Li zite 'n galera lib.indd

Leonardo Vinci
LI ZITE ‘N GALERA
COMMEDIA IN MUSICA IN TRE ATTI
LIBRETTO IN LINGUA NAPOLETANA DI BERNARDO SADDUMENE
Carlo Celmino, gentiluomo di Salerno soprano
Belluccia Mariano, sotto il nome di Peppariello soprano
Ciommetella (Ciomma) Palumbo, parente di Meneca soprano
Meneca Vernillo, vecchia tenore
Titta Castagna, figlio di quest’ultima contralto
Col’Agnolo, barbiere
Ciccariello, garzone di Col’Agnolo soprano
Rapisto, garzone di Meneca basso
Assann, schiavo di Federico Mariano
Federico Mariano, capitano di galera basso
Prima rappresentazione: Napoli, Teatro dei Fiorentini, 3 gennaio 1722

Scena I°
Masto Col’Agnolo affelanno rasola nnanze a
la poteca soja, Ciccariello, che scopa, e canta,
Ciomma nnanze a la porta, che fa pezzille, Carlo da
lontano cbe passeja.
[Aria]
CICCARIELLO
CIOMMA
Vorria addeventare sorecillo
Pe mettere paur’a la sia Annella,
Le vorria dà ‘no muorzo a lo pedillo,
E straccià la podea de la gonnella.
E po’, pecché so’ tanto peccerillo
Mme vorria abbuscà ‘na moglierella
E ba’, e ste breccie, che puorte ‘mpietto
Tu le puorte pe mme sciaccà.
Ah, ah, ah, ah.
CARLO
Ah! tu ride, e io schiatto.
CIOMMA
Sì, passeja pe sso tuosto,
CICCARIELLO
Ched’è? Ch’avimmo fatto?
COL’AGNOLO
Niente, niente: cantate a gusto vuosto.
CICCARIELLO
Che n’ce fosse quarche assisa a lo cantare?
COL’AGNOLO
Te voglio dà l’assisa e la pannetta:
Mme vo’ stordire, e ancora non è ghiuorno.
CICCARIELLO
Vorria sapé, comm’aggio da servire!
Si canto, “Quando scumpe sso taluorno?”.
Si m’allamento, “Schiatta! Che te manca?”.
Si rido, “Votta, sciala, ch’aje raggione!”.
Si magno, “E ch’aje, l’allanca?”. si…
ATTO PRIMO
COL’AGNOLO
Vinci: Li zite ‘n galera - atto primo
Zitto, fuss’acciso chiacchiarone!
Va’, piglia lo vacile,
E portamillo addo’commesechiamma.
(Vi’ si va? N’ave tanto a lo sottile.)
CARLO
Te vorria dire schitto ca sta sciamma…
Ciomma Ora saglimmoncenne, via, via.
CARLO
No no, mo mme sto zitto.
COL’AGNOLO
Ched’è? Non stace commeto ussoria
De ire addo’aggio ditte?
CICCARIELLO
Sto si’ commesechiamma,
No lo sapimmo addove sta de casa.
CARLO
(Che cana!)
Ma pocca spriezze ammore,
Mo vedarraje che sape fà lo sdigno.
CICCARIELLO
A…? a lo si’ Sarvatore?
COL’AGNOLO
Gnorsì.
CIOMMA
(A Carlo che parte.)
Va’, mme sequestra lo bennigno.
Masto Col’A’, non te partire, siente.
COL’AGNOLO
Che v’aggio da servire?
CIOMMA
Sto Peppariello è figlio a qua’serpente,
A quacc’urzo, a qua’lupo? È cosa grossa!
È de carne, è de pesce?
1

Vinci: Li zite ‘n galera - atto primo
COL’AGNOLO
E n’ommo comm’a mme de carne e d’ossa.
Che? Ancora stace tuosto comm’a pprimmo?
CIOMMA
Accossì pare.
COL’AGNOLO
Io te lo remollo.
CICCARIELLO
M’abbìo si’ masto?
COL’AGNOLO
Sì, mo te so’ ‘ncollo!
(Ciccariello parte.)
COL’AGNOLO
E de me propejo Ciomma,
No nne vuo’ avé piatà?
CIOMMA
Si mme vuo’ bene Redducemillo tu.
COL’AGNOLO
(No mme lo nzonno,
Ca sarraggio l’ammante roffejano.)
[Aria]
CIOMMA
(Parte.)
2
Dille ch’è ‘no… va’ chiano… io
Me confonno.
Va’, dille ch’è no sgrato…
No, no le dì accossì!
Sa’ comme le vuo’ dì?
Mm’ha ditto Ciommetella
Ca tu la faje mori.
Dille ca mme martella;
Di’ ch’è ‘no bello fato
Che mme fa ppazzejà;
Dille ch’aggia pietà
De me ‘nfelice.
Po’ chello che te dice
Tu vienemello a dì.
Scena II°
Belluccia e Col’Agnolo.
BELLUCCIA
Col’Agnolo?
COL’AGNOLO
Oh! Sio Peppo, a tiempo a tiempo,
Pocca t’aggio da dì ‘na parolella.
BELLUCCIA
Patrone, di’.
COL’AGNOLO
Sacce ca Ciommetella
Pe te non ave abbiento.
BELLUCCIA
Levarimme, ca priedeche a lo viento.
COL’AGNOLO
Ah ah, nce ll’aggio ditto! Buono faje:
Che te mancano?
BELLUCCIA
N’è chesto, masto mio,
È ca non pozzo.
COL’AGNOLO
Io non te ntenno!
BELLUCCIA
No? mme ntenno io.
[Aria]
(Parte.)
So’ sciore
Senz’addore,
Arvolo sicco, asciutto:
E Ciomma vo’ ‘no frutto,
Ch’io no le pozzo dà;
Servire la vorria
Coll’arma e co lo core,
Ma non è corpa mia
Si no lo pozzo fa.

Scena III°
Col’Agnolo, Titta, e po’ CiccarieIIo.
COL’AGNOLO
Chisto mme fa votà le cellevrella.
TITTA
Si’ masto, bella cosa!
Tu faje lo roffejano a Ciommetella:
Ma sa’ che nce vorria? ‘na bella ntosa.
COL’AGNOLO
A mme lo roffejano? Siente Titta…
TITTA
Che buo’ sentire?
Chesta a la casa mia non è qua’ guitta.
COL’AGNOLO
E io che t’aggio? Cera de frabbutto?
CICCARIELLO
Jammoncenne, fenite sto contrasto.
TITTA
Attienne a fare varve e sottrattive.
CICCARIELLO
Titta, fornisce! Jammoncenne, masto.
COL’AGNOLO
Oh mmalora, ssi racchie
Songo proprio rechiammo de vernacchie!
(Partono.)
Scena IV°
Titta, e po’ Carlo.
TITTA
Vide che rrobba! Ah Ciomma,
Pe tte quanto sopporto!
E tu cchiù ncuoccie.
CARLO
Già se nn’è trasuta!
Vide quanto mme dura la desditta!
TITTA
Desidero la morte.
Chisto n’è lo si’ Carlo?
CARLO
No è Titta?
TITTA
Si’ Carlo!
CARLO
Titta mio!
A DUE
Che bella sciorte!
TITTA
Vinci: Li zite ‘n galera - atto primo
Oh quanto mme conzolo,
Ca dapo’ de tant’anne
Ve veo buono. Commo da ste parte?
CARLO
E tu che baje facenno pe da lloco?
TITTA
Chest’è la casa mia.
CARLO
Chesta!
TITTA
Gnorsì, a commanno de ussorìa.
No responnite? Ajemme, ched’è, ch’è stato?
CARLO
Titta mio, che mme dice!
Títta Ve despejace?
CARLO
No, t’aggio trovato
A ‘no tiempo pe mme troppo felice.
Tu mm’aje da consolare.
TITTA
Oh bene mio!
Mo, proprio a ‘no banchetto uscìa me mmita!
CARLO
Puro pe tte lo stisso farria io.
3

Vinci: Li zite ‘n galera - atto primo
TITTA
M’abburlate? N’aggi’ auto che sta vita
Sarvatame da vuje: pegliatevella.
CARLO
T’è sore Ciommetella?
TITTA
Sigornò mm’è parente:
pecchè? La canoscite?
CARLO
La canosco sopierchio.
TITTA
(Ajemmé, che sarrà chesto?)
E che bolite?
CARLO
Che la decisse pecchè ho’ che mora,
Che non sia tanto sgrata
Co Carlo che l’adora.
TITTA
(Oh dio, che stellettata
Mm’aggio sentuta dà ‘m miezo a sto core!)
CARLO
Ched’è, te si’ mutato de colore?
Mme nnieghe sto piacere?
TITTA
Gnorsì, voglio vedè de ve servire.
(Sciorta, che cchiù mme resta da vedere!)
CARLO
Fa’ che sia mia! Non me vedé morire.
(Parte.)
Scena V°
Titta sulo.
TITTA
Vide si la desditta
jocare mme potea cchiù de ponta!
Desgrazejato Titta!
Nce volev’a lo ruotolo sta la jonta.
4
[Aria]
(Parte.)
Ammore, dimme tu
Ch’aggio da vedè cchiù!
Tu dimme si nc’è stato
Core cchiù desperato
De sto mio.
Non te vastava né
Lo sdigno de ssa perra;
Che puro mme faje guerra
Co fareme trovà
Chi mme la vo’ levà;
Dimme che buo’ da me,
che te sacc’io.
Scena VI°
Ciomma che caccia ‘na seggia fora a barcone e
s’assetta, e po’ Col’ Agnolo co lo farrajuolo e cappiello,
da la casa, che bo’ ascire.
CIOMMA
Oh bene mio, sto sole t’addecreja.
COL’AGNOLO
Oh tè! Vecco la quaglia.
CIOMMA
0 masto, schiavo, e mbè?
COL’AGNOLO
Gioja de st’arma!
CIOMMA
(Vide ch’antecaglia)
Embè, parlaste a Peppo?
COL’AGNOLO
Che nne vuo’ fare de sto svarvatiello?
Trovate n’ommo…
CIOMMA
E bia,
Che t’ha ditto?
COL’AGNOLO
Sia Ciomma, bella mia…
CIOMMA
Tu dàlle ca te frusce,

E n’aje sciato pe n’ora:
Tu mo sconucchie, non te lo canusce?
COL’AGNOLO
Ah, sia Ciomma, bonora
No le dì ste parole:
Vuò che te faccia mo doje crapejole?
(Esegue)
Tè, vi’ si stongo forte!
CIOMMA
Chiano, che non te rumpe lo vrachiero.
COL’AGNOLO
(Chesta sa li segrete de la corte.)
CIOMMA
E non te piglie scuorno
De parlare co mmico de ste cose?
COL’AGNOLO
Sient’amme: tengo rrobba, aggio denare
E tant’aggio da fare
Ch’aje da essere la mia.
CIOMMA
Si’ llesto si te pienze a fa sta botta:
È ghiusto comme jsse
A caccia a sturne co la rezza rotta.
[Aria]
COL’AGNOLO
N’ommo attempato
De nott’e ghiuorno
Te stace attuorno
Ma ‘no sbarvato
Lo vide ire Aucellejanno,
E la mogliere
Se fa abbadere
‘Na vota ll’anno;
E spisso spisso
Te la regala
Qua’… zitto mo.
‘No vecchiariello,
Che sia robbusto
E’ justo justo
‘No rafaniello
Fort’e piccante,
Che tutte quante
(Pane.)
Nn’hanno golìo;
Chisso
Songh’io
Tè, sciala, sciala!
Vi’ si può dire
Ca no mme vuò.
Scena VII°
Vinci: Li zite ‘n galera - atto primo
Meneca, Ciomma, e po’ Ciccariello.
MENECA
Ciommetella!
CIOMMA
Segno’, che commannate?
MENECA
Rapisto se nn’è ghiuto?
CIOMMA
Uh, va’ lo trova!
MENECA
Va’, singhe benedetta,
Vide si le galline hanno fatt’ova,
E bide…
CIOMMA
…Si n’hann’acqua, e nce la metta?
MENECA
Massara!
CIOMMA
Tanto locca mo mme faje?
MENECA
Vi’ comme piglie muoccolo
CIOMMA
(Ma l’aucelluzzo mio non piglio maje.)
(parte.)
CICCARIELLO
(A qualcuno fuori scena-)
Spiancello a li quatto de lo Muolo,
Che saccio?
5

Vinci: Li zite ‘n galera - atto primo
MENECA
Co cchi ll’aje
Né, Ceccarie’?
CICCARIELLO
Co n’ommo che boleva
Sapè da me lo masto addove steva.
MENECA
Aspetta, aspetta, sienteme ‘na chiacchera.
CICCARIELLO
Via, fa priesto, sbrigammonce.
MENECA
Dimme a sso Peppariello
Pecché no me vo’bene?
Ca non se ne retenne
Ca chi Meneca fuje; e chi me sprezza
N’ha core o non sa che sia bellezza?
Tu ride? Sa’ da quanta so’ pregata?
CICCARIELLO
(Chesta vo’esse - propejo - pasteggiata.)
MENECA
Le femmene che so’ dell’ajtà mia,
Che dammo e recevimmo tentazjeune,
Volimmo li marite
Che siano piccioncelle e masculune.
[Aria]
(Parte.)
6
Ll’ommo
E commo
A ‘no piezzo de pane,
quann’è frisco te dace appetito,
Quann’è tuosto nnozzare te po’.
Lo marito
Vo’ esse peccione
Pe fa stà la mogliere contenta,
Ca vavone nesciuno lo vo’.
Scena VIII°
Ciccariello, e po’ Rapisto.
CICCARIELLO
Ah ah ah, chesta vecchia è corejosa!
Ma si non faccio arrore,
Vecco Rapisto!
RAPISTO
Ciccarie’, che faje?
CICCARIELLO
Rapisto mio, servennote,
Che barva è chesta?
RAPISTO
Mme vorriste radere?
CICCARIELLO
Veramente è cresciuta.
RAPISTO
Chiano, bonora! Me vuo’ caccià n’uocchio
N’aje propejo descrezione!
CICCARIELLO
Ah ah (Che bella mmenzejone!)
RAPISTO
Via, su, addov’è lo masto?
Mme voglio sbarbizzare.
CICCARIELLO
(Che bella burla che le voglio fare)
Torna accà: n’auto poco
Ca si ‘llesto; ma saccie
Ca non troppo nce sente,
E abbesogna strellà quanno le parle.
RAPISTO
Ne? Non ne sapeva niente,
Ca co chisto non nc’aggio maje parlato,
Pocca da poche juorne ch’è arrevato.
CICCARIELLO
Orsù no nce vo’ auto.
RAPISTO
Schiavo tujo.
CICCARIELLO
(Mentre Rapísto parte.)
Covernate, Rapisto.

Scena IX°
Masto Col’Agnolo, e po’ Ciccariello.
CICCARIELLO
Oh, si’ masto:
Sto locco de Rapisto
Se volea fa la varva.
COL’AGNOLO
Non ll’aje ditto che torna?
CICCARIELLO
Gnoressine!
‘Na cosa sulo t’aggio d’avertire
Ch’abbesogna strellà quanno le parle.
COL’AGNOLO
Avimma da fa auto che strellare.
CICCARIELLO
Che sfazione
M’aggio da pegliare!
(Partono.)
Scena X°
Belluccia. E po’ Ciomma.
BELLUCCIA
T’aggio mmideja,
Bello auciello!
Tu te spasse nfra ste frunne,
Cante, vuole, t’annascunne
Ed io stongo a penejà!
CIOMMA
Oh, comme si’ schiattuso!
Mme vuo’ peglià de fila.
BELLUCCIA
Comme voglio felà si nn’aggio fuso?
CIOMMA
Siente: si chesto dice
Pecché fuorze non aje commodetate
Pe poté mantenere la mogliere,
Nuje simmo già arrevate:
Te dongh’io tutto chello che te manca.
BELLUCCIA
Vinci: Li zite ‘n galera - atto primo
Mme faje venire a ridere, ah ah ah.
CIOMMA
Tu co sta risa mme farrisse accidere.
Manco chesto vuo’ fa?
BELLUCCIA
No, ca te juro ca chello che n’aggio
Manc’a tte puro.
Scena XI°
Carlo e li stisse.
CARLO
Vecco la sgrata! E chillo
È fuorze lo zembrillo
Che già ll’ave ncappata!
CIOMMA
(E chisto sempe appriesso, è ‘na gran cosa!)
BELLUCCIA
Che bedo! Carlo! E’ isso?
È isso! Ah tradetore! Ajemmé so’ morta.
(S’addebolisce.)
CIOMMA
Ah bene mio; ched’aje? Che t’è benuto?
CARLO
Ch’è socciesso? Ched’è? Volite ajuto?
CIOMMA
Cerca no poco d’acqua lloco dinto.
Gioja de st’arma…
BELLUCCIA
Oh dio!
CIOMMA
Ah Peppariello mio
Tu sude friddo? Assettate ccà ‘n coppa.
Che sarrà stato chesto?
Ll’acqua?
CARLO
Mo vene.
7

Vinci: Li zite ‘n galera - atto primo
CIOMMA
Di’ che faccia priesto.
CARLO
Veccola ccà
CIOMMA
Bellezza mia! Revene!
Co ttico llà, non vide
Ca t’ammenaccia?
BELLUCCIA
Ajemè! Dimme ‘na cosa:
De dove si’?
CARLO
Io so’ de Castiello a Mare.
BELLUCCIA
E a sto luogo n’ammaste maje nesciuna?
CARLO
No.
BELLUCCIA
Busciardo!
CARLO
Sbarije!
CIOMMA
Via, di’ lo vero!
CARLO
Sì, dudece anne arrete n’ammaje una.
(Comm’è benuto a chisto sto penziero?)
BELLUCCIA
E mo non l’amme cchiù?
CARLO
No.
BELLUCCIA
Pecché?
CARLO
Che nne saccio; chiano chiano
Mme è sciuta da lo core.
8
(Vi comm’è corejuso!)
BELLUCCIA
(Ah turco cano!)
Teranno ngannatore…
CIOMMA
Core mio co chi ll’aje?
CARLO
(Chist’è ‘mpazzuto!)
CIOMMA
Che, nne vuo’ fa ssi guaje?
BELLUCCIA
Pecché, nfammo, pecché po’ ll’aje traduta?
CIOMMA
Pecché te piglie collera? Ch’è stato?
BELLUCCIA
So’ giovene nnamorato
E non pozzo sentì sta brutt’azzione
Ch’ha fatto a ‘na zetella sto briccone.
CARLO
A mine briccone, a mme?
(Te lasso ire)
Ca stammo nnanze a Ciomma.
BELLUCCIA
Ah, si mme canoscisse
Non derisse accossine, arma de’ scuoglio!
CARLO
Dimme ‘na cosa; chella ch’aggio ammata
La canusce tu fuorze? Parla!
BELLUCCIA
Oh quanto!
CARLO
E dimmene quarcosa!
BELLUCCIA
(Ah tradetore!)
Non saccio pe nsì a mo comme lo chianto
No l’ha affocata, e comme lo dolore

No l’accide! Sospira, s’allamenta,
Se despera, s’affrie,
E de chesta manera
Passa matina e sera. E dice ste parole:
“Pecché m’aje abbandonato,
Carlo sgrato,
Oh dio! Pecché?”
CIOMMA
Ah, Peppo mio, non chiagnere!
(Io non lo ntenno!)
CARLO
(Io manco lo capesco!)
CIOMMA
Ah Peppo, fremma!
(Belluccia parte.)
Se nn’è ghiuto… Pe te ch’esto succede!
CARLO
Io no nce corpo a niente,
Schitto vorria da te.
CIOMMA
…’Na stellettata, che te passasse ll’arma.
CARLO
(E sempe sgrata.)
E mme vuo’…
CIOMMA
…Vedé muorto.
CARLO
Io songo…
CIOMMA
…Ll’odio mio:
T’abborresco, te sprezzo.
CARLO
Fremma, oh dio,
Tu pe mme sì…
CIOMMA
…Tutt’ira.
CARLO
E buo’ esse…
CIOMMA
…Pe te sempe teranna.
CARLO
Siente ‘na cosa…
CIOMMA
Niente.
CARLO
Vuo’ che bo a morì?
CIOMMA
Sì, va’, te scanna!
[Aria]
(Parte.)
Vinci: Li zite ‘n galera - atto primo
Da me che buo’ se sa:
Si’ propejo ‘no pezzente
De chille mpierteniente;
Te dico ch’agge pace,
E tu cchiù ncuocce.
Non me pejace, no!,
Comme lo buo’ sentì?
Vi’ si se nne vo’ ì!
St’uommene, ‘n zanetà,
So’ tutte suoccie.
Scena XII°
Carlo sulo.
CARLO
E qual arma, a qua’core ha sopportato
‘No dolore cchiù forte
De chisto che sent’io: so’ desperato!
Che fa, che fa la morte,
Che chiena de despietto
No mme vene a scippà st’arma da pietto?
[Aria]
Si ll’arme desperate
Fossero tormentate
Co chesta pena mia,
Lo nfierno mo sarria
Chiù peo de chello ch’è.
De pena e de dolore
9

Vinci: Li zite ‘n galera - atto primo
(Parte.)
10
Vuje niente nne sapite:
Da lloco abbascio a chisto core
Venitele a bedè.
Scena XIII°
Rapisto, Ciccariello e Col’Agnolo.
RAPISTO
Ciccariello!
CICCARIELLO
Oh Rapisto! Bemmenuto.
RAPISTO
Si nc’è masto Col’Agnolo
Me vorria sbarbizzare.
CICCARIELLO
Sta ccà.
(Non te scordà de lo strellare.)
(Strillando.)
Schiavo, sì masto Col’Agnolo.
COL’AGNOLO
(Puozze morì de subbeto,
Mm’ha storduto; isso è surdo, ed a me strilla.)
CICCARIELLO
(È bizejo de li surde.)
RAPISTO
(Manco m’avarrà ntiso.)
COL’AGNOLO
(Siente a mme.)
(Strillando. )
Bemmenuto.
RAPISTO
(Oh fuss’acciso! Ciccariello…)
CICCARIELLO
(Che dice?)
RAPISTO
(Chisto, che mmalor’ha?)
COL’AGNOLO
(Non saccio niente.)
RAPISTO
Si’ llesto?
COL’AGNOLO
Signorsì, comm’a sargente.
CICCARIELLO
Jammo…
RAPISTO
Tu mm’aje da radere.
CICCARIELLO
Cierto.
RAPISTO
(Lo cielo mela manna bona!
Ah ah ah, comm’è locco!)
CICCARIELLO
Via mo, anemo e core! Ah ah ah.
Chist’è giusto de segnore.
(Entrano tutti nella barberia.)
Scena XIV°
Meneca, po ‘Ciccariello e Col Agnolo.
(Ciccaríello esce dalla barberia con un bacile in
mano e la urta.)
MENECA
Ciccariè sì surdo?
Che, si’ fatto Rapisto?
CICCARIELLO
(Io mo l’abbiarria
Sto vacile a lo musso.)
Si’, non t’aveva visto.
MENECA
Tu non aje descrezejone
E po’ vuo’ ave’ raggione.

COL’AGNOLO
(Uscendo dalla barberia.)
Ched’è, si’ stato acciso lloco fora?
Oli co buje chiacchereja…
CICCARIELLO
E comme stace bella. Ah ah ali!
MENECA
Ussorìa nce coffeja!
Vi’ ca sti zerolille…
COL’AGNOLO
Chiano ‘no poco!
MENECA
Leva!
CICCARIELLO
Se sa da me che buo’?
Scena XV°
Ciomma da la fenesta e li stisse, poi Rapisto.
CIOMMA
Che so’ ssi strille?
COL’AGNOLO
Che, ll’aje asciato sulo
Sto povero fegliulo?
RAPISTO
(Uscendo dalla barberia con la faccia insaponata.)
Quanno mmalora scompe sto contrasto?
CIOMMA
Oh che bella fegura!
MENECA
E che buo’, che te sbatta
La capo pe sse mura?
RAPISTO
Aggio da ì co meza varva fatta?
(Rapisto e Ciccariello rientrano nella barberia.)
CICCARIELLO
Ammene.
COL’AGNOLO
Via, fenesce tu ‘sta varva!
CICCARIELLO
Jammo
RAPISTO
Tu ‘nn’aja da radere?
CICCARIELLO
Cierto
RAPISTO
Lo cielo me la manna bona.
CIOMMA
Ch’è stato sto contrasto?
COL’AGNOLO
Mo ve dich’io, sia Ciomma…
MENECA
Vinci: Li zite ‘n galera - atto primo
Leva da lloco tu… vide sti panne…
COL’AGNOLO
Lassa parlare a mmene…
Oje, varvajanne,
Agge creanza… mente stea felanno…
Stea facenno la varva …
MENECA
Chillo facce de mpiso …
COL’AGNOLO
Sto povero fegliuolo…
Scena XVI°
Rapisto, Ciccariello e li stisse.
RAPISTO
(Uscendo dalla barberia seguito da Ciccariello.)
Va’, rade li forzate, fuss’acciso!
Tene ‘no cortellaccio pe rasulo!
Bene mio, m’ha spaccata sta mascella!
11

Vinci: Li zite ‘n galera - atto primo
CICCARIELLO
Jammo a fornire.
RAPISTO
E non vuo’ ghì a mmalora?
MENECA
Vattenne.
RAPISTO
Si’ Col’A…
COL’AGNOLO
Mo, bene mio,
Non mmottà.
CICCARIELLO
Jammoncenne.
CIOMMA
Forniscela mo zia, via trasetenne!
[A cinque]
MENECA
Vi’ che lazzaro mbroglione!
RAPISTO
Facce mia!
COL’AGNOLO
Che marrone!
12
RAPISTO
Quanto sango!
CIOMMA
Trase zia!
MENECA
Te nne voglio fa pentì!
COL’AGNOLO
Vecchiacone!
CICCARIELLO
Lassa ire!
RAPISTO
Jammo, sbrigame a me mo!
COL’AGNOLO
M’aje acciso, me, mo, mo!
MENECA
Varvajanne, sciò, sciò, scio!
CIOMMA
Via fornite, no cchiù mo!
COL’AGNOLO
Scortecone, sciò, scio, sciò!
Scompetura de l’atto primmo.

Scena I°
Titta e Ciommetella.
CIOMMA
Te ll’aggio ditto che mme staje da rasso!
Comme lo buo’ sentì? Ca parte sparo?
TITTA
E mme vuo’ fa magnà propejo lo grasso!
Ajemmé, ca si’ cchiù tosta de l’acciaro.
Scena II°
Carlo e li stisse.
CARLO
Chesta è la quarta vota ch’oje torno ccà!
Ma vecco Titta e Ciomma.
Mo parlarrà per mme!
CIOMMA
Via, parla!
TITTA
Nzomma, vuo’ vedè desperato
CARLO
(Oli che amico nnorato!)
CIOMMA
No nc’è auto de chesto?
TITTA
Aspetta, aspetta!
CIOMMA
Me pare che tu si’assaje cchiù peo de lo si’
Carlo.
TITTA
Che nne vuo’ fare de sso milordiello?
lo schitto pe mme parlo.
CARLO
(Oh mmalora, isso amma Ciommatella!
Che grancio avea pegliato! Che briccone!
ATTO SECONDO
Vinci: Li zite ‘n galera - atto secondo
Va’, te fida a l’ammice!
No lo pozzo zoffrì!) Che bell’azzejone!
Non te turbare! Saccio ca te guasto
Lo fatto tujo! Non te ì mbroglianno!
CIOMMA
lo voglio stà a sentire sto contrasto.
TITTA
lo mo propejo pe’ te le stea parlanno,
(Comm’ è benuto a tiempo…)
Non me date sto sfriso!
CARLO
Busciardo! lo co sti rrecchie t’aggio ‘ntiso!
[Aria]
(Parte.)
Vi’ che teranna! Che ngannatore
Viene, me scanna! Scippa sto core!
Via, ch’aspettate? Non pozzo chiù!
So’ tutto chino d’odio e benino,
E a sto tormiento che all’arma sento,
Tu mme nce curpe, nce curpe tu!
Scena III°
Ciccaríello e masto Col’Agnolo che lo tira pe la recchia,
ca lo vo’ vattere.
CICCARIELLO
Mo ve dico lo mbroglio comm’è ghiuto.
COL’AGNOLO
Mulo canzirro!
CICCARIELLO
Ajuto.
RAPISTO
Dàlle! Ca m’ha tagliato mezza facce.
CICCARIELLO
Rapisto mio, non l’aggio fatto apposta. Aiutame!
13

Vinci: Li zite ‘n galera - atto secondo
(Si quanto songo asciuto
Non te nne faccio n’auta cchiù
Peo, sia acciso.)
[Aria]
RAPISTO
14
Che v’aggio fatto,
Che m’accedite
De sta manera?
Io crepo e schiatto
Matina e sera,
E buje me date
Sempe mazzate:
Pecché, pecché?
Via sciuoglielo, ch’ha ditto
Ca no lo bo’ fa!
COL’AGNOLO
Siente, guitto:
T’aie sparagnato mo d’avè ‘na ntosa,
Ma nnate che sia notte
Te voglio fa stà frisco comm’a rosa.
[Aria]
CICCARIELLO
(Parte.)
Si’ masto mio,
No mme vattite;
Tè ccà, vedite
Ch’aggio la freve!
Sto friddo, oh dio,
Comm’a la neve
Ajemmé lo core
(Comm’è pastore!),
Mo moro, tè.
Scena IV°
Rapisto e Meneca.
RAPISTO
Dico la verità: sti peccerille
Mme fanno pazzejare.
MENECA
Oje, piezzo d’aseno!
RAPISTO
Ched’è nn’avimmo nomme?
Piezzo d’aseno?
MENECA
Vuo’ che te rompa buono
l’ossa?
Comme si’ brutto le’, me faje sorejere!
RAPISTO
(E tu aie fatto la torta a lo diavolo.)
MENECA
Ammarcia dinto, ca te vole Ciomma.
RAPISTO
Meglio lo mmaretasse a sta verruta.
MENECA
Che mmaretà! Non è de chelle: chesta
Non vo’ manco sentire
Nnommenà lo marito.
RAPISTO
Né, poverella, mozzeca sto dito!
[Aria]
(Parte.)
Quando siente a ‘na femmena dire
“Lo marito? Non voglio ste ccose”!
Tanno meglio dell’aute lo vo’.
Quanno fanno le bocche sgregnose,
Tanno propejo le bide sperire:
Ca lo vonno negà non se po’.
Scena V°
Ciccariello e Meneca.
CICCARIELLO
Oh, vecco la sia Meneca
(Mo nce la voglio fa tonna a lo masto!)
MENECA
Oh Ciccariello!
CICCARIELLO
Schiavo a lor segnure.

MENECA
Avisse visto lo si’ Peppariello?
CICCARIELLO
Sa’ addove ll’asciarraje? Cierto e securo
Dinto a lo core tujo!
MENECA
Ah frabuttone!
Nc’aje dato ‘m miezo.
CICCARIELLO
(Vi’ che calascione.)
Lo masto mio te po’ fa ascì da guaje.
MENECA
E commo?
CICCARIELLO
Lo sio Peppo
Fa chello che bo’ isso;
E si volisse fa lo matremmonejo
De te co Peppariello
Abbasta che le muolle st’anelluccio
Dhe mo tiene a lo dito
Ca cierto Peppo te sarrà marito.
MENECA
Uh Ciccariello mio,
Le voglio dà tutte le robbe meje.
CICCARIELLO
(È lo vero retratto de la pesta.)
MENECA
Ch’aje ditto?
CICCARIELLO
Ca si’ lesta.
MENECA
Comm’aje ditto?
CICCARIELLO
(Bonora abbiannélla.)
Schiavo, ch’aggio da fare?
(Parte.)
Scena VI°
Meneca sola.
MENECA
Vinci: Li zite ‘n galera - atto secondo
A che mme jova avé sta facce bella
Si aggio da pagare
P’avè no guitto che mme voglia bene.
Femmene poverelle,
Vide a che nc’hanno st’uommene arreduotte:
Si fanno chesto a nuje, che simmo belle,
Considera mo a chelle che so’ brutte!
[Aria]
(Parte.)
Negre chelle che stanno soggette
A milorde, studiente e pagliette!
Vuo’ corrive, vuo’ nganne a deritto?
Chesto schitto
Nne ponno sperà.
Chi pretenne passà pe signore,
Chi pe bello, chi smanecatore:
Enfratanto le negra a lo scuro,
Muro muro
Se vace a corcà.
Scena VII°
ColAgnolo e Ciccariello.
COL’AGNOLO
Io non pozzo avé peo
De ire a fa la varva a cierte tale
No nce le truove maje.
CICCARIELLO
(Oh manco male!
Mo voglio compri ll’opera.)
Si’ masto, la sia Meneca
E stata ccà mo propejo,
E mm’ave confedato
Ca spanteca pe buje
Ca ve vo’ regalà ‘no bello aniello
Quann’essa s’assecura
Ca le volite bene.
COL’AGNOLO
A mme?
CICCARIELLO
Gnorsì; volite che nce jura?
15

Vinci: Li zite ‘n galera - atto secondo
COL’AGNOLO
Siete buono, forfante:
Vi’ che chessa non fosse
Qua’ cosa comm’a chella de mo nnate!
Scena VIII°
Col’Agnolo, e po’ Ciomma.
COL’AGNOLO
Oh vecco la sia Ciomma!
CIOMMA
Sempe chisto mme vene pe da nante.
Trasimmoncenne.
COL’AGNOLO
Aspetta no tantillo,
Ca mo mo te nne vaje.
CIOMMA
E che buo’?
COL’AGNOLO
No lo ssaje?
Voglio ‘na cosa che mme la può dare.
CIOMMA
(Uh, e che lòtano!)
COL’AGNOLO
Siente:
Ssa facce m’addecreja, sso…
CIOMMA
Siente lo marvizzo ca zeccheja?
COL’AGNOLO
Sì, ll’aggio ntiso; a nuje.
Ah Ciomma bella mia, tu schitto puoje
Levareme…
CIOMMA
Che friddo che fa oje!
COL’AGNOLO
N’è niente, po’ te scarfe.
Tiene mente schitto
Co ss’uocchie a zennariello,
E dapò…
16
CIOMMA
Saje si è sciuto Peppariello?
COL’AGNOLO
Non saccio. Oh dio, famme ‘na bona cera,
Musso d’oro…
CIOMMA
Sapisse
Si se fa la commeddia ccà sta sera?
COL’AGNOLO
(Oh mmalora!)
Gnorsì. Vide ca squaglio
Ca sto…
CIOMMA
Non vide Titta,
Ca se spassa a lo maglio?
COL’AGNOLO
Oli, oli! Che malann’aggia
Lo mai-vizzo, lo friddo, Peppariello,
La commeddeja, lo maglio, Titta e io!
Che, mme vuo’ fa crepà ‘na vena m’pietto!
Vuo’ che mora de subbeto, ‘mmalora?
CIOMMA
(Ah ah ah, me nce spasso a lo mmacaro.)
Che, t’aje pegliato collera?
COL’AGNOLO
Ma si mme schiatte ‘n cuorpo!
All’utemo, che d’è? Siente ‘na chiacchera.
CIOMMA
Via di’ chello che buoje, ca mo te sento.
COL’AGNOLO
Tu già saje ca pe tte non aggio abbiento.
[Aria]
Nenna mia, non saje ca ll’ommo
Quanno arriva a st’ajetà mia
Arreventa peccerillo?
Donca comm’a fegliulillo
Pur io voglio pazzejà
Sa’ che diceno l’antiche?
Ch’a ‘no viecchio se concede,

(Parte.)
Pe dà premio a le fatiche,
Lo poterese spassa.
Scena IX°
Ciomma sola.
CIOMMA
Non sulo Peppariello
Mme fuje e me desprezza,
Chisto porzì mme fa magnà la rezza.
Povera Ciomma, aje da morì securo;
Desperata te vide
Ntra lo cavecio e lo muro!
Peppo morta mme vo’, chisto m’accide.
[Aria]
(Parte.)
Negra mene so’ ncappata
Nfra lo lupo e lo derrupo;
Già mine vedo desperata:
Io non saccio addo’ foì.
Ccà lo seligno, e ccà l’ammore
Mme sdellanzano lo core
E mme fanno nghiettechì.
Scena X°
Belluccia e Carlo.
BELLUCCIA
Io non sapeva ca tu puro riecete
A sta burletta che se fa stasera.
CARLO
Songo stato mpegnato.
BELLUCCIA
(Voglio vedè, co li vestite mieje,
De mine scoprì a lo sgrato.)
CARLO
Orsù, che mm’aje da dicere?
BELLUCCIA
‘Na cosa schitto pe lo bene tujo.
CARLO
Ed èje?
BELLUCCIA
Vinci: Li zite ‘n galera - atto secondo
Pocca Ciomma t’ave ‘nn odio,
Lassala ì a malanno.
CARLO
(Che dottore, d’aguanno!)
Obbrecato a ussorìa de la conzurta.
(Parte.)
Scena XI°
Carlo e Belluccia.
BELLUCCIA
(Seguendo Carlo con una spada in mano.)
Fremmate, Carlo, aspetta.
E che corzara è chesta ch’aje pigliata?
CARLO
Oli dio, tu co sta spata
Mine ferisse passà da parte a parte;
Da me che buo’? lassame ire, Peppo!
BELLUCCIA
Vuo’ che te lassa ire?
CARLO
Sì.
BELLUCCIA
Va’ chiano!
CARLO
Tu mme vuo’ schiattà’n cuorpo;
Leva mano
A sto parlare equivoco.
BELLUCCIA
Si nnanze te venesse ch’ella scura,
Che tu a la patria toja abbannonaste…
CARLO
(Ora vide che lòtano!)
BELLUCCIA
E te decesse… ;
(Indicandogli una sedia.)
Assettate!
17

Vinci: Li zite ‘n galera - atto secondo
CARLO
Non serve.
BELLUCCIA
(Minacciandolo.)
Oh dio!
CARLO
(Sedendosi. )
E tu vuo’ stà a l’allerta?
BELLUCCIA
Si nnanze te venesse ch’ella scura, che tu…
CARLO
… A la patria mia abbannonaje.
Appriesso!
BELLUCCIA
E te decesse…
CARLO
(Porgendo una sedia. )
Piglia!
BELLUCCIA
Obbrecatisserrio.
CARLO
E accossì?
BELLUCCIA
Te decesse “A Carlo mio,
Io songo, io songo chella sfortunata
Che duodece anne arreto aje tanto ammata”,
Che le responnarrisse?
CARLO
E tu che nne vuo’ fare de ssi guaje?
BELLUCCIA
E chisto è lo piacere
Che m’avisse da fa.
CARLO
(Statte a bedere ca non fornesce ccà.)
18
BELLUCCIA
(Già s’è mbrogliato! Ammore, tu m’ajuta!)
CARLO
Io le responnarria
“Va’, tornatenne pe do’ si’ benuta!”
BELLUCCIA
“Va’, tornattenne pe do’ si’ benuta?”’
CARLO
Embé, che buo’?
BELLUCCIA
Bella resposta, sgrato!
Dapo’ che m’aje levato
E la famma e l’amore,
Accosì me respunne?
Ali, ngannatore!
CARLO
Ma chesto…
BELLUCCIA
Deciarria chella scontenta
Si nanze te venesse!
CARLO
(Chisto da me che bole?)
BELLUCCIA
Addo’ so’ le mpromesse?
Addo’ la fede? Addo’ li juramiente?
Omino senza parola, ommo de niente!
CARLO
Chesto è soperchio!
(Si alza.)
BELLUCCIA
Aspetta!
CARLO
Lassamm’ire ste cose.
BELLUCCIA
No, statte a pasto.

CARLO
Oli dio, tu mme confunne!
BELLUCCIA
No, ll’aje mprommisso; assettate e respunne.
CARLO
(Mo te chiaresco io.)
lo le derria “Pecché non te si’ stata
A lo pajese tujo ad aspettare
Ch’attennere io venesse la parola
Che t’aveva jurata?”
Una che bace sperta sola sola,
Maje se puo’ dì ch’è femmena norata.
BELLUCCIA
Chesto de cchiù! Serra sta vocca, infammo!
E qua’ signe d’ammore
Te potea dà cchiu forte chella scura
Che benirete appriesso?
CARLO
Nne potea fa de manco
BELLUCCIA
Abbannonà la patria e li pariente…
CARLO
Chi nce ll’ha commannato?
BELLUCCIA
A riseco de perdere la vita…
CARLO
Non se fusse partuta da la casa!
BELLUCCIA
Una che t’amma tanto e che t’adora!
CARLO
Aggio auto pe la capo!
BELLUCCIA
La vuo’ fa desperà?
CARLO
N’è morta ancora?
BELLUCCIA
N’è morta ancora!
CARLO
Vinci: Li zite ‘n galera - atto secondo
Si n’è morta ancora,
Già me ne so’ scordato:
Io non la voglio cchiù! Te si’ quietato?
Non parle cchiù? Ched’è? Già te sconfide
A sta proposezejone,
che resposta mme daje?
BELLUCCIA
(Sguainando la spada.)
Chesta che bide.
CARLO
Si’ pazzo, co chi ll’aje?
BELLUCCIA
Miette mano te dico, o te sbodello.
CARLO
(Sguainando la spada.)
Tu vaje cercanno propejo de morire.
BELLUCCIA
No mporta.
CARLO
Te nne voglio fa pentire!
BELLUCCIA
Si’ feruto!
CARLO
N’è niente.
BELLUCCIA
(Ah negra mene!)
Vasta!
CARLO
Che bue’ abbastà? Mo te serv’io.
BELLUCCIA
(Non saccio che mme fa; so’ morta.)
19

Vinci: Li zite ‘n galera - atto secondo
CARLO
A nnuje.
Scena XII°
Ciomma e li stisse.
CIOMMA
Ajemmé, che bedo! Ah Carlo, ah Peppo mio!
Pe quanto amme Ciomma,
Pe quanto mme vuo’ bene,
Fornitela, fremmate,
Nfoderate ste spate!
Famme sta grazeja! Famme sto piacere!
Si’ feruto?
CARLO
N’è niente
Ca chi ha fatto lo callo a lo patire
Non sente cchiù dolore.
CIOMMA
Ah, poveriello scuro,
Nce voglio arravoglià sto moccaturo.
CARLO
Oh dio! Ca tu aje piatate
De sto po’ de feruta de la mano,
E de chella che sta dint’a sto core
Po’ non aje compassione?
BELLUCCIA
(Ah tradetore!)
CIOMMA
Manco se vo’ quietà.
BELLUCCIA
Va’, dalle gusto,
Va’, lo conzola, va’ va’, lo contenta;
Va’, parlale d’ammore,
Mmendecale la chiaia,
Falle carizze, abbraccialo…
CIOMMA
E bia, zitto!
BELLUCCIA
Lassateme ch’io schitto
Mora da desperata…
Dico: da desperato,
20
Che mm’affria, che mme scanna,
Che mme sbena.
CARLO
Chesto ched’è?
CIOMMA
Che sfrenesia!
BELLUCCIA
Che pena!
[A tre]
Fortuna cana, oh dio,
Dimme che te faccio!
CARLO
Ammore tradetore,
Che buo’ da chisto core?
CIOMMA
Destino mio teranno,
Levame da st’affanno.
Quanno la vuo’ scompì?
CARLO
Bellezza de sto core!
BELLUCCIA
Facce da tradetore!
CIOMMA
Tu si’ la morte mia!
CARLO
Che t’aggio fatto?
CIOMMA
Abbìa.
BELLUCCIA
Carlo non te partì.
CIOMMA
E lassannillo ì.
CARLO
Tu mme vuo’ fa mpazzì.
(Partono.)

Scena XIII°
Col’Agnolo, Ciccariello, Meneca.
COL’AGNOLO
Vi’ che può fare co ssa vecchia, sbrigate.
CICCARIELLO
Mme pare ca mo esce.
MENECA
Oh bene mio, ca songo nnammorata!
Me l’ha fatta sto guitto!
M’è ghiuto postejanno, e m’ha ncappata!
CICCARIELLO
(Si’ ma’, che t’aggio ditto?!)
COL’AGNOLO
(E lo vero, aje raggione.)
CICCARIELLO
(Miettete a sto pontone
E siente appriesso.)
Schiavo, sia maesta.
MENECA
Oh Ciccariello, addio.
COL’AGNOLO
(Stammo a senti’.)
CICCARIELLO
(Che sfazejone è chesta!)
MENECA
Che fa lo bello fato,
Chella facce de rose,
Chillo mussillo, chella gioja mia?
COL’AGNOLO
(A mme?)
CICCARIELLO
(Si, a tte.)
Pe isso addonca squaglie?
MENECA
Moro pe sto gioiello.
CICCARIELLO
(Vide commo abbampa?)
COL’AGNOLO
Vinci: Li zite ‘n galera - atto secondo
(Che me molla l’aniello,
E po’ ben aggia ll’ora che nce campa.)
MENECA
Oh si’ masto Col’Agnolo,
Te sia raccommannata,
Ca tu mme puo’ levare da ste pene.
COL’AGNOLO
Segnora mia, non saccio che ve dire
Io me voglio sforza… pe ve servire.
(Mmalora, è troppo ponteca!
Non voglio cchiù l’aniello, abbiannella.)
MENECA
Lo saccio che no songo tanto bella,
Ma dice lo proverbio
Ch’a casa chiena maje nce manca cena.
COL’AGNOLO
Ma io n’aggio appetito, core mio.
MENECA
Via, ca si vuo’, mbè, lo puo’ fare.
CICCARIELLO
Eh bia.
COL’AGNOLO
Va’ tu a peglià lo vino, Ciccariello.
CICCARIELLO
Mo.
(Parte.)
COL’AGNOLO
Mollame l’aniello!
MENECA
Eccolo ccane.
COL’AGNOLO
Via, ch’avimmo da fare?
21

Vinci: Li zite ‘n galera - atto secondo
MENECA
Mo te lo dico, bello pane pane:
Tu mmaje da fa ‘no bello roffejano.
COL’AGNOLO
Io roffejano?
MENECA
Non te piglià collera.
COL’AGNOLO
Ciccariello! Uscìa parla a lo sproposeto.
Via, levammo ste baje:
Vuo’ che te voglia bene? lo te nne voglio,
Sì, te nne voglio,
Non t’affrijere chiunne!
MENECA
E voglio … ? E voglio … ?
COL’AGNOLO
Tu che mmalora vuo’ da fatte mieje?
MENECA
Oje ntacca-musse, arrappa-portarobbe,
Taglia-chiattille, sacco de cravune, io mo co
ttico? Io!
COL’AGNOLO
Chesta che bo’?
MENECA
Via, vommeca l’aniello, da’ ccà.
COL’AGNOLO
Chesta che bo’?
MENECA
Via, vommeca l’aniello. da’ ccà.
COL’AGNOLO
Non mozzecare!
MENECA
E lassa, malenato, oh, puozz’cssere acciso!
(Parte.)
22
COL’AGNOLO
Vide che becchia vezejosa è chesta.
Scena XIV°
Col’Agnolo, po’ Rapisto; Meneca e Ceccariello.
COL’AGNOLO
Mine vorria vennecare de ssto tratto.
Oh, mo mme vene fatto!
Pe la fa desperare
lo le voglio arrobbare
Chella carrafa de lo cuoncio. Oh bravo,
Vecco ccà la scalella!
Da ccà no nc’è nesciuno,
Pocca chesta è ‘na strata soletaria.
Mo nne la zeppolejo. Priesto, pe ll’aria!
(Appoggia la scala al balcone della casa di Veneca
e sale, ma poi la scala gli scivola e resta attaccato
alla ringhiera.)
Oh, bonora, la scala! Cielo ajutame!
Ciccariello! Diàschence ch’è asciuto!,
Si strillo e chiammo aiuto, faccio peo.
Oh, povero Col’Agnelo!
RAPISTO
Ah ah ali. Oh mmalora.
Che faje lloco, carosa-connannate?
COL’AGNOLO
Zitto! Ajutame frate,
Rapisto mio, te voglio pe compare.
RAPISTO
Che compare! Te voglio fa stà frisco:
Ccà se tratta de ratto virginabus!
COL’AGNOLO
Oh, ll’aggio fatta negra! Uh che rovina!
RAPISTO
Non t’aje pegliato gusto stammatina
A farme fa sta facce felle felle?
Tè mo.
(Lo tira per i piedi.)
COL’AGNOLO
Chiano Rapisto: si’ mpazzuto?

RAPISTO
Ah mo mme vene fatta!
COL’AGNOLO
Vi’ ca m’annieghe.
RAPISTO
Schiatta!
COL’AGNOLO
Te voglio fa n’anno de varve a uffo.
RAPISTO
A chine? Eh! Non vuo’ ire a scorzà chiuppe?
COL’AGNOLO
Oh bonora, cionchìa?
MENECA
(Comparendo sul balcone, a Rapisto.)
Ched’è ? tu sempe staje co la pazzia!
(Accorgendosi di Col’Agnolo,)
Uh negra me, che faje tu lloco?
RAPISTO
Aje visto?
MENECA
Repotazione mia!
RAPISTO
Lupus in fraveca pro scaliazione, sia mae’, mpisetur!
MENECA
Uh, tezzone de nfierno, te sia rutto
Accossì a tte lo cuollo!
Testemmoneja vosta ca chisto m’è benuto
A levare l’annore.
COL’AGNOLO
(Manco la toccarria co ‘no spito nfocato.)
MENECA
Ma no nne magne affè de sto pegnato.
CICCARIELLO
Vinci: Li zite ‘n galera - atto secondo
Arrivando in scena.
E zezzella, mia zezzella
Facce de zuccaro e de cannella,
Si t’aggio mma…
COL’AGNOLO
Puozze morì de subbeto!
CICCARIELLO
Oh si masto!…
COL’AGNOLO
Non vi’ ca sto a la corda?
Auzame sta scalella!
RAPISTO
Cicco non t’accostare!
MENECA
Leva le’, ca lo voglio stravesare.
COL’AGNOLO
Fa’ priesto co sta scala,
Ciccarie’! Mo se vede…
MENECA
Chesto a la casa mia, facce de mpiso.
CICCARIELLO
(Accostando la scala. )
Via, mo miette lo piede.
COL’AGNOLO
Tiene, che fuss’acciso!
MENECA
Tè, già che non pozz’auto.
(Lo bagna con uno schizzetto.)
CICCARIELLO
Non vuo’ scompire co sto sghizzariello?
RAPISTO
Schiatta!
MENECA
Crepa!
23

Vinci: Li zite ‘n galera - atto secondo
CICCARIELLO
Aje da fa co Ciccariello!
MENECA
Vi’ che masto, che guarzone!
Che barviero arroinato!
COL’AGNOLO
Vecchia, vecchia!
CICCARIELLO
Mascarone!
RAPISTO
Chiano chia’, ca mm’aje sciaccato!
Mena mena, sia majesta!
24
COL’AGNOLO
Mena, Cicco!
CICCARIELLO
Pesta pesta!
RAPISTO E MENECA
Mo te voglio fa vedé!
COL’AGNOLO E CICCARIELLO
Che buo’ fare? Tè tè tè!
(Scompetura dell’atto secunno.)

Scena I°
Belluccia e Col’Agnolo.
BELLUCCIA
Vi’ ca po’ se fa tardo, e n’aggio tiempo
De mme vestire femmena.
COL’AGNOLO
Uh ! Che tanto nce vole? Doje partite
Schitto faccimmo, e po’ nce n’abbiammo.
BELLUCCIA
Sbricammonce.
COL’AGNOLO
So’ lesto:
Ecco le carte co la tavolella.
BELLUCCIA
Orsù quanto vuo’ fa?
COL’AGNOLO
‘Na decinchella.
BELLUCCIA
E marcio.
COL’AGNOLO
E marcio, via.
BELLUCCIA
Col’A’, mme vince!
COL’AGNOLO
Ah, carta venga a giocator s’avanta!
BELLUCCIA
Sì, ma tu juoche fino.
COL’AGNOLO
Oh, ca tu si’ ‘no bello marranchino!
Auza.
BELLUCCIA
N’asso.
ATTO TERZO
COL’AGNOLO
‘No tre, voglio la mano.
BELLUCCIA
E puro st’avantaggio!
Scena II°
Vinci: Li zite ‘n galera - atto terzo
Titta, Ciomma, Carlo, Meneca dalla loggia e li
stisse.
CIOMMA
Vattenne mo.
CARLO
Potta de chi non crede!
E che, songo mpestato
Che mme caccie accossì?
TITTA
Che cana perra!
COL’AGNOLO
E che freoma che aje!
BELLUCCIA
Tè: cavallo de spata.
COL’AGNOLO
Mme la faje!
CARLO
Donca non aje de me propejo piatate?
MENECA
Vi’ si se nne vo’ ire!
CARLO
Ora mo non te pozzo cchiù zoffrire.
CIOMMA
Schiatta!
CARLO
Da’ ccà sta mano.
25

Vinci: Li zite ‘n galera - atto terzo
CIOMMA
Ah briccone!
MENECA
Ah forfante!
TITTA
(Avventandosi su Carlo con la spada. )
Ajemmé va chiano!
CARLO
Sì, accideme.
COL’AGNOLO
Oh bonora!
BELLUCCIA
Ah Carlo mio,
Ch’è stato? Ched’è chesto?
CARLO
Via, da’ gusto a sta sgrata,
Viene, m’accide tu!
BELLUCCIA
Lassa sta spata!
Piglia, Carlo. Ched’è, so’ fatte pulece
Le gente, che accossì tu le buo’accidere?
CIOMMA
Comme, tu vaje ‘n favore
A ‘no nemmico tujo?
BELLUCCIA
Sto nnemmico me sta dinto lo core.
MENECA
Levate, ca nne voglio fa mesesca.
Titta Fremma mamma, che faje?
Meneca Lassa tu, n’auto!
Carlo Ah, canaglia assassine!
BELLUCCIA
Te vorria caccià ll’arma da lo pietto.
TITTA
Mamma, vi’ ca te perdo de respetto.
Ciomma Tu contr’a Ciomma toja?
Meneca Tu contr’a mammeta?
26
Belluccia Accossì bo’ la sciorte.
TITTA
Chisto m’ha liberato da la morte.
MENECA
E che, pe chesto le … ?
TITTA
Trasitevenne.
BELLUCCIA
No nne la vuo’ portare?
TITTA
Eh jammoncenne!
MENECA
Trase ccà tu, fegliola.
CIOMMA
Che briccone: m’avive asciata sola!
(Partono.)
Scena III°
Belluccia e Carlo.
BELLUCCIA
Ched’è, Carlo? Non parle, staje confuso?
Vi’ pe tte quanto faccio!
Mm’aje obbreco? Respunne a mme!
[A due]
CARLO
Che buo’ che spera?
BELLUCCIA
Spera ch’ammore
Mo da st’affanne
Te levarrà.
CARLO
Ah ca te nganne,
Pocca lo core
Maje da st’affanne
Se levarrà.
Nsi’ a mo si’ stato so’ stato
Da desperato!

BELLUCCIA
Ma mo te juro
Ca sta desditta
Se sconparrà.
CARLO
Io t’assecuro
Ca sta desditta
Maje scomparrà.
(Partono.)
Scena IV°
S’accosta ‘na galera de la quale scenneranno duje
schiave cbe attaccaranno lo capo ‘n terra; po’ co lo
sparo de lo cannone e suono de tammurro sbarcarrà
lo Capetaneje co ‘na quantetà de schiave e schiavi,
piagliate ‘n coppa ‘na corzara torchesca.
[Aria]
CAPITANO
(Parte.)
Or più non mi fa guerra
Il tempestoso mar;
Già siam, compagni, in terra
E ‘l ciel sereno appar.
Scena V°
Meneca da la loggia, Col’Agnolo, da la soja pur
accossì, Ciomma, e po’ Assan.
MENECA
Masto Col’A’, ch’è stato, chi so’ chiste?
COL’AGNOLO
No lo bi’ ca so’ turche?
MENECA
Uh, negra mene, ca jarrano trovanno belle femmene
Pe le portare a lo serraglio: e io
Cierto ca so’ la primma!
COL’AGNOLO
Tu ? Nn’aje paura, no!
MENECA
Pecché?
COL’AGNOLO
Si’ grimma.
MENECA
Io mo t’abbiarria
Sta testolella ‘n facce.
COL’AGNOLO
Vinci: Li zite ‘n galera - atto terzo
A te vonno portà chiste ‘n Turchia?
Che, buo’ fa storzellà lo Gransegnore?
CIOMMA
Se po’ sapè ched èje sso remmore?
MENECA
So’ turche, figlia mia.
ASSAN
Eh compar, dove star qui alloggiamenta?
Volir sapira capitania mia.
COL’AGNOLO
(Mo lo manno a la casa de la vecchia.)
ASSAN
Respondir! O mo far fora pellecchia!
COL’AGNOLO
Fora pellecchia? mo calar a bascio.
MENECA
Bell’omo, no ve sia pe commanno,
Dicitence chi site,
Ca posta vuje ne avite gran paura.
ASSAN
No, non temir, non dubitar, seniura.
CIOMMA
Commo so’ aggrazejate chiste schiave,
MENECA
Dice ca l’ha pegliate
Da coppa a ‘na corzara varvaresca,
E tanta belle cose sanno fare,
E nfra ll’aute porzì sann’abballare.
CIOMMA
Che gusto, sa’? Oje bello schiavo mio,
27

Vinci: Li zite ‘n galera - atto terzo
Famme vedé abballare a la turchesca.
ASSAN
Seniura sì.
COL’AGNOLO
Da’ gusto a ssa segnora.
ASSAN
Seniura, mo vedir far crapejola.
CIOMMA
E biva veramente!
TUTTI
E viva, e viva!
(Partono.)
Scena VI°
Ciccaríello sulo, da femmena.
CICCARIELLO
Pare ca no sto male
Accossì travestuto
Paro ‘na pecceralla naturale;
Stasera propejo me farraggio annore
A fa la parte mia,
Ca sto de buon umore.
Ma vogl’ire a trovare la sia Ciomma
Pe m’agiustà ‘no poco li capille.
S’io mo fosse femmena,
Co chisto speretillo
Vorria tenè a la corda miezo Napole,
Pe fa cade quarcuno
Propejo da facce ‘n terra
Co ‘na tenutamente.
Chelle che sanno fare
Chiste licchesalemme
Ncappano miezo munno,
E no ste facce lisce gnemmegnemme.
Scena VII°
Ciomma dalla loggia, Rapisto e lo stisso.
CIOMMA
Oh bravo Ciccariello! Tu mme pare
‘Na cosella de spanto!
28
CICCARIELLO
M’aggio fatto vestì da la commare.
RAPISTO
Oje sia Ciomma, è n’incanto!
CICCARIELLO
Orsù, via, jammo mo.
CIOMMA
Chiano ‘no poco,
Viene ccà, saglie ‘n coppa.
CICCARIELLO
E bia saglimmo.
CIOMMA
No no, facite primmo
Nziemo ‘na scenolella cosella.
CICCARIELLO
Chello che bole la sia Ciommatella.
RAPISTO
Via presto, anemo e core.
CICCARIELLO
Doje parole d’ammore:
Via, miettete la maschera.
RAPISTO
E lassa ì, n’è necessario chesto.
CICCARIELLO
Rape’, si mme vuo’ bene…
RAPISTO
Via, va decenno ca te vengo appriesso.
CICCARIELLO
Core mio carillo carillo
Sso bello nasillo
Me fa pazzejà.
RAPISTO
Gioja mia carella carella
Ssa bella faccella
Me fa pazzejà.

CIOMMA
Ah ah ah. E biva tutt’e duje.
Di’ quarcosa de sdigno.
CICCARIELLO
A nnuje.
RAPISTO
A nnuje.
CICCARIELLO
Lazzarone, briccone, pezzente,
Straccione, fetente,
Vattenne da ccà!
RAPISTO
Musso d’oro, bell’uocchie luciente,
Sta vocca, sti diente
So’ troppo… pietà!
(Partono.)
Scena VIII°
Col’Agnolo, Ciomma, e po’ Titta.
COL’AGNOLO
Addove sarrà ghiuto? Eh, pisse pisse,
Fosse venuto lloco Ciccariello?
CIOMMA
Sì, sta ccà ‘n coppa. Uh comme pare bello!
COL’AGNOLO
Te pararrà comme tu pare a mene.
CIOMMA
(Oh, chisto mo accommenza!)
Zitto sì masto, ca te voglio bene.
(Accossì mme lo levo de vecino.)
TITTA
(Vi’ ca t’arrivo mo pe lo giardino
Oh, Col’Agnolo e Ciomma!)
CIOMMA
(Vecco Titta, le voglio dà ‘no po’ de gelosia.)
COL’AGNOLO
Donca de st’arma affritta…
CIOMMA
Cojetate, ca tu si’ ll’arma mia.
TITTA
(Potta de la fortura!
A chisto addonca vole bene?
Oh femmene!)
CIOMMA
Vinci: Li zite ‘n galera - atto terzo
Vattenne, core mio,
Che non venesse Titta a sconcecarece.
COL’AGNOLO
Io no nce capo dinto a la cammisa:
Dice addavero?
CIOMMA
E comme! (Ah ah, che risa.)
COL’AGNOLO
Addonca mo…
CIOMMA
Tu mme sarraje marito:
Pe tte renunzio Titta e lasso Peppo.
COL’AGNOLO
Bene mio, cà sto dinto a ‘no geleppo!
(Parte.)
CIOMMA
(Staje frisco, e Titta llà piglia li butte:
lo voglio tenè tutte,
E contiente e gabbate.)
TITTA
Oh! Mme rallegro assaje.
CIOMMA
De che?
TITTA
Ca ‘no varviero
Te fa renunzià Titta e lassà Peppo.
CIOMMA
Ah ah, mme faje ridere addavero:
Me ll’aggio pasteggiato ‘no tantillo.
29

Vinci: Li zite ‘n galera - atto terzo
TITTA
Né! Volea dire.
Scena IX°
Carlo e li stisse.
CARLO
Oh bravo,
Che bella compagnia!
TITTA
Addonca Ciomma, chi sarrà maje chillo
Che godarrà sta ditta
De t’essere marito?
CIOMMA
Sarrà Titta.
TITTA
A mme porzì vuo’ pasteggiare, Ciomma?
CARLO
(Ahu, che robba, tè!)
CIOMMA
(Veccote Carlo,
Le voglio dà martiello
Pe mme spassà.) Carlo e Peppariello
lo le mmantengo ‘n frisco
Pecchè tu si’ looh dio, ntienneme a sisco!
TITTA
Che sciorta!
CIOMMA
(Comm’è locco!)
CARLO
(Femmene veramente!
Vide co chi è ncappata, co ‘no smocco!)
CIOMMA
Orzù vattenne ‘n coppa
Ma non dì niente a nullo:
Tu mo saje che te fa.
TITTA
Chesto va ‘n groppa!
30
CIOMMA
(Spassammoce ‘no poco co chist’auto.)
Carlo Po’ decite ca ll’uommene
So’ mpertiniente!
CIOMMA
Oh Carlo…
CARLO
E ba’ co nnio!
CIOMMA
T’aggio da dì…
CARLO
Non moglio sapè niente.
CIOMMA
Cosa de gusto tujo,
CARLO
(Vide comm’è deritta.) Saccio.
CIOMMA
Ed è?
CARLO
Ca sarraje mogliere a Titta.
CIOMMA
Ah ah ah. Lo coffejo
Pe no lo sentì cchiù.
CARLO
Comme sì nzemprice!
Co chesto mo te cride…
CIOMMA
Co chesto te dico vedarraje
S’abburlo; siente, Carlo…
CARLO
Di’, di’, ca non so’ surdo.
CIOMMA
Nzì a mo pe Peppo t’aggio desprezzato;
Ma già che chisto sgrato
Non fa cunto de mene,
Voglio ‘nn oddio cagnà tutto lo bene.

CARLO
Oh bravo! E biva, e biva veramente addonca.
CIOMMA
Si chi ammava mo desprezzo,
Ogne raggione vole
Che chi prima sprezzaje,
Mo devo ammare.
CARLO
Oh che belle parole! Ah ah ah,
E tu pretienne de me nce fa stare?
CIOMMA
(pare che se lo nzonna!) Siente, Carlo,
È difficile assaje
Canoscere lo core de ‘na femmena,
E a lo spisso soccede
Che chi se vede avè manco favore
Chillo meglio dell’aute nce sta ‘n core.
CARLO
Tu mo pretienne ch’io…
CIOMMA
Carlo, no cchiù, tu si’ lo core mio!
[Aria]
(Parte.)
Nuje femmene simmo
Mparate acossì:
Servì nce facimmo
Da tutte, ma po’
Chi manco te cride
Ccà dinto nce sta.
Co una de nuje
Fortura nce vo’,
Ca uno de vuje
S’accide,
Che fa?
Scena X°
Carlo, Col’Agnolo, Titta, Rapisto e Ciccariello.
CARLO
Addonca Ciomma sarrà mia? Che sciorta!
Che gusto nnaspettato!
Che mutazejone è chesta:
Io mo so” nato!
COL’AGNOLO
Vinci: Li zite ‘n galera - atto terzo
(Chist’ancora attorneja:
Non saparrà ca la sia Ciomma è mia.)
CARLO
Ah ah, a la fina Ciomma s’è arrennuta.
TITTA
(Comme lo dice alliegro.)
E a buie chi ve l’ha ditto?
CARLO
Comme chi me l’ha ditto! Essa mo prepejo.
Che gusto ch’aggio avuto.
Obbrecato a ussorìa.
COL’AGNOLO
Obbrecato a ussona!
(Isso s’allegra de la sciorte mia.)
Parente mme sarraje.
TITTA
Comme parente?
CARLO
(Oh chista è bella! Io songo
Lo sposo, e loro fanno compremiente!)
TITTA
Io no ve ntenno.
CARLO
Ciomma non t’è parente?
TITTA
Sì segnore.
CARLO
Addonca, mo ch’ess’è mogliere a mene
Se stregne nfra de nuje la parentezza.
COL’AGNOLO
Ah ah ah, poveriello.
TITTA
Mogliere a buie?
CARLO
Nsì a mo che t’aggio ditto?
31

Vinci: Li zite ‘n galera - atto terzo
TITTA
Si’ Carlo, me faje ridere:
Pocca è mogliere a mmene:
COL’AGNOLO
(Oh chesta è meglio!)
CARLO
Ah ah, staje n’arrore,
Ch’è mia: mo me nne songo assecurato.
COL’AGNOLO
(Che papurchie! Non sanno
Ch’aggio fatt’io la botta: ah ah, so’ crepato!)
CARLO
Vi’ che risa se fa masto Col’Agnelo!
TITTA
Aie visto? Co chi ll’aje?
COL’AGNOLO
Oh bene mio,
Diceteme ‘na cosa: tu sarraje
Marito a Ciomma?
TITTA
Io songo…
CARLO
Signornò, chisso songh’io.
TITTA
Abburla lo sio Carlo.
CARLO
Abburla Titta.
COL’AGNOLO
O pe ll’uno o pe ll’auto,
Vuje credite che Ciomma stia pe buie…
CARLO
Sta pe mme!
TITTA
Sta pe mmene!
32
COL’AGNOLO
(Co’ lo figlio de Nufrio.) Ora sacciate
Ca Ciomma ve coffeja a tutt’e duje.
CARLO
E pecchè?
COL’AGNOLO
Ch’ha mprommisso
D’esse mogliere a mme.
TITTA E CARLO
Ah ah ah, chest’è bella.
TITTA
Ogne cosa po’ essere.
COL’AGNOLO
Ched’è, pecchè redite?
TITTA
Reveresco, si’ sposo.
CARLO
Ora volite sapè ‘na cosa?
COL’AGNOLO
Ed è?
CARLO
Chesta nc’ha coffejato a tutt’e tre.
COL’AGNOLO
È cchiù facele chesto
Ch’on’autra cosa; cierto acossì è.
(Parte.)
Scena XI°
Carlo.
[Aria]
CARLO
Lo saccio ch’è pazzia
Volere bene a femmene,
Ogn’uno l’avarria
Da lassà ire: ma
Lloco te voglio.
So’ peo de lo dejàschence:

Te danno l’accasione
Pe farete ncappà;
Po’ comm’a ‘no briccone
Te vottano, te chiantano,
Te fanno trova
Dinto a qua’ mbruoglio.
(Parte.)
Scena XII°
Belluccía da femmena, Titta, e po’ Ciomma.
BELLUCCIA
Ammore caro, caro,
Ecco Belluccia, ca no cchiù se cela:
Vestut’ommo, aggio puosto lo telaro,
Tu ajutamell’a ordì sta bella tela!
TITTA
Oh! si’ Peppo, mo pare
Cchiù femmena che ommo.
BELLUCCIA
Eh! Fatte cunto …
TITTA
Che?
BELLUCCIA
Ca quase quase …
TITTA
Che cosa?
BELLUCCIA
Poco manco…
CIOMMA
Oh bravo Peppo!
Primmo de me Titta tu si’ arrevato!
BELLUCCIA
Cierto.
TITTA
Ciommetella sta’ ‘n tuono;
Famme trovà quarcosa quanno torno.
CIOMMA
Oh pe sta notte ntanto
Duorme co quarche ammico.
No nce venì a scetare.
TITTA
Vinci: Li zite ‘n galera - atto terzo
Vago a dormì co lo si’ Peppariello.
BELLUCCIA
Comme, co mmico?
TITTA
Sì.
BELLUCCIA
Schiavo, ussoria.
(Vide che guaje che la venarria.)
TITTA
Ched’è, che fusse femmena?
BELLUCCIA
Ora non saccio niente.
(Le boglio pasteggiare ‘no tantillo.)
Accossì comme songo,
Vorria sapere chi cchiù sfazejone
Avarria de dormire
Co mmico, mo de vuje.
TITTA
Io poco e niente.
CIOMMA
Io assaje.
BELLUCCIA
E ha’ ca state belle tutt’e duje.
[Aria]
Si canoscissevo
La quaglia all’uosemo,
Non deciarrissevo
Cierto accossì.
Tu pe mme spanteche,
E tu nn’aje mmideja
Mme vene a ridere,
Lassammo ì!
(Parte con Titta.)
33

Vinci: Li zite ‘n galera - atto terzo
Scena XIII°
Capitano, Assan, Ciomma, Meneca, Masto Col
Agnolo.
CAPITANO
Assan, Assan, Assan!
ASSAN
Seniur, star lesta.
CAPITANO
Il tempo è già sereno,
Fa’ che il tutto sia pronto alla partenza.
CIOMMA
Uh, n’auta vota chisto!
COL’AGNOLO
Troppo sti turche vanno ronnejanno.
MENECA
Chi è chillo segnore?
CIOMMA
Che nne saccio.
ASSAN
Veder quaglia? Veder?
CAPITANO
Già l’osservai.
ASSAN
Por mia fe’, che star bella!
COL’AGNOLO
Hann’allomato Ciomma, nce so’ guaje.
[Aria a due]
ASSAN
34
Seniura mia,
Venir co nnuja,
Veder Turchia!
Che gran seniura
Dintr’a Serraglia
No avir quaglia
Accossì grassa
Comme tu star.
MENECA
Uscìa s’arrassa.
ASSAN
Non frusciar capa,
Sacca cravuna,
Parlar volira.
MENECA
Star mia padruna.
ASSAN
Si non tacira,
Testa tagliar.
MENECA
Non far, non far.
Scena XIV°
Titta e li stisse.
TITTA
Uh quanta gente! Mamma, ched’è chesto?
MENECA
N’è niente, è la commeddeja.
TITTA
Che buo’ commeddeja! Non se fa chiune!
CIOMMA
E pecché? Ch’è socciesso?
TITTA
Ca lo si’ Peppo s’è scopierto femmena.
MENECA
Femmena!
COL’AGNOLO
Sì, addavero.
TITTA
Cierto, cierto
È de Sorriento, e dice
Ca dudece anne arreto lo sio Carlo
Fede de matremmonio l’avea dato.

COL’AGNOLO
Mme nne fosse addonato,
Vi’ che festino nce voleva essere.
MENECA
Che mme dice.
CIOMMA
Ah pe chesso se nfadava
Ogne ghiuorno co Carlo:
Mo lo voleva muorto e mo l’ammava.
Ahu, speranze meje jute a zeffunno!
CIOMMA
Vi’ comme so’ le cose de lo munno.
CIOMMA
Ma già che la commeddeja
Non se fa cchiù, va’, chiammale.
TITTA
Vedite ca mo è tiempo
De me levà da guaje; già Carlo e Peppo
Se so’ quietate, e io
Aggio mo da restare sconzolato?
Meneca Che dice?
Ciomma Che nne saccio!
TITTA
Ciomma, non me fa stà cchiù desperato!
[Aria]
Mo è tiempo,
Ciomma mia,
Che me puo’ fa gaudé:
Leva sta tirannia,
Agge piatà de me!
Scena urdema
Belluccia, Titta; e po’ Carlo e li stisse.
TITTA
Ecco ca ll’aggio asciate pe la via.
BELLUCCIA
Uh quanta gente! Scosta co sta torcia, lassa
vedé!
CAPITANO
(Che vedo!
Vinci: Li zite ‘n galera - atto terzo
Quest’è mia figlia!) indegna,
Mia vergogna e rossor! Tu in queste arene,
Sott’abito viril?
BELLUCCIA
(So’ morta, oh dio!)
CAPITANO
Olà, l’empia s’uccida!
ASSAN
Seniur, pietà! Sabella
Avir cresciuta io, ed avir fatta
Sopre braccia, quand’era pescengrilla,
Più frittata che pila n’avir barba.
CAPITANO
Taci! S’esegua il mio voler!
BELLUCCIA
Segnore, Oh dio, pietà!
CARLO
Ch’è stato?
Ah canaglia! Assassine! Ha renegate!
Primma, pe chisto pietto
Passaranno ste… Ajemmé, patreto?
CAPITANO
Ah traditor! Tu ancora
Pagar dovrai de’ tuoi misfatti il fio.
CARLO
Sì, so’ contento de morì; ma chesta
Non corpa a niente. Essa pe mme è fojuta
Da la patreja; io la morte
Mmereto, pecché ll’aggio,
Ajemmè, traduta.
CAPITANO
L’indegno s’incateni,
Su la galea si guidi,
E quivi poscia il traditor si sveni!
CIOMMA
Signore, pe piatà!
35

Vinci: Li zite ‘n galera - atto terzo
CARLO
Lassalo ire.
[Aria]
36
Sì, datemela morte!
Bella, no la mpedì!
Barbaro, st’arma forte
La potarrà soffri.
Cara, vao a morì:
Te lasso, addio.
BELLUCCIA
Ah Carlo, fremma!
COL’AGNOLO
Oh dio segno’ perdonalo,
Ca so’ spuse novielle!
CAPITANO
Come sposi?
MENECA
Gnorsì! Sto cavaliero
Che facea la commeddeja ll’ha sposate.
CAPITANO
Dunque non è com’io credea.
BELLUCCIA
Segnore,
lo venne appriesso a Carlo
Pe mme poté recuperà l’onore;
Mo già simmo sposate ; si ve preme
Che mora Carlo mio,
Ah, pe piatà!, fa’che morimmo nzieme!
ASSAN
Seniur pietà, non far sciancir Sabella.
CAPITANO
Mi sento intenerir.
COL’AGNOLO
Via mo, si’ capetanejo,
Fallo da bonus vir.
CAPITANO
Alzati, oh figlia.
MENECA
E timpo d’allerezza:
Perdonale, segno’, puozze stà buono.
CAPITANO
Sciolto sia da catene! lo vi perdono!
MENECA
Puozze campà mill’anne!
MENECA
Beneditto!
Ciomma, nfra st’allerezze
Povero Titta ha da restare affritto?
Pigliatillo!
TITTA
Che dice?
CIOMMA
Ahu fortuna!
Pocca accossì bolite, io mme contento.
COL’AGNOLO
Belle fatiche meje, sparze a lo viento!
ASSAN
Seniur, galera già star pronta.
CAPITANO
Andiamo
Figli, alla patria, a celebrar le nozze!
BELLUCCIA
Ciomma mia, te so’schiavo.
CARLO
A revederce, Titta.
MENECA
Accossì, ‘n nitto ‘n fatto,
Nce volite lassare.
COL’AGNOLO
Ora vide che storia!
BELLUCCIA
Cierto, e de che manera!

COL’AGNOLO
Nce resterrà ccà sempe la memoria
De li “zite ‘n galera---.
CARLO
Venitece a trovare.
CIOMMA
Recordate de Ciomma.
TITTA
E de Titta Castagna.
BELLUCCIA
Ciccariello.
CARLO
Col’Agnolo covernate!
CICCARIELLO E COL’AGNOLO
Jate co nnio!
CIOMMA, TITTA E MENECA
Lo cielo v’accompagna!
BELLUCCIA E CARLO
Dapo’ tanta e tanta pene,
A DUE
Bello mio,
Gioja mia, jammo a gaudé!
CIOMMA E TITTA
Dapo’ tanta e tanta pene,
A DUE
Bello mio,
Gioja mia, jammo agaudé!
COL’AGNOLLO E CICCARIELLO
Dopo’ tanta e tanta pene,
È cchiù doce lo gaudé!
(Scompetura.)
FINE DELL’OPERA
Vinci: Li zite ‘n galera - atto terzo
37