazzore
S’est chi fi t giustu s’amore
Cunservo s’amada vida.
Sa die ch’happo a partire.
Mancari eo non pote
Tenimi fi rmu in sa mente
Imprimidu in sa memoria.
Faedda unu sazerdote
Chi una missa presente
Zelebret in mia gloria.
Su ch’intendet cust’istoria
It’est amore cumprendet
Su chi cust’istoria intendet
Narzat un’«Ave Maria».
Faedda unu sazerdote
60 d
d

Chi una missa presente
Zelebret in gloria mia.
Una suave armonia
Giusta, poetica, grave
Un’armonia suave
Cantet s’attu funebre.
Faedda unu sazerdote
Chi una missa presente
A gloria mia zelebre.
Incensu gratu ottenebre
Su venerandu apparatu
Incensu ottenebret gratu
Sa cheja a luttu bestida.
Sa die ch’happo a partire.
Suplico amore intantu
De su saludu brames
Ammentadi de me in terra.
Pone fi ne a su piantu
Ite ’alet chi mi ames!?
Più prestu bae e m’interra.
Da chi sa losa si serra
Isparghesit fozzas de rosa
Da chi serra sa losa
61 d
d

Ponedi in sinu sa giae.
Pone fi ne a su piantu
Ite ’alet chi mi ames!?
Pius prestu m’interra e bae.
Imbenujada in cuddae
Derelitta e desolada;
In cuddae imbenujada
Manda unu suspiru onestu.
Pone fi ne a su piantu
Ite ’alet chi mi ames!?
Bae e m’interra prestu.
Inie in tonu modestu
Tres litteras bei iscrie
In tonu modestu inie
Su coro cuntentu affi da.
Sa die ch’happo a partire.
Des poner in iscrittura
S’epitaffi u abbreviadu
Chi dae coro ti dò.
Imprimi in sa sepoltura
Chi dep’essere inserradu
Un’A, un’S, un’O.
E si eo in chelu sò
62 d
d

Ti raccumando cun zelu
E si eo sò in chelu
Signales des’aer chissà.
Imprimi in sa sepoltura
Chi dep’essere inserradu
Un’O, un’S, un’A.
Si custu iscrittu est già
Subra su marmaru frittu
Si custu est già iscrittu
Virginidade professa.
Imprimi in sa sepoltura
Chi dep’essere interradu
Un’O, un’A, un’S.
Una ghirlanda cumplessa
De viola veneranda
Una cumplessa ghirlanda
Bi lassa pro dispedida.
Sa die ch’appo a partire,
Dai custu mundu dechida.
63 d
d

Sebastiano (Pittanu) Moretti
(1868-1932)
Nacque a Tresnuraghes nel 1868 e per alcuni anni
frequentò il seminario di Bosa, dove ricevette la
sua prima formazione poetica e culturale.
Fu l’inventore delle composizioni dette a
retrogada, che danno vita al gioco complicatissimo
dei cosiddetti trintases, sui quali lavorò fi no allo
spasimo in una continua ricerca formale di cui non
restò mai soddisfatto.
Negli anni 1920-1930 inventò sa moda, in cui
non esisteva più un ordine sintattico normale ma
una scomposizione radicale della lingua-sintassi,
«sospinta ai bordi dell’allucinazione inconscia».
Fu lui a sfi dare, con gare poetiche ed epistolari
sempre più complesse, i poeti contemporanei,
invitandoli a partecipare a questo gioco
linguistico, che divenne anche un modo di
impegnarsi politicamente e socialmente.
Dopo un periodo a Iglesias, dove lavorò come
minatore, rientrò a Tresnuraghes. Richiestissimo
nelle gare, viaggiò frequentemente nell’isola,
esibendosi in mirabili improvvisazioni.
Morì nel 1932, ricordato e ammirato da tutti con
stima e affetto.
65 d
d

Difesa a sa Mundana
Cummedia
1.
O povera Cummedia Mundana!
Sos criticos ti ponen’in berlina;
Cosas meda ti nana e nudda nana
E su chi nana est tottu pudina
In fattu de su cuccu ’e tramuntana
Sighit s’attaccu unu rospo ’e pischina;
Pro fagher fronte a custas limbas malas
Mustra sas dentes, non pares sas palas.
2.
Mustra sas dentes; si mustra sas dentes
Fortes che ferru chi istampana s’ossu,
Si nono, custu fazu de molentes,
Ti sezini a caddinu in supra dossu;
E si comente sun pagu prudentes
Tottu in pare ruides in su fossu:
Si ruides in pare, ista segura,
Chi tottu in pare, bos dan sepoltura.
3.
S’invidia est sa mama de sa critica
Partorit e s’agattat sempre prinza,
Nè bi nde morint persone politica
Chi non l’happat manzada cussa fìnza.
66 d
d

Mancari cambi torta e paralitica
Mosset a tottu che cane de binza;
Si fìt tinza s’invidia, crede Rosa,
S’umanidade fi t tottu tinzosa.
8.
Custos bigottos lean sa difesa
De sa fìde cattolica e de Deu
Pro no mancare cibos in sa mesa
A sos ministros chi tenen s’impreu,
E difenden, tontones! sa ricchesa
Fatta cun su sudore bostru e meu;
Non si difendet su bene ’e su riccu
Ca non l’hat tribagliadu cun su piccu.
9.
Su testamentu nou cun s’antigu
Tottu l’hana giradu a fundu in susu
Pro nos fagher cumprender ch’est obbligu
Sighire de sos mannos s’antigu usu;
Si no lu sighis ses unu inimigu
De sa legge, chi usadu has cun abusu.
Sun issos, senza ischire sa faina,
Chi han misculadu farre cun farina.
10.
Mancu sos biduinos de sa Libia
Citan, senza cumprender, su coranu
Comente citat puntos de sa Bibia
Unu sardu cantore ’e bassa manu,
67 d
d

Chi no tenet valore d’una zibia
Ca non cumprendet su limbazu umanu
No nde cumprendet de cosas d’importu
E si cumprendet, cumprendet a tortu.
11.
Si dat puru su titulu ’e poeta
A fazza manna comente bagassa,
Senza esser bonu custu analfabeta
Nemancu a fagher s’O cun d’una tassa;
Troppu in altu est passada sa cometa
E l’hat lassadu in sa parte prus bassa,
O pro lu narrer claru e genuinu,
Est tantu bassu chi paret bassinu.
12.
Issu solu tentesit fagher proa
De girare che cane in tundu in tundu
Pro s’afferrare a sa punta ’e sa coa
De sa fama bramada in custu mundu,
Però succedit una cosa noa,
Non lompet primu nè mancu segundu:
Anzis l’han postu de su rangu in fi ne
Pro leare de tottu su pruine.
13.
Chi at leadu pruine est cosa certa.
E non s’hat cintu sa corona ’e laru,
Ca sa chi hat fattu misera iscoperta,
Dende a sa lughe cussu libru raru,
68 d
d

Hat postu in claru sa roba coperta
Chi pro furare bi cheret’imparu;
Infattis issu, pro cumparrer dottu,
Unu pagu furadu hat dae tottu.
14.
Non sunu solos sos ladros de Pisa,
Ma bi nd’hat unu puru in custa banda,
Ch’in sutta sa poetica divisa
S’est faghende una brutta propaganda,
Ca non solu nde furat sa camisa
Ma tottu in pare camisa e mudanda.
Si l’osservades bidides pienos
Tottu sos fozos de versos anzenos.
15.
Osservadelos bene sos abortos
Chi nde bidides de milli ghentinos
Riunidos in pare e tottu tortos,
Gobos e male fattos sos mischinos:
Ghettados attraversu paren mortos
Chi bocchin cuddos feroces bugginos,
Bruttos de forma e lezzos de fi gura
Chi peus no nd’hat fattu sa natura.
16.
Corroga, cun sas pinnas de pavone,
Chi, pro breve ora, t’adornan sas palas,
Non ti mudan pro nudda sa persone
Ca ses in mesu de corrogas malas.
69 d
d

E si torras pro sorte a su masone,
Ti nde tiran sas pinnas cun sas alas.
Già si nde faghen de beffe e de risu
Cando ti biden cun su dossu lisu.
17.
Custa est sa pena e custu est su castigu
Chi dat Appollo cogliona cogliona
A sos chi lassan su sistema antigu
Critichende sa cosa cando est bona,
Pro cussos est terribile nimigu
Chi lis ponet d’ispinas sa corona:
E si non bastat custa sola ebbia
Nde tenet medas d’atera genia.
18.
Ite dolore! su famosu eroe
Non passat sutta s’arcu triunfale
Profumadu de nardu, untu d’aloe
Ca sa canzone l’est andada male
L’inserrana che maccu in s’ospidale;
Si sighit a cantare, a dies d’oe,
E tando perdet canzone e faeddu
E si girat pro forza su cherbeddu.
19.
Appenas ruet cussu monumentu,
Fattu senza architetto e meda in furia
Deo, pro primu, cun ateros chentu
S’autore citamus a sa curia
70 d
d

Pro nos pagare a su mancu s’istentu
Perdidu in sa lettura ’e cussa ingiuria;
Ca nos hat ingannadu, e de s’ingannu
Issu lu devet pagare su dannu.
20.
Tottus semus a castas che pisellu
Che nd’hat de bona e de male cottura;
Nè semus mancu paris de livellu,
Un’est altu un’est bassu d’istatura;
Un’est de visu graziosu e bellu
S’ateru est troppu leggiu de fi gura:
In fi ne: semus tottus differentes
Maccos, tontos o meda intelligentes.
21.
Duncas: tontos cun tontos bos restade
Non chirchedas diversa cumpagnia,
Ca poetas de mala calidade
Non poden dare bona poesia:
Si cantat su poeta, in veridade,
Bos addormentat solu s’armonia.
Custa est sa veridade pura e certa
Chi bos dormides cun sa bucca abberta.
22.
Iscan, chi a sa Cummedia Mundana
No nde li lompet mortale ferida
Anzis tottu sos colpos chi li dana
Li dan prus forza e l’aumentan vida,
71 d
d

Nè li guastat sa forma galana
Sa baulada de zente attrivida;
Issa est comente rocca salda e frima:
Nessuna forza l’abbassat sa chima.
23.
Sas fortes raighinas sun’in terra
Bene fundadas cun amore e zelu,
Mentras sas bellas chimas senza gherra
Sun già tocchende sas nues de chelu.
Ue sos menzus frores de sa serra
La ispettaban cun fervente anelu.
In sa parte prus sana, meda in susu
Sunu restadas, nè nde calan prusu.
24.
Criticu, a criticare non ti ponzas
Cando non tenes de criticu vena,
Nè mancu libros criticos cumponzas
Ponende in usu sa farina anzena:
Sighende su caminu ’e sas birgonzas
Adeguada ti dana sa pena.
Pone in mente: lassa in abbandonu
Su criticare prite non ses bonu.
25.
De s’isforzu sa critica s’est morta
Nè l’est permissu de torrare in vida,
E si torret un’atera borta
Solu pro cussa mi fatto omicida.
72 d
d

Si naschit dae nou, sempre torta,
Ue est prus dura li fatto ferida
Det benner sepultada in un’abissu
Nè de bessire li dan prus permissu.
73 d
d

Salvatore Poddighe
(1871-1938)
Pur essendo nato a Sassari nel 1871, fece ritorno
dopo poche settimane di vita nel paese di origine
dei suoi genitori, Dualchi. Lì visse fi no a 18 anni,
quando si trasferì ad Iglesias per lavorare come
minatore. Emigrò a Torino ma dopo poco tempo
tornò nuovamente a Iglesias, dove si sposò. Qui
conobbe i poeti Sebastiano Moretti, Pietro Caria,
Antonio Bachisio Denti, con cui si incontrava la
sera nelle osterie per improvvisare. L’opera che lo
rese famoso è Sa Mundana cummedia, che contiene
una forte denuncia sociale dello sfruttamento dei
poveri e un acceso anticlericalismo.
Il componimento ebbe un’immensa fortuna in
tutta l’isola, ma se da un lato fu riconosciuto come
un capolavoro, dall’altro fu visto come un’opera
blasfema, tanto che la polizia nel 1935 ne vietò
la diffusione. In seguito a questo evento, il poeta
cadde in una forte depressione che lo portò, nel
1938, al suicidio.
Vengono qui riportati alcuni componimenti sulla
natura dell’uomo.
75 d
d

S’òmine falzu
1.
Finalmente! Ammentadu ti nde sese
poi vint’annos de ritardamentu
chi mandadu m’has unu vintisese
e deo t’hapo datu avvertimentu.
Como in frearzu de su trintasese
Rezzid’hapo su nou documentu
e nd’hapo piaghere meda gustu
chi ti presentas che omine giustu.
2.
S’est bona idea cun su proletàriu
fagher su giustu dimandas a mie.
Deo rispondo: est bonu e nezzessàriu
chi totus sian giustos che a tie
ma deo menzus cherz’esser falsàriu
ca profi ttu nde tenzo dogni die
prus d’esser giustu usurpende s’anzenu
ca marcio sempre a portafogliu prenu.
3.
Mai su giustu in pesos né mesuras
hap’a fagher pro cantu duro biu
ca da sos falsos imbroglios e furas
frùmene mi so fattu essende riu:
in iscavazziones, muraduras
sempre cun falzidade hapo mediu
76 d
d

ca mesurende giustu e senz’ingannu
non poto mandigare a mossu mannu.
4.
Si peso commestìbile in cantina
o chi mesuro metros de pannia
de dogni chilu ’e merce una sisina
chi bendo furo nessi a parte mia.
E si metros de tela una dozina
o de pannu ogni die ’endere ebbia
nd’hapo profi ttu de custa e de cudda
e fattende su giustu haia nudda.
5.
S’agater’eo, sende in poveresa,
su portafogliu d’unu segnorone
e chi sa summa d’unu milione
in moneda m’haperet custa resa
sende giustu e pro fagher sa giustesa
fi a obbrigadu a restituzzione.
Mentre chi sende falzu si l’agato
de restituzzione no nde fatto.
6.
Ma deo ammiro sas personas bonas,
a issos chirco de m’avvicinare
ca han bonu sensu e ca ischin trattare
lis fatto in versos gentiles coronas.
Fide, si no m’ingannas e coglionas,
a su giustu devotu hap’a bistare
77 d
d

e-i sa via ’e su bene preferzo:
male pro me e pro àtere non cherzo.
7.
Su chi deo prefi ssu m’hapo in mente
si forzas e podere hapo bastante,
ispiegare d’esser connoschente
sa via de su bene a s’ignorante.
Cando lu legget un’intelligente
chi lu divulghet cun coro costante
a sos chi sun de issu prus ignotos
ch’aman su bene e chi li sun devotos.
8.
No est permissu a fagher s’impostore
pro causare a àtere su male
ma de viver in paghe e cun amore
est sa cosa prus giusta e naturale.
Comente in sa campagna ogni fi ore
s’adoran cun s’istima fraternale:
gasi s’istima usare fi na a morre
devian babbu, mama, frade e sorre.
9.
S’omine ch’est de virtudes pienu
in sé non zughet manza ne difettu
ca no usurpat su suore anzenu
e s’amat cun recìprocu rispettu.
Est bonu a totu custu a ponner frenu
istende s’unu a s’àteru suggettu:
78 d
d

ecco sa via ’e su bene operare
chi dogni umanu dever imitare.
79 d
d

S’òmine veridadosu
1.
Trattad’hapo su male e-i su bene
e l’offro pro dottrina a sos umanos.
Pro chie zughet sentimentos sanos
l’approvat, lu difendet e sustene(t)
e chie ingiustu lu cret e ritene(t)
sun sos ingabba-pòpulos tiranos.
Profanan su ch’est giustu e lu cummentan,
a chie hat fi de a su falzu lu tentan.
2.
Custu dipendet ca no sun sinzeros
e ca non faghen causa cumuna
d’unire a pare sos duos misferos,
s’emisferu ’e su sole e de sa luna
chi sos umanos sun amores veros
de divider tra totu sa fortuna
de sos fruttos chi Deus nos hat dadu
chi pro nde goder totus hat creadu.
3.
Si custu mundu falzu e tenebrosu
non esseret prenu de tant’ingannia
e si dognunu fi t veridadosu
comente attestat custa poesia
de non si render nessunu odiosu
trattende ’e custa e de cudda zenia.
80 d
d

Si podet viver unidos umpare
cun recìproca fi de ’e s’istimare.
4.
Sa paghe, s’armonia, s’amistade
sa chi deo procramo, pro letìzzia
e professo sa santa veridade
chi diat esser recreu e delìzzia,
chie si servit de sa falzidade
b’est sa terrena e divina giustìzzia.
Comente hat operadu s’hat a bie(r)
cando det dare contós unu die.
5.
Deo chi hapo su giustu mesuradu
accumpagnadu cun vera prudenzia
e cun dognunu bene hapo trattadu
usende cortesia e riverenzia
veridadosu so sempre istadu,
lìbera d’ogni pesu est sa cussenzia
sa giusta veridade a totu aporzo:
nende sa veridade mi che morzo.
81 d
d

S’omine faularzu
1.
Biadu a tie, chi s’Onnipotente
t’hat dadu dogni donu virtuosu.
Tue ses giustu, ses veridadosu,
totu has de bonu e de malu niente,
mentres chi a mie totu differente
m’hat fattu faularzu e odiosu:
falzu de coro e non naro paràula
senza bi ponner in mesu una fàula.
2.
Veridadosu andat bene chi sias
pro cumbatter de fàulas s’iscola
però sa veridade est una sola
e sunu tantas sas fàulas mias.
In custa terra a sas personas bias
cando passo nde sèmeno un’arzola
e so seguru s’ottanta po chentu
chi mi frùttana totu, a cumprimentu.
3.
Sa zente d’oe già fora d’usanzia
postu hat sa veridade santa e pura
e a sa falzidade, a s’impostura
rendet devozione in maggioranzia
ca de sa veridade s’osservanzia
su ’occhire proibit e sa fura.
82 d
d

E cun trampas e fàulas in prenu
poden aprofi ttare de s’anzenu.
4.
Si podet liberare in tribunale
usende s’impostura, in sos bisonzos,
cun fàulas e falzos testimonzos
su ch’est ladrone, su micidiale.
Oe sa zente furba in generale
sa veridade lassan a sos gonzos
e issos de sas fàulas bon’usu
faghen pro cummittire dogni abusu.
5.
Contat unu padronu ’e miniera
fàulas dogni die milli e chentu
nende ch’est issu sempre in perdimentu
de s’azienda sua tota intera.
A s’operaiu cun ghigna severa
narat chi dat iscarsu rendimentu
e bisonzat forzare pro pius rèndere
ca si nono obbrigadu est de suspèndere.
6.
Unu riccu ch’hat bonos tenimentos
milli fàulas tenet preparadas
nende chi de sos fruttos sas intradas
no li bàstana mancu in pagamentos.
Semper l’intendes cun custos lamentos
sian bonas o malas sas annadas
83 d
d

e chi no hat vantaggiu e nudda incassat
però sos tenimentos no los lassat.
7.
Bae e dimanda unu negozziante
chi a s’ingrussu o a minuda bendet.
Ti faghet chentu fàulas intendet
chi a bortas de su costu ’endet mancante
e chi fadigat meda e su bastante
mancu pro sa ispesas chi no rendet.
Narat ch’est de fallire in imbarazzos
e dogn’annu si fràigat palazzos.
8.
Fàulas puru unu teraccu anzenu
no istat senza narrer a su mere
pro cumparrer esattu in su dovere
màssimu d’unu avaru senza frenu
chi tenet bestiàmene e terrenu
e giardinos de fruttas in podere.
Esattu cun sos meses pro cumparrer
est obbrigadu fàulas a narrer.
9.
Candu unu fuggitivu, o latitante,
benit a pare cun s’arma reale,
si lu dimandat: connosches su tale?
send’issu oggettu de s’arma chircante,
est costrintu una fàula in s’istante
narrer pro esser liberu de male
84 d
d

ca si sa veridade in su cuntestu
narat, est immancabile s’arrestu.
10.
Una giòvana isposa ch’est istada
sempre faghet de faulas profettu.
Si pro abusu o mancanza d’affettu
est da su primu amante abbandonada
poi, da su segundu dimandada,
cheres ch’isvelet totu su segrettu?
No, ca narat a bona o mala gana
fàulas, pro no morrer baghiana.
11.
Cantos veridadosos sunu e cantos,
in sa Sardigna nostra, in Continente?
Senza de narrer fàulas niente,
leggimos, mancu istados sun sos santos:
non t’hap’a dare paragones tantos
ma ti nde cito duos solamente
chi servidos si sun de faulosas
espressiones, però non dannosas.
12.
Una fàula hat dévidu proporre
Abramu, cand’andesit in s’Egittu
a Sara, de muzere su dirittu
brivèndela de narrer chi fi t sorre:
Faraone non lassat de s’opporre
a sa bellesa, e dare precipitu.
85 d
d

Timìndesi sa morte o calchi offesa
custa fàula hat nadu pro difesa.
13.
Fàula su Celeste Raffaele
cun fi nzione hat nadu in fi de mia
a Tobia, su fi zu de Tobia,
cun totu issu chi a Deus fi t fi dele.
Però custa fi t fàula de mele
pro l’unire cun Sara in cumpagnia.
E fi na a cando l’hat bidu isposadu
cun Sara, veridade no l’hat nadu.
14.
Duncas: cumprende, si bene contraria
sa fàula, e illécita e dannosa,
in zertas oras, e in meda cosa
cantu sa veridade est nezzessaria.
Tant’a nòbile zente e proletaria
siat incrédula issa o religiosa
nde naran tottucantos, so seguru,
de veridades e fàulas puru.
86 d
d

S’òmine giustu
1.
A tie mando custa poesia,
Poddighe, tantu ’e ti fagher presente:
s’idea chi prefi ssu m’hapo in mente
est d’esser giustu e fagher bene ebbia:
d’andare a totu cun pregadoria
pro la succurrer sa pòvera zente.
Un’esatta risposta a mie dona
si ti paret s’idea mala o bona.
2.
Sende dispostu su giustu a cumbàttere
primu dovere meu intendo custu:
primu su giustu chi pretenda d’àtere
est bisonzu chi deo sia giustu,
d’ànimu, de cussenzia e caràttere
pro cantu hap’aer alenu in su bustu
ca pro cumparrer giustu bene creo
su bonu esémpiu lu devo dar’eo.
3.
Avverto dogni bonu amigu e frade
chi de vera dottrina est manifestu
si cheret preigare s’onestade
bisonzu ch’issu siat puru onestu
e dare proas de umanidade
in sa vida presente e in su restu.
87 d
d

Si cheret issu sa corona chìnghere
d’esser onestu si devet distìnghere.
4.
Cando possedit custu cuisittu
un’òmine terrenu battizadu
chi d’esser giustu sa proa nd’hat dadu
de pretender su giustu hat su dirittu
pro su motivu chi giustu est istadu
e de niunu tiradu hat profi ttu.
In vida sua, dende esémpiu bonu,
hat lassadu su malu in abbandonu.
5.
A bois, duncas, prìntzipes sovranos,
in generale a sos onestos totu
chi guvernades tantos cristianos
de fedeltade dàdelu su votu
d’esser severos, ma d’esser umanos
comente dae tantos s’est connotu
in sos tempos antigos e modernos
pensende chi non sezis sempre eternos.
88 d
d

Bachisio Raimondo Carboni
(1852-1935)
Nato nel 1852, visse a Bolotana. Con lui si originò
la tradizione poetica dei Carboni (poi Enne) di
Bolotana. Mise al mondo Giuseppe Carboni (noto
Pepe Carbone), conosciuto e apprezzato poeta
improvvisatore.
Morì nel 1935.
Andadu so arare in annigrinu
Andadu so arare in annigrinu
Cun dun’aradu e pagu e zou,
E duos boes de unu bentinu,
Ambos ispanos e tundos che ou;
Ch’apo biradu su semen’in caminu,
Dae no haer giuttu aradu nou;
Pro curpa e sa timona, ca fi t lenta,
M’andaiat s’aradu abbenta abbenta.
Pro curpa e s’aradu ca fi t lenu,
Non nd’appo fattu no de zoronada,
Mancu sinzu faghiat in su fenu,
Pagadu nd’appo sa terra in debbada;
Giugher non bi podia aradu anzenu.
Ca fi t a mie sa terra intregada;
89 d
d

A massazzare non bi torro prusu
Ch’appo s’aradu bezzu e fora d’usu.
Cantu tempus in donu happo perdidu
In custa terra faghinde sa doa!...
Finalmente bi so oe resessidu,
E poto narrer ch’appo fattu proa,
Mero tenia su giuo irmarridu,
Manc’arziare podiat sa coa,
Non bi torro piusu a massazzare
Cun d’un’aradu ezzu, it’happo arare?!...
Mi so postu a l’acconzare
E corpadu happo su conzu,
Pro pagu hat affortidu sa timona;
Torr’a bintrare arare.
E fatt’happo su bisonzu,
Ma però s’hat faina pagu bona.
Arare fi o avvezzu,
Ma s’aradu fi t bezzu,
M’istaiat continu aggiona aggiona,
E mi so affuttadu,
Pro chi sa terra in donu happo pagadu.
Mai custu creia
De m’esser capitadu,
Intr’e nadale a bettare a istula!...
Torro sa terza ia
Cun su matessi aradu,
90 d
d

Eppuru nd’happo fattu mesa tula,
S’aradu fi t fortizzu,
Ma nò bistaiat rizzu,
Sempre afferradu a cannas de ula,
Non giughiat ischina
M’istaiat continu unchina unchina.
Giughia sa idea,
Certu mancar’a fura,
Cun dun’aradu bezzu andare arare;
A forza e pelea
Nd’happo ettadu una mesura,
Ma isettu no happo e b’ispigare;
Ca nde tenia gustu
L’happo s’aradu infustu,
E mancu gai cheriat bintrare,
Mi retiro affannadu
E cun s’aradu tottu murdagadu.
Sa terra fi t infusta,
Creidelu de certa,
Però bene ammoladu fi t su zuncu,
Non fi t terra bedusta,
Fit s’aradu iscussertu,
Chi che poniat sa chima in su runcu;
Sa terra fi t bagnada.
Non b’intraiat s’arbada
Fia tentadu e la segare a truncu,
Pro chi m’hat consumidu
S’aradu bezzu, su giuo ismarridu.
91 d
d

Debadas mi leo fele,
Tantu non nd’happo achistu,
Mancari puru mi cherza impignare:
Colpadu happo crudele
E totu l’happo pistu,
Mancu pro cussu cheria bintrare.
E deo cun fi acca,
Postu happo dae burzacca,
De sa terra s’affi ttu a nde pagare;
E m’affutto inchiettu,
Pro chi tentu non nd’happo de profettu.
Si m’affutto est rejone
Oa so ispiantadu,
E comente s’annada happ’a passare!!...
Ness’a unu cuzzone
A bintrare s’aradu
Oa fi o disizzosu e semenare.
Sa terra fi t superba,
Tuppada fi t de s’erba,
Oa fi t ancor’aradu a bei intrare;
E mi so postu a sa sola
Cun s’idea de fagher bon’arzola.
Nde fi a disizosu.
Arare a surcu prenu
In custa terra, senza coltivada,
Fit tribagliu forzosu
Pro chi b’haiat fenu
Non lassaiat bintrare s’arbada
92 d
d

A fadiga e a gherra,
Mi so postu a matt’in terra
Ma tantu sa fadiga fi t debada,
Fit unu massu de rena
Ch’in mesu mi essiat una vena.
Ite mala fortuna
Sa chi m’hat persighidu,
Poto narrer chi tenzo mala sorte!
Proad’happo a sa geuna
E non bi so resessidu,
Dae no haer giuttu aradu forte;
Mi causat fastizu,
Su non bintrar’aizu,
Mi paret chi vicina m’est sa morte
E mi causat pena
Su e non bider sa terra piena.
Dia cherrer pagare
A doppiu s’ispesa
Bastet poder arare a surcu prenu
Non est a m’ingrassare
Chi anzis mi procurat debilesa.
E mi faghet andare pius lenu;
Est solu pro gu gustu
De bi fagher bedustu
Mancari siat su terrinu anzenu;
Dia esser discuntentu
Si su trabagliu esseret a su entu.
93 d
d

Proadu appo a denotte
A parte de arborinu
Si ogare podia carchi surcu;
Est de badas chi cotte,
Ca est duru su terrinu
Chi de certu bi cheret su remurcu,
Cun summu piaghere,
Pro fagher su dovere,
Inferocidu chi paria turcu,
Arrughittadu appo sa terra
Cua s’aradu ei su giuo a forz’e gherra.
Beru ch’appo gherradu
Cun pauras de su mundu,
Però già l’happo inchida sa posta,
E bi so resurtadu
A toccare su fundu
Cun pelea ca fi t sa terra tosta,
E de su semenadu
Nudda bind’hat pigadu,
Non b’hat bessidu nè chimu nè crosta,
Invanu haia gustu
De fagher sa manada a mesaustu.
Nde so in pensamentu
No ischides proit?
Ohi m’appana su semene isoradu.
App’aradu a istentu,
E fi t semene mite
Subra pro cussu non bind’hat pigadu;
94 d
d

Non fi t semene guastu.
Ma non bi fi t su bastu,
Forsis medinde mi so isbagliadu,
Ch’araia a dogn’ora
E micch’essiat su semene a fora.
Eo naro ch’est cue sa mancanzia
E i sa terra non nde tenet neghe,
S’aradu non teniat sa sustanzia
Ca fi t cottadu cun cottas de feghe,
Poi non fi t su semene in bundanzia
De poder produire s’unu deghe,
Si pro sorte su semene hat mancadu
Deo naro ch’est culpa de s’aradu.
Pro fi nis, hapo forte triballadu
A forza ’e pelea e de fadiga,
Canta mattana m’hat dadu s’aradu
Ca mi faghiat continu cadriga
Semene pro cussu no bi ndh’at pigadu
Erba no b’hat bessidu e ne ispiga
Mancari siat su massarzu avvezzu
Non ndhe segat de terra aradu ’ezzu.
Pro fi nis, si s’aradu no est bonu
Menzus s’omine cheret chi si corche’
Pro chi triballat de continu indonu
E i sa este creo chi s’isporche’
S’aradu forte no ndhe faghet sonu
E non bistat continu dorche dorche
95 d
d

Sempre fattindhe bancos e cadriga
Mai su chi bi ettat bei’ piga.
96 d
d

Costantino Longu
(1904-1978)
Nacque nel 1904 a Bolotana, e fu un poeta che si
distinse per la buona levatura.
L’Associazione Culturale Bolotanese «Cuncordu
Bolotanesu» gli ha dedicato, nel 2002, un premio
in limba.
Morì nel 1978.
Est beranu
Est beranu, sas aeras serenas
mitigad’ ’e s’ jerru an sos rigores;
baggianeddas collinde sos fi ores
cantan cun innozentes cantilenas
peri sas baddes chi sunu pienas
de incantu e de varios colores.
In sas cussorzas ghian sos pastores
sas bamas chi si moen lenas lenas;
ebbas mannas, puddedros e anniggios
sun tranquillamente pasculande
de sa tanca in sos friscos baddiggios:
97 d
d

cun lusingheros muilos giamande
sunu puru sas baccas a sos biggios,
chi sun in mesu s’erba ischertiande.
Sas tempestas d’jerru sun fi nidas,
sas furias d’Eolu sunu mudas,
umanidade cuntenta saludas
custas dies serenas preferidas.
Torra de irde mantu sun bestidas
sas piantas chi fi n tristas e nudas:
bi nd’at chi mustran sas fruttas minudas,
atteras sunu ancora fi oridas.
S’intendet da’ sa vicina foresta
su cantigu de totu sos puzones,
su murmurare pasidu ’e sas frinas;
dae sas primmas oras mattutinas
est tota sa natura estid’a festa:
custa, reina est de sas istagiones.
98 d
d

Su pizzinnu zegu
Oh mama, ite fi zu ch’as connotu!
Forzis troppu t’istimo ca non t’ido.
Cando t’abbrazzo, c’a s’istintu obbido,
de su coro tou intendo su motu.
Solu a tie, mamma, sò devotu
ca in brazzos tuos mi drommo e m’acchido,
ma, ite pena, cando mi nd’ischido
sos ojos restan drommidos etotu.
Oh Deus meu, dae s’alta dimora
custa grazzia mi cuncedi ebbia
chi ti domando in custu momentu:
dami sa vista, nessi pro un’ora,
pro lu ider su visu ’e mamma mia,
poi torrami zegu e sò cuntentu!
99 d
d

Sardigna: ispera!
1.
Sardigna, ispera chi cust’attuale
tempus de disisperu e de turmentu,
pienu de ogni brutta violenzia,
tenzat in presse su cambiamentu;
s’idat de paghe vera su signale,
si vivat dignamente s’esistenzia,
senza esser che oe a su revessu
in dogni ramu s’idat su progressu.
2.
Sos giovanos chi sun disoccupados
e chi de tribagliare tenen brama
s’impiegu l’agatten decorosu;
a los viver, su babbu e-i sa mama,
invece oe s’iden obbligados
in dun’istadu trist’e bisonzosu:
nde fettan de s’ischire bonos usos
senza restare che oe delusos.
3.
Dogni babbu de famiglia seguru
tenzat sempre pro sos teneros fi zos
su pane beneittu de ogni die.
Dogni mama cun bonos contivizos
non lu connoscat su bisonzu duru,
100d
d

sa famiglia l’allevet rie rie;
non lis andet su tempus a contrariu,
mai lis manchet cant’est nezzessariu.
4.
Ue attraessan assassinos viles,
ch’an totu malas sas intensiones
semenande piantu, luttu e dolu,
ischertien allegros sos anzones
ben’attatos acculz’a sos cuiles
e sas columbas si pesen a bolu:
simbulos pro sa zente tota canta
de innossenzia e de paghe santa.
5.
In sas roccas chi sun insambenadas
ue b’at curtu sambene innozzente
si piantet sa rughe beneitta;
vivat sempre in cuncordia sa zente
ismentigande sas iras passadas
odiu no esistat né vinditta:
totu sos oios si resten assuttos
senza piangher pro crudeles luttos.
6.
In sos campos chi sun in abbandonu,
sos trattores, mostros de attarzu,
aren bene, si coltivet laores;
in sa tuvucca e in s’asprinarzu
si produat su fruttu pius bonu
101d
d

inue ispinas b’at crescan fi ores:
su massaggiu sa terra la manizet,
dogni cabula de issa fertilizet.
7.
Da’ sas basciuras a su Gennargentu
si trasformen sas terras isolanas,
sas annigrinas e-i sas bedustas;
s’intendat dae sas baddes solianas
de macchinas potentes su chimentu
ghiadas dae sas manos robustas:
sos omines a gara contribuana
fainas a cumprire chi produana.
8.
No acchippan sos mastros desulesos
a produire sonazas e traccas
sas bamas pro ferrare in sas cussorzas;
sas tancas sian pienas de accas,
in iscuderia sos bitellos presos
approendados in manigadorzas:
andande dogni annada a sa eretta
latte tenzemus de avansu e petta.
9.
Cun su triunfu de ogni bona idea,
dognunu in su sou mestieri
siat serenu, cuntentu e attivu;
siat unu festosu cantieri
in dogni campu, sa Sardigna intrea,
102d
d

de lamentu senza b’aer motivu:
siat pro totu sa novella edade
de benessere e de tranquillidade.
10.
Nois sardos non sighemus ancora
a restare delusos e traitos
cambiamentos isettande invanu,
ma fattemus ch’in sos nostros granitos
ispuntet luminosa s’aurora
sa chi profetizesit Bustianu:
cuss’aurora, sa pius lughente,
ispuntet prestu pro sa sarda zente.
11.
Che giardinu de paghe in su futuru
tue resultes, oh Sardigna mia,
comente deo ti lu profetizo;
non si bonifi chet sa terra ebbia,
sas cussenzias si bonifi chen puru,
primma de morrer custu est chi disizo.
Cust’umile cantone pro ammentu
sò lassande che meu testamentu!
103d
d

Orlando Biddau
(XX secolo)
Nacque nel 1938 in Croazia, ma a soli due anni
di età i genitori lo portarono a vivere a Modolo,
loro paese di origine. Laureato in Lettere alla
Sorbona di Parigi e in Lingue e letterature
straniere a Urbino, ha pubblicato tre raccolte
di poesie: Le verdi vigilie, L’anima degli animali,
L’inverno inconsolabile oltre a un racconto intitolato
Predestinazione. Nel 1966 ha meritato il primo
posto al Premio Città di Ozieri, con versi moderni
e originali.
Nelle sue poesie si respira il suo percorso
sofferto, carico di introspezione critica, intriso di
sensazioni intime di alto lirismo.
105d
d

In sa siccagna
E fi lada una corona ’e pruinca andaian
cantende de domo in domo: «Dàdenos
s’abba, Signore: sos pizzinnos cheren
pane, sos anzones cheren erba,
sos avanzos de sa chena dàdenos...»
Custa càlema frimma in garrela, sas muscas
subra petas in càmula appietadas, in bidros
consumidas su mesu die affrebbadu,
sa campagna ch’attittan desoladas
furriadolzas de chigulas; e s’ajania
chi ti trazzas in s’umbra ’e s’apposentu
ue sognos s’ingalinan e disizzos,
cun sa brocca imbagantas in su jannile:
ed est terra e rosina in s’impedradu
ue passas andende a sa funtana,
a man’in chintu, brocca a duas
asas, pienas de fi ores siccos
sas pettorras, de arrascios sos ojos.
Cherrinde sas isperas ch’ispighende
andas in sa messera, sen’isettu
ti remuzzas sas dies, una pena cumassende
sena madrighe; e su cabu chilchende
in su ghindalu ’e sa vida s’imbrudugliat
s’azzola.
Ma it’affi nada como
106d
d

isettas chi su tunciu nieddu ziret
in frisca risada: has a viziliare ista
notte a lampana allutta su segretu
’e su ’eranu chi morit
ajanu, chi s’isprunit in allegria.
Sutta sa parra ’e sa luna
noa ’enis dae sa funtana
sa brocca a cùccuru
s’andanta lenta.
107d
d

Fonti bibliografi che
Melchiorre Murenu, Vita e composizione del poeta,
Antonio Cuccu, San Vito.
Pietro Caria, Poesia sarda di Pietro Caria di Macomer,
Antonio Cuccu, San Vito.
Pietro Caria, Corrispondenze Poetiche, Antonio
Cuccu, San Vito.
Celestino Caddeo, Raccolta di Ottave, Sonetti, ecc.
ecc., Antonio Cuccu, San Vito.
Celestino Caddeo, Poesie sarde di Celestino Caddeo,
Tipografi a Il Torchio, Cagliari.
Pittanu Moretti, Difesa a sa mundana cummedia,
da Poesia Sarda, Antonio Cuccu, San Vito.
Salvatore Poddighe, S’omini falsu (e altre poesie),
Antonio Cuccu, San Vito.
Vita sarda, anno I, n. 13, 13 settembre 1891.
AA.VV., Premio di Poesia sarda “Città di Ozieri”.
Poesia in Sardegna 1956-1967, a cura di Antonio
Sanna e Tonino Ledda, Editrice Sarda Fossataro,
Cagliari, 1969.
108d
d

Giovanni Spano, Canzoni popolari di Sardegna,
a cura di Salvatore Tola, vol. II, Ilisso, Nuoro,
1999.
Giovanni Spano, Canzoni popolari di Sardegna,
a cura di Salvatore Tola, vol. III, Ilisso, Nuoro,
1999.
www.poesias.it
109d
d

Indice
Gavino Passino 5
Cuccu perfettu in cantare 5
Pietro Serra 7
Istade vigilantes et attentos 7
Catarina Murgia 15
A tie, carta, a tie 15
Giovanni Maria Pintus 21
Sos ojos mi has feridu 21
Caglio cun chie istat mudu 23
Donna Placida Passino 25
Umile et riverente 25
Sebastiano Madau 29
A bite ’alen sos cantigos de amore 29
Melchiorre Murenu 31
Sas tres rosas 32
S’amoradu contrariadu 34
Sas giovanas et su pische infettu 37
Pietro Caria 41
A Macomer 41
Il bacino del Tirso 45
Pantaleo Ledda 49
Condoglianze di Ledda Pantaleo 49
Celestino Caddeo 51
Della vera poesia 52
Il mulo e il cavallo 53
Sa campana trista 58
Sebastiano (Pittanu) Moretti 65
110d
d

Difesa a Sa Mundana Cummedia 66
Salvatore Poddighe 75
S’òmine falzu 76
S’òmine veridadosu 80
S’òmine faularzu 82
S’òmine giustu 87
Bachisio Raimondo Carboni 89
Andadu so arare in annigrinu 89
Costantino Longu 97
Est beranu 97
Su pizzinnu zegu 99
Sardigna: ispera! 100
Orlando Biddau 105
In sa siccagna 106
111d
d

Finito di stampare nel mese di settembre 2008
per conto di:
EDITRICE ARCHIVIO FOTOGRAFICO SARDO
NUORO