versione pdf - Sardegna DigitalLibrary

SALVATORE COLOMO
dal 1700 al 1800
Monteacuto
VOLUME 11

Poesie in limba – Montacuto dal 1700 al 1800
Collana «Sardigna in limba»
Progetto editoriale e testi: Salvatore Colomo
Progetto grafi co e impaginazione: Gabriella Tornatore, Essegierre Srl
Ricerca e editing: Roberta Girola, Essegierre Srl
© Copyright 2008 by Editrice Archivio Fotografi co Sardo s.a.s.
di S. Colomo, per la Collana «Sardigna in limba»
© 2008 by Editrice Archivio Fotografi co Sardo s.a.s - Nuoro,
via Foscolo 45, per «Poesie in limba – Montacuto dal 1700 al 1800»,
Volume 11 della Collana «Sardigna in limba»
Tutti i diritti sono riservati. Nessuna parte di questo volume può essere riprodotta,
memorizzata o trasmessa in alcuna forma e con alcun mezzo, elettronico,
meccanico, in fotocopia, in disco o in altro modo, compresi cinema, radio,
televisione, internet, compact disk, senza autorizzazione scritta dell’editore.
L’editore si scusa per un eventuale involontario utilizzo di materiali coperti da copyright
ed è a disposizione degli eventuali aventi diritto che non è stato possibile contattare.
1° edizione - 2008
EDITRICE ARCHIVIO FOTOGRAFICO SARDO
s.a.s. di S. Colomo, via Foscolo 45, 08100 Nuoro
tel. e fax 0784/257121
www.sardegnaweb.it - info@sardegnaweb.it

La collana «Sardigna in limba» nasce dal desiderio di
leggere la vera cultura e la storia delle genti di Sardegna
attraverso il suono ritmato delle loro poesie. Perché i poeti
sardi non sono quasi mai dei veri letterati, ma semplici
cultori della lingua e delle tradizioni locali, provenienti
dal popolo, di cui sono la voce più autentica.
Ascoltare versi che parlano di vita, d’amore, di leggende,
nel dialetto locale in cui sono stati scritti, ci collega istantaneamente
all’essenza stessa dei luoghi e dei tempi in cui
sono stati concepiti.
È la forza della limba, legata alle tradizioni e al sapere più
antico, che ci aiuta a rivivere i fatti e gli argomenti narrati
con autenticità e a non dimenticare la potenza culturale
della letteratura poetica, la più tradizionale dell’isola.
Sottili o ironici, beffardi o delicati, i versi qui raccolti nascono
dall’animo di poeti sardi che, dal Quattrocento a oggi,
non hanno mai smesso di cantare la vita e i suoi eventi con
naturalezza e spontaneità, ma anche con grande maestria
e raffi natezza.
L’opera è articolata in venti volumi: i primi quindici raccolgono
poesie vere e proprie, gli ultimi cinque sono invece
dedicati alle gare poetiche, di cui la Sardegna vanta una
ricca e fantasiosa tradizione, purtroppo a forte rischio di
scomparsa: i poeti improvvisatori ancora in attività risultano
infatti ormai pochissimi.
Gli agili libretti sono classifi cati per gruppi di subregioni
e per periodo storico; all’interno gli autori sono elencati in
ordine cronologico, in base alla loro data di nascita,
e sono corredati da una breve nota biografi ca. Per le poesie,
la subregione è relativa al luogo di nascita dell’autore, men-

tre per le gare poetiche al paese in cui sono state disputate.
L’impostazione in base alle antiche subregioni della
Sardegna (piuttosto che alle nuove province, per esempio)
nasce dal pensiero che la poesia dialettale – per quanto
sicuramente ritenuta importante e interessante da una vasta
schiera di ammiratori “contemporanei” – sappia più di antico
che di moderno. È dunque parso naturale collocarla in quelle
che ancora oggi vengono considerate le regioni storiche
per eccellenza, i veri “territori” della Sardegna, tuttora così
identifi cati da pastori, contadini, gente comune, cioè da quel
popolo sardo che ha costruito nei secoli e che ora custodisce
le tradizioni e i costumi della nostra isola.
La poesia sarda è una sorta di plurisecolare epopea di
dimensioni sterminate, per cui la presente opera non ha
presunzione di completezza, anche se la ricerca è stata
impegnativa e ha consentito di accedere a criteri di scelta
validi sotto tutti i punti di vista: letterario, cronologico,
territoriale.
Per ora vuole essere quasi un assaggio generale, sia pure
piuttosto ampio e omogeneamente riferito ai diversi territori,
destinato a tutti, estimatori, conoscitori, ma anche comunissimi
lettori che per la prima volta si avvicinano alla poesia
dialettale. Per ogni autore sono state scelte alcune poesie,
ma l’ambizione è quella di continuare a cercare e raccogliere
materiale con cui proseguire, in altre collane simili, l’arduo
compito di valorizzazione della nostra poesia, uno degli
elementi più rappresentativi, e contemporaneamente poco
conosciuti, della cultura del nostro popolo.
Salvatore Colomo

Pietro Pisurzi
(1724-1799)
Nacque a Bantine, una frazione di Pattada,
nel 1724 e trascorse i suoi primi 14 anni nelle
campagne del Montacuto. Alla morte dei genitori
si trasferì a Sassari a lavorare come servo in una
famiglia nobile. Nelle ore libere poté andare a
scuola e imparò a leggere e a scrivere, esprimendo
una buona inclinazione per gli studi letterari.
Divenne parroco di Tissi e scrisse componimenti
su vari argomenti, secondo i modelli classici
dell’Arcadia ma anche di genere burlesco o di
ispirazione storica.
Purtroppo la maggior parte della sua abbondante
produzione è andata persa.
Morì a Bantine nel 1799.
5 d
d

Poetas, dade a mie attenzione
1.
Poetas, dade a mie attenzione
in su contu chi devo relatare.
Nottesta m’hapo ’idu in visione
cosas chi dana gustu a iscultare:
mi so sonniadu levend’unu sirbone,
e mai hi podia segudare;
tando ’ido un’astore chi si ’ettàda
a leare una pudda discuidada.
2.
Tando ’ido un’astore furiosu
chi a buleu che leat sa pudda
a sutta de unu chercu tettinosu,
su fele bi l’ischizzet una tudda!
Curro cun pedra e bastone nodosu,
e bi l’iscudo, e si restat cun nudda,
ezzi chi calchi puma l’hat bogadu
cando s’ungia ferozze l’hat fi ccadu.
3.
Issa in bonu chi libera s’est bida,
tremende e pius fritta de su nie
movet de alas incogorostida
e impugnat sas ungias contr’a mie.
«Bae in bonora, si t’haia ischida
sutta s’astore ancora fi sti inie,
6 d
d

e forsis ai cust’ora, divorada,
de te non s’incontrât mancu fumada!
4.
«Pudda bova, devias rifl ettire
cantu devisti a mie reparare,
chi non tenias forzas de fuire
ne tempus, nen logu de iscappare,
ca s’astore fi t prontu a ti ’occhire;
e deo pius lestru a ti salvare,
chi paret chi perdia s’iscarpone
currende, ancu ti currat su mazzone!
5.
«Non fìt pro ti mi fagher a buddidu
ne a pudda piena, e ne arrustu,
non fìt pro ti mi ponner in s’ispidu
pro chi de puddas hapo pagu gustu:
solu ch’haeren sos bighinos bidu
Ìn jerru, in ’eranu, e in austu,
solu ch’haeren bidu sos bighinos
ch’baia pudda cun sos puddighinos.
6.
«Si torras a bessire temeraria
a s’oru de sa ’idda, o pius fora,
chi t’agattat s’astore solitaria
comente oe, e a cale si siat ora,
sa manu mia dês tenner contraria
e hap’a benner a t’isgiomper ancora;
7 d
d

has a istare inie morta e tosta,
senz’alas, senza coa e cogorosta.
7.
«Pro chi t’istes in domo asseliada
unu funeddu t’hap’a ponn’a s’anca.
Como ses tota canta ispinniada
pro chi s’astore t’hat bettadu franca:
t’hap’a tenner in domo incadenada
a su pè de s’istripide, o ’e sa banca,
dendeti a mandigare inatta e orzu,
e de pustis sa notte a s’alzadorzu».
8.
Levende su sirbone, ’ido una mura
in sa prunazza, in unu pezzu ’e orzu:
mi fatto basciu basciu a sa cresura
pro li tirare a malu ispaborzu;
in cascioletta and’a ponner bruvura
e m’agatto chi fìt unu puntorzu,
m’arrabbio e m’infurio de inchiettu,
fatto forza, e nde ruo dae su lettu.
8 d
d

Giovanni Pietro Luca Cubeddu
(Padre Luca)
(1748-1828)
Nacque a Pattada nel 1748 e appena bambino fu
mandato a Sassari a studiare. La sua dote poetica
si espresse molto precocemente, tanto che già a 16
anni aveva una certa fama presso i suoi compagni
di scuola.
Divenuto padre scolopio, insegnò per alcuni
anni; ma a un certo punto, in maniera piuttosto
improvvisa, decise di tornare al suo paese e di
rifugiarsi in campagna, vivendo negli ovili e
declamando i suoi versi ai pastori. Prossimo alla
vecchiaia decise di rientrare nell’ordine degli
Scolopi e si dedicò all’insegnamento, alla carità e
alla predicazione.
Morì a Oristano nel 1828.
9 d
d

Su leone ei s’ainu
Discurret su leone seriamente
ad sa fera intimare aspra battaglia,
pensat pro destruire sa canaglia
cantas troppas bi diat inviare
et concluit chi solu hat a bastare
gitende in cumpagnia unu molente.
Faghet consultu cun su pensamentu
coment’hat a isperder tanta fera.
«Si cumbido su boe hat passu lentu,
sa craba no hat ungias, no est gherrera,
s’abile est lestra pius chi non bentu
ma su valore sou est in s’aera,
su riu, sas mattas forte impedimentu
li faghent ad sas alas pro bolare.
Su caddu est animosu e gherrizante,
però non faghet proa in logu tortu:
su corvu tenet boghe cracariante,
s’unturzu hat ungias, ma de pagu importu,
ambos pasteris d’iscarzu pesante
s’ismentigant ind’unu corpus mortu;
s’astore e tilibriu deliriante
chircant puddas et non ischint gherrare».
Tando s’incaminesit a su padru
addolendesi in costas cun sa coa.
10 d
d

idet unu molente appoderadu
conchi mannu, orijudu a tota proa:
«Amigu, segnor ainu» l’hat nadu,
«beni chi tenzo fagher cosa noa:
tancas, cunzados tot’hap’inghiriadu
nisciunu che a tie hat a m’aggradare».
A s’intender su re de sa foresta
s’ainu faghet de su milindrosu,
movet sa coa e inchinat sa testa
in un attu zivile e rispettosu:
«Ite de me si faghet burla o festa
ca mandigo erva o charch’ardu ispinosu
et non mi mancat mai una tempesta
de frunzas pro mi fagher ismontare?».
«Attentu a su chi naro, isculta e caglia,
imprimidilu bene in sa memoria:
hoe a sa fera do tale battaglia
chi hat andare famosa ind’ogni istoria.
Non cherzo cane ne porcu de iscaglia,
solu cun tegus tento sa vittoria;
tenzo ungias pro isbarrare una muraglia,
ite contu sa fera hat a leare?».
Alzat su murru a chelu, alzat su fronte
riendesinde s’orijudu pegus:
«Det ischire sa fera de su monte
chi hoe la tenet de fagher cum megus,
sa boghe mia in totu s’orizzonte
11 d
d

det sonare a innantis e a in segus,
de manu mia est prezzisu chi conte
cantas fi nt in cust’adde pro abitare».
Su leon’andat, e leat sa posta
ue sempre soliat fera bessire.
s’ainu s’est corcadu in mesu costa
ispettende su zinnu pro imbestire,
appenas hat intesu sa imposta
luego dat prinzipiu a intinnire,
non si movet da ae cogorosta
pro paura s’ismentigat de olare.
S’ind’arrizzesit de punt’e ischina
segat chessa, mudeju e olidone,
curret, brincat, pedra e ispina
isparende dai segus su cannone.
Trement sos chercos fi n dai raighina,
s’isturdit su crabolu e i su birbone,
paret chi tota s’adde andet in ruina
e nde ruant sos montes subra a pare.
Comente de s’attunzu e de s’ierru
cando de luttu si rivestit s’aera
nues ispissas in colore ’e ferru
lampant, tronant, rempestant de manera
chi paret chi si movant chelu e inferru
ogni alvure in su littu e ogni fera,
tales fi t de sas baddes in s’inserru
s’orriu molentinu pro ispantare.
12 d
d

Cando curret, e cando a passu lentu
cun sa boghe terribile e ispantosa:
tota sa fera est posta in movimentu,
timet, tremet e fuit sa paurosa;
a pes de su leone a chentu a chentu
ruet fertas de s’ungia vittoriosa
chi piaga prufunda e sambenosa
abberit senz’isettu de campare.
Inue bogat mortu unu sirbone,
inie unu chervu, incue unu crabolu,
ruet abbertu in costas su mazzone,
su lepere pro ispantu est mortu solu,
tantas n’hat postu in terra unu leone
ch’has a narrer sunt medas, e ite dolu!
E i s’ainu mannu fanfarrone
de s’allegria non podet istare.
Istraccu su leone cumandesit
abbasciare sa boghe de una ia,
si cagliat su molente e preguntesit:
«Ite cosa ti paret sa oghe mia?»
«Si non ti connoschere» rispondesit
«eo puru timende fuidu fi a;
sa boghe de gigante cumparzesit
ma ses una frommija in oberare».
S’ainu tando pius insolente,
pro dare a bider chi tenet bravura,
curret a tuju tesu de repente
13 d
d

sos fi ancos ponzende in apprettura,
e iscappat unu tiru onnipotente
chi tremet su leone de paura;
però li mustrat s’ungia e i sa dente:
«Cun megus non ti ponzas a burlare».
14 d
d

Non lu poto et m’obbligas
a t’amare
Non lu poto et m’obbligas a t’amare
nobilissima dama incantadora,
in pensament’et trattos ammirada
d’un’istella lughente brilladora,
anghelu de su chelu imperadora
in retrattos umanos de criatura,
meritas collocada ind’un’altura
pro tantos donos in particulare.
Un’anghela perfetta est sa ch’adoro
de singulares grassias dotada,
vera pramma fi orida a ramos d’oro
in sos campos elisios elevada;
deo de ti lassare no hapo coro
ca ses a ateru coro dedicada,
meritas in sos chelos collocada
pro ch’in sa terra non podes istare.
Sese una hermosura pelegrina,
zeleste donu et gloria mundana,
anghela de su chelu serafìna
adornad’e istellas send’humana,
de bellas superiora che reina,
de honestas tue prima capitana,
15 d
d

de grassias, de trattos soberana,
angelicu retrattu de ammirare.
Sa nobile mirada delissiosa
attraet cun sos ojos fuggitiva;
candida cale nie, bianca rosa
ses fi n’in sas ispinas attrattiva;
in cumparassione ’e atera cosa
coment’e Cleopatra, essende biva,
ti podent giustamente cuntemplare.
Retrattu de un’angelica hermosura
reparo in custa perla guernida,
su colore accumpagnat sa biancura
rubicunda, brillante, isclaressìda,
su trattu delicadu et cumpostura
attrait pius de forte calamida.
Tue a Sansone has leadu sa vida,
est Dalila ch’intendo nominare.
Inter damas urbanas superiora,
inter deas suprema deidade,
tue ’e totu sas ninfas ses segnora
et ti venerant cale magestade;
sa dulche fi lumena incantadora
pro te cagliat su cantu ’e suavidade,
suspesa in tantas grassias et beltade
pius in se non si podet disaogare.
16 d
d

Perdonent totu cantas in bellesa,
sas bellas de s’Italia hant passienzia
cantu chi eo canto in nobilesa
est de gradu pius altu et eminenzia,
est magnifi ca in trattos et puresa;
est unica in Sardigna in preminenzia,
sa mirada, sos gestos, sa presenzia
algunu isperimentu podet dare.
Cun boghes d’altu puntu et armonia
ti venerat Apollo espressamente,
unidas cun festosa melodia
ti coronant sas musas propriamente,
amenos suaves versos de allegria
intonant sos poetas altamente,
t’adorant et venerant giuntamente
sas deas et sirenas de su mare.
Minerva sa sienzia ti hat dada,
Venus sa deidade et perfessione,
Diana t’hat de ramos coronada,
sas hermosuras, sas grassias Giunone,
Mercuriu cun sos rajos t’hat dotada,
Lucrezia sa potenzia et distinzione,
Giove s’infogada passione,
armas Bellona et Marte pro gherrare.
Sos arcos de Cupidu esperitantes
feris che frizzas, brujas a momentos,
sas undas de Nettunu tumultuantes
17 d
d

pro te si calmant paris cun sos bentos;
in tempus odiosu a sos amantes,
unidu cun sos battor elementos,
est de zertu chi Plutu in pensamentos
suspesu in tantu fogu has fatt’istare.
Eolu furibundu si suspendet,
Pallade difensora a tie bràmada,
Flora zedit a tie et non si offendet,
Pandora ti cuntemplat et t’infi àmmada
et non pius distinta si pretendet,
a tie chircat solamente et àmada,
Saturnu ti coronat et t’acclàmada,
Orfeu si perturbat in sonare.
Si Paride torreret in sa terra
cun sas forzas coment’essende in vida,
cun vascellos de Franza et d’Inghilterra
diat fagher pro te calch’attrivida,
et ecco sa Sardigna posta in gherra
cale Troja pro Elena destruida;
essende de tantas grassias favorida
pro ti tenner si diant impignare.
Sole cun vivos rajos eminente
subra totu sos astros dominante,
elementu notturnu relughente,
singulare pianeta, istella errante,
o luna inter sas lunas risplendente,
solida cale duru diamante
18 d
d

cun frizzas et saettas a s’amante
feris a ojos solu a ti mirare.
Finis, felizze oggettu, arma et saetta,
portu de isperanzia ch’alimento,
meritas pius elogios, però ispetta
tantas felizzidades ch’eo intento;
isco sì chi pro me non ses eletta
però sos meritos tuos ti presento,
in s’idolatrare eo mi cuntento
mancari in vanu est s’idolatrare.
19 d
d

Gavino Cocco
(XVIII-XIX secolo)
Originario di Ozieri, fu un poeta dotto e
acculturato. Morì nei primi anni del 1800.
A ue inghirias, Matteu,
gas’arriadu
A ue inghirias, Matteu, gas’arriadu
de pabiru et chentu libereddos,
che lattaju ch’jughet moitteddos
chi chircat ispazzare su cazadu?
Eà quantos, chena cherrer, has leadu
trinta soddos pro cussos tomigheddos,
sos chi non balent trinta dinareddos,
quantu, segundu cussu, has haer furadu?
Tue ses obbligadu a la torrare
intera, cussa summa male binta,
et no abbastat ancora a ti salvare.
T’imparat sa morale mancu istrinta,
cheres, Matteu, su dannu reparare?
Bendedi tue matessi a soddos trinta.
21 d
d

Firmu cale rocca so
Firmu cale rocca so,
costant’a dogn’elementu,
batter mi podet su entu
però mudaremi no.
In s’abbulottadu mare
ad sos iscoglios espostu
contrariu bentu m’hat postu
pro mi poder annegare.
Non si cherent sussegare
sas tempestades però
non m’hant annegare no
sos iscoglios chi pensades
ch’ancora in sas tempestades
fi rmu cale rocca so.
In s’element’incostante
pagu importat sa battaglia
si su pectus est muraglia
de unu coro ch’est diamante;
in un’affectu incostante
non mi movet dogn’entu,
non det lograre s’intentu
tantu mare abbulottadu
ca sempre m’hat incontradu
constant’in dogn’elementu.
22 d
d

Crescat sa burrasca forte,
dogn’unda m’est una pena,
dogn’iscogliu est una rena
et dogn’arena una morte,
oscuradu s’est su Norte
non s’idet su fi rmamentu
et cun cuntrariu bentu
superb’inconstant’et variu,
cun bentu tantu contrariu
batter mi podet su entu.
Et s’accasu cussas penas
mi sepultant naufragantes
chi mi fettant su bastante
sas esequias sas sirenas
pro imprimer in sas renas
cust’epitafi u bos do:
ch’eo tantu forte so
ch’inoghe mi anneghesi,
morrer naufragu potesi
però mudademi no.
23 d
d

Non so presu et so ligadu
Non so presu et so ligadu,
tenzo sa vida et so mortu.
So ligadu et so isortu,
vivo allegru e affannadu.
Non so ligadu in persone
et puru patto sas penas,
non tenzo in manos cadenas
ma ligada est sa persone.
Continu in affl issione
et cumparzo sussegadu,
curro et non so in istadu
de mi poder liberare,
cando penso a m’iscappare
non so presu et so ligadu.
Sa vida chi so fattende
no est vida ma est morte,
vivo ma tormentu forte
ogn’istante isto passende,
vivo et so sempre morzende
senza nisciunu cunfortu,
cust’est su meu accunortu,
morzo et no ispiro mai.
Su tempus lu passo gai,
tenzo sa vida et so mortu.
24 d
d

Ite vida tribulada
custa chi so passend’eo!
Cando liberu mi creo
est sa persone ligada,
una cadena forzada
a suffrire so resortu,
ande a derettu o a tortu
continu so intrettesu;
non so ligadu et so presu,
so ligadu et so isortu.
Cale pius mann’angustia
de custa chi eo passo!
Si mi diverto et m’ispasso
pro me non b’hat allegria,
cando mi paret chi sia
de sa pena sullevadu
tando pius so aggravadu
cun mazore sentimentu;
so tristu et mustro cuntentu,
vivo allegru e affannadu.
25 d
d

Fra Pietro Maria di Ozieri
(XVIII-XIX secolo)
Originario di Ozieri, visse tra il 1700 e il 1800.
Ci ha lasciato il componimento qui riportato.
Mira, ite bellu coro!
Mira, ite bellu coro!
Su coro est de Gesùs,
bell’e amante pius
no, non s’agatat.
Pro pius chi siat ingrata
cun isse sa creatura
la mirat cun ternura
e cun piedade.
D’eterna caridade
pienu est cussu coro
et est riccu tesoro
de puru amore.
Si b’andas, peccadore,
cun contrissione manna
ecco pronta sa janna
a bei intrare.
27 d
d

Miralu, it’esemplare
cuntempla, homin’ingratu,
chi custu coro has fattu
tot’una piae.
Sa lanza istesit sa jae
chi l’abberzesit su sinu,
d’amore brujat continu
cussu postu.
Iss’est sempre dispostu
a suffrire diffettos
pro nos mustrar’affettos
totu divinos.
A sos zegos Longinos
pro tantu grav’offensa
desit in recumpensa
grassia e lughe.
Cuntempla cudda Rughe
ch’hant postu in cussu coro
cun sas culpas issoro
tant’ingratos.
Cando cun disbarattos
trattas sa legge sua
de propria manu tua
lu cruzzifi cas.
28 d
d

Ahi, chi mortifìcas
in coro su Redentore!
e ses, o peccadore,
veru deizzida.
Sa culpa committida
contra de cussu Deu
faghet s’homine reu
d’eterna morte.
Coro crudele e forte,
inumanu, ferinu,
cussu samben divinu
gasi terramas.
Cuntempla cussas fi amas
ch’inghiriant cussu coro:
sunt simbul’e tesoro
d’amore immensu.
Su chelu tant’estensu
est troppu culzu logu
pro caber cussu fogu
ch’est infi nitu.
Eternamente iscrittu
fi t a literas de oro
chi Deus cussu coro
diat leare.
29 d
d

E pro l’effettuare
naschet de pura mama
pro ispargher cussa fi ama
in coros nostros.
Ma nois, ingratos mostros,
tantu lu dispressiamus
chi sol’a Deus no amamus
amend’a totu.
Coro male connotu
dai su gener’humanu
chi li negat tiranu
s’amore sou.
Però s’ardore tou
cun pius disattentu
che fi ama cun bentu
s’azzendet pius.
Oh coro de Gesùs!
de fi nesas cumpendiu,
parte de cuss’inzendiu
nos comunìca.
Faghe s’anima ricca
de cussu fogu eternu
cun chi su propriu inferru
binches e prostras.
30 d
d

Ah, sas animas nostras
siant santamente azzesas
de sas tuas fi nesas
altas divinas!
Mira cussas ispinas
cumpostas a diadema
sunt s’affl ission’estrema
de cussu coro.
Coro amadu, ti adoro,
o coro soberanu!
Odio cudda manu
chi ti coronat.
Chie non s’affessionat
ai cuss’altu tesoro
o no hat in pettus coro
o in coro non fi de.
Animas totu benide,
o siedas penitentes,
iniquas o innozzentes
ai custu sinu.
S’amore sou divinu
a niunu lu negat,
antis a totu pregat
a tot’azzettat.
31 d
d

A totu nos ispettat
in proa chi nos amat:
ispinas, rughe e fi ama,
lanza e affettu.
Cunzedinos chi abbertu
pro nois eternamente
regnet in cor’e in mente
re de sos coros!
32 d
d

Proto Stara
(XVIII-XIX secolo)
Originario di Buddusò, visse tra il 1700 e il 1800.
Supportato da una buona istruzione, si rivelò un
buon poeta.
Reina de su monte de Carmelu
Reina de su monte de Carmelu,
de sa zeleste Corte imperadora,
sias nostra avvocad’et protettora
suppostu chi sa vida est una gherra;
a sos chi t’adoramus in sa terra,
chi ti tenimus pro ghia et pro norte,
assisti nos in s’hora de sa morte
pro t’adorare allegros in su Chelu.
Reina de cust’altu et raru monte,
prinzesa de sa Corte zelestiale,
istell’isclaressida in s’orizonte,
allegria de totu sos mortales,
sa ch’hat postu su pè subra su fronte
a su dragone barbar’infernale,
bisonza’ ch’a sos astros mi remonte
pro laudare a tie senz’uguale;
33 d
d

sa meighina de totu sos males
in sas intragnas tuas siat tesora.
Illuminami, o Virgine gloriosa,
sa chi ses elevada in alt’isfera,
de s’Ispiritu Santu ses isposa
de su Babbu ses fi za et eredera;
cantu ses bella in Gerico, sa rosa,
naschid’in sa fl orida primavera,
et ses aggrassiada de manera
chi ses de ogni coro triunfadora.
Istesti pro reina constituida,
cunzetta senza macula nisciuna,
dama perfetta de su sol’estida
et basciu de sos pes portas sa luna;
corona de istellas guarnessida
t’hat dadu sa deidade trina et una,
de cant’hat causadu Eva importuna
istesti tue sa remediadora.
S’inimigu perdesit sa cadrea
sende in sa pius alta gerarchia,
Micheli vittoriosu in sa pelea
gastighesit s’orgogliu de osadia;
su leone animosu de Giudea
in brazzos tuos naschesit, Maria,
da nos in custa vida lugh’et ghia
pro caminare giustos a dogn’hora.
34 d
d

Unu casu referint sos annales
sende ancora in su mundu Sant’Elia,
chi pro dare gastigu a sos mortales
tantu tempus su chelu non pioia’,
et pesasi una nue in forma tale
chi bestesit sos campos de allegria,
pro m’esser incontradu mi cheria
a t’ider in su mundu abitadora!
Pro m’esser agatadu, istella jara,
a mirare perfessiones tantas
dia haer postu sa mia indigna cara
ue ponias sas sagradas piantas;
in custa trista vida nos ampara
tue chi sos affl ittos attelantas,
reina ses de santos et de santas
et gasi ti venerant e t’adora’.
Sias nostra avvocada et protettora
reina de su monte de Carmelu.
35 d
d

Gavino Achena
(XVIII secolo-1829)
Originario di Ozieri, era missionario dell’ordine
dei Cappuccini. Scrisse molte canzonette spirituali
e morì nel 1829, ormai molto anziano.
Bois chi podere tantu
Bois chi podere tantu
tenides cun su Segnore
non siedas protettore,
Michel’Arcangelu santu.
Tenzende su prinzipadu
in d’ogn’alta gerarchia,
tenzende sa primassia
de capitanu honoradu
dezis esser iscultadu
dae Deus cun amore.
In grassias bos sublimesit
dai cuddu prim’istante
chi unu Deus amante
s’esistenzia bos desit,
tand’est chi bos nominesit
d’anghelos su direttore.
Cun issos bos apponzezis
a Lusbel s’oppositore
37 d
d

chi emulare su Segnore
de superbu lu mirezis:
«Chi’ est che Deus» li nezis
«s’altissimu criadore?».
A zelestiale gloria
triumfezis cun impignu,
deponzezis su malignu
cunsighezis sa vittoria,
trofeu chi pro memoria,
bos giamat triumfadore.
A bois tot’invocamus
in sa valle chi vivimus,
seguros chi consighimus
sas grassias chi dimandamus;
oh felizes si logramus
s’impignu bostru et favore!
Sos humiles difendide,
meda sos castos amade,
innozzentes amparade,
sos viventes dirigide,
moribundos assistide,
movide su peccadore.
De ogn’anima eleggida
nde sezis su direttore,
bos zelebrat difensore
sa santa Ecclesia unida,
bos hant bidu in custa vida
ispessiale imbasciadore.
Proteggide ancora a nois,
mortales angustiados,
38 d
d

chi vivimus molestados
in d’unu mare de ohis
invochende totu a bois
pro nostru liberadore.
Siedas fl agellu armadu
contra sa barbara zente
et mustradeli comente
benzat s’homine salvadu,
et de s’errore abbrazzadu
nde siat detestatore.
Sos pobulos cristianos
sutta sas alas tenide
et sempre los proteggide
dai sas barbaras manos,
de sos crudeles tiranos
siedas su percussore.
De perigulos de mare,
de famine, peste et gherra,
de limbas malas in terra
nos potedas liberare
et bos demus acclamare
portentosu operadore.
Cun podere interzedide,
animade disperados,
proteggide angustiados,
sos oppressos difendide
et pro totu cumparide
de grassias dispensadore.
Siedas guardia et ghia
de sos poveros tentados,
39 d
d

a sos tristos affannados
su cunfortu et cumpagnia,
direttore in ogni via
et fi dele amparadore.
De inzendios de fogu,
dai ogni tempestade,
controversia, inamistade,
dae proibidu giogu
difendide custu logu,
siedas preservadore.
Cun s’iscudu poderosu
totu nois difendide
et cun s’ispada faghide
ogni fi dele animosu
pro esser vittoriosu
a Satanas traitore.
De sas grassias aumentu
a sos giustos impetrade,
a sos peccadores dade
su veru arrepentimentu,
et chi vivant de assentu
pianghende pro dolore.
Sa superbia esiliade
et humiles nos faghide,
a s’avaru cunzedide
pronta liberalidade,
chi rezzat cun caridade
ogni tristu pedidore.
Amparendenos vivende
fi zos de Adam mortales,
40 d
d

dae fantasmas bruttales
difendidenos morzende
a Lusbel esiliende
cudd’astutu tentadore.
Faghide chi cumparzamus
liberos de ogni vissiu
sa die de su giudissiu
ue a bois ispettamus
chi juttende bos sigamus
sa rughe ’e su Redentore.
Si esser bos consighimus
devotos interessados
tando de predestinados
unu segnale tenimus
et pro seguros vivimus
in bois amparadore.
Assistedas dimandamus
cuddas de su Purgatoriu,
chi disizant et pregamus,
et cun issas bos bidamus
in su Chelu cumprensore.
Deus Babbu laudadu,
Deus Fizu siat tantu,
Deus s’Ispiridu Santu
chi unu Micheli hat criadu,
pro esser sempr’invocadu
pro fi dele interzessore.
Nos siedas protettore,
Michel’Arcangelu santu.
41 d
d

Troppu ingratu peccatore
Troppu ingratu peccatore
conosco d’esser istadu,
confesso ch’apo peccadu,
misericordia, Segnore.
De su soliu et de su thronu
si reconnoschet ingratu,
pianghet David su ch’hat fattu
et cunsighit su perdonu
dae bois, Deus bonu,
de su committidu errore.
De Sichar in sa funtana
cun divina eloquenzia
reduezis a penitenzia
sa bella samaritana,
cambiendela dai vana
in candidu bellu fi ore.
Si presentat penitente
Madalena peccadora:
est assolta in propri’hora
perdonada prontamente,
prosighende diligente
su piantu e i su dolore.
42 d
d

Ind’un’arvure mirezis
su pubblicanu Zaccheu,
si cunfessat d’esser reu
et bois lu perdonezis,
a su sinu lu torrezis
de sa grassia et de s’amore.
Tre boltas negadu istezis
dai Pedru, et disconnotu;
sinde pentit et de totu
Bois prontu l’assolvezis,
et prinzipe l’eligezis,
universale pastore.
Unu pubblicu ladrone
si convertit a sa morte
et puru hapesit sa sorte
d’ottenner salvassione
dende derettu et rejone
ad su duru peccadore.
Unu coro humiliadu
chi de veras est contrittu
David lassesit iscrittu
non det esser dispressiadu,
anzis meda aggrassiadu
de singulare favore.
Non miredas s’impiedade,
sa culpa mia, s’errore
43 d
d

ma usademi, Segnore,
sa divina bonidade
dendemi un’eternidade
de gloria et de isplendore.
Dademi, Segnore et Deu,
unu coro bonu et santu,
chi pianga tant’et tantu
chi nde burre ogni neu
dae custu coro feu
chi mi ponet in timore.
Dademi grassia cumplida
chi non pota pius torrare
a offender et peccare
in totu cantu sa vida,
et da poi cunsighida,
fua s’eternu rigore.
44 d
d

Giovanni Antonio Manchia
(XVIII secolo-1834)
Originario di Oschiri, era medico di professione.
Morì intorno al 1834.
S’est beru chi su dimoniu
S’est beru chi su dimoniu
faghet ogn’annu unu coju
ti juro, ai m’istet s’oju!
chi su nostru est cosa sua.
Pro disgrassia mia et tua
non si podet isconzare,
pro cant’hamus a durare
un’ad s’ateru est consorte
ca sola podet sa morte
isolver su matrimoniu.
Si a su babbu ’e ogni ingannu
ch’est su dimoniu feu
hat dadu permissu Deu
fagher unu coju ogn’annu,
non ti lês pen’et affannu
chi su nostru isse l’hat fattu
et nos hat tesu su lattu
tantu de nos cundennare.
45 d
d

Pro nos perder ambos duos
un’insidia nos hat tesu
et pro s’amore per mesu
hat factu sos giogos suos:
sos ojos mios et tuos
tando s’astutu hat bendadu
cando hat sos coros ligadu
jurende a pès de s’altare.
In hora et tempus sinistru
chi nos desini s’affi du
su dimoniu hat assistidu
in calidade ’e ministru;
su giugu de Gesu Cristu
pro sos ateros suave
est pro cussu a nois grave,
non lu podimus portare.
Unu coju fattu asie
cun tale ritu profanu
no est coju cristianu
a su chi paret a mie,
si non lu pregunto a tie:
cal’est su fi ne ch’has tentu
rezzende su sacramentu
in s’actu de affi dare?
Tue pagu mansueta
de fi de morta et non bia,
et eo pro sa parte mia
46 d
d

de cussenzia pagu netta:
eande colpu de retta
chi fatesti Satanassu!
pro nos battire a su passu
tantu de nos inciampare.
S’isposare nos cun tanta
confusione de ritu
fi t un’attu malaittu,
un’unione non santa,
fruttu de mala pianta
sibbene a sa vista amenu:
serrat in se su velenu,
bochit a lu mandigare.
Nois l’esperimentemus
s’effettu mizzidiale
de cussu fruttu fatale
cando appenas lu gustemus;
dai s’hora non tenzemus
paghe ne sussegu in domo,
su matessi semus como
mancari attesu de pare.
De sa mantessi manera
chi semus hamus a esser,
non podet mai accuntesser
paghe tra nois sinzera;
tue de geniu altera
et eo pagu suffridu,
47 d
d

su chi nde siat sighidu
l’ischis senza l’isplicare.
Su paradu tou et meu
l’ischis senza ti lu narre’:
duos dimonios in carre
unu malu s’ateru peu’,
ca inue non b’est Deu
non b’hat paghe ne concordia
solamente sa discordia
bi regnat pro forrojare.
Finis già est cosa ischida,
no est noa sa proposta,
lu so et sias disposta,
in te mantessi affortida
a passare custa vida
tribulada et in disterru;
et morta ispetta s’inferru
u’ambos demus parare.
Pro cant’hamus a durare.
48 d
d

Matteo Madau
(1723-1800)
Nacque a Ozieri nel 1723 e frequentò la scuola dei
Gesuiti, divenendo sacerdote dell’ordine fi no al
suo scioglimento, nella seconda metà del 1700.
Coltivò fi n da giovane l’interesse per la lingua
sarda, difendendo la sua identità e considerandola
ugualmente autorevole dell’italiano, dello
spagnolo e del francese. Scrisse anche alcuni
saggi in proposito, il più importante dei quali è
Il ripulimento della lingua sarda, dove, riprendendo
gli studi del poeta Girolamo Araolla, tracciò il
percorso ideale che la lingua sarda avrebbe dovuto
seguire per diventare la lingua nazionale della
Sardegna.
Dopo lo scioglimento dell’ordine dei Gesuiti si
trasferì a Cagliari, chiamato come Consigliere
alla Corte Reale, e nel 1787 pubblicò la sua
opera più nota, Le armonie dei sardi, una raccolta
di componimenti poetici in sardo a carattere
religioso e profano. Morì a Cagliari nel 1800.
49 d
d

Descriptione jocosa d’unu
cypressu
Cypressu venerabile eo sò:
Tres seculos passesin ch’isto in pè:
No hapo factu rumba ancora nò,
Derectu spunto s’aéra dae per me;
Si mi nde dan sos ventos, nde lis dò,
La faghen, et la pagan prestu affè:
Flagellos hapo in manu a castigare,
Ogni ratu est azzota a los domare.
Solitariu mi resto, et cun raxone;
Ca Rè sò de jardinos, et de piantas:
Domino in tant’altura, e elevatione,
Chi subjectas las tenzo totu cantas:
Un’arbore d’iguale conditione
No nd’allactan sos buscos inter tantas:
Las miro cantas sun baxu sa Luna,
Ma compagna pro me no nde vido una,
Pro cussu de continu isto cun luctu
Melancholicu, tristu, et sempre in dolu,
Tota sa pompa mia est de corrutu;
Ca so senza compagna solu solu.
L’ischit cantu hapa piantu cussu putu,
Ue sfogo a pees mios consolu:
50 d
d

No curren piantos mios che sas undas,
Ca lagrimas de Rès sunu profundas.
Mancu male chi corte sas puzones,
Et musica mi faghen de allegría,
Cun salvas saludende a processiones,
Et in sinu annidendesi a porfi a:
Cantan ipsas cun tales proportiones
Chi concertos mi dan de melodia.
Asi pro compatire males graves
Piùs sinceras de totu sun sas aves.
O cantu sun vassallas affectuosas,
Sentinella factende nocte, e die!
Si mi dormo, si callan obsequiosas;
Si m’ischido, saludan totu a mie.
Milli tonos inventan harmoniosas:
Sos nidos sun sos organos asie;
Procussu eo cun ampla autoridade
Postu lis dò, hospedagiu, et libertade.
Asi eo mi diverto sas tristuras,
Chi tanta soledade m’occasionat:
Conservo sceptru, et soliu in sas alturas;
Ue scopa fozída mi coronat:
Ogni tempus respiro aèras puras,
Et nesciunu elementu m’impressionat,
De niente tenzende ministeri
Cantu tenza vassallu in Otieri.
51 d
d

Bois sì, stades male in ogni logu,
Frondosas piantas, e arbures famadas:
O bos colpat aèra, o bruxat fogu,
O grandine bos lassat isfozadas,
O bos isbrazzat pedra in calchi jogu,
O ferru bos iscasciat, isfundadas;
Nè perdonende a fructos, fi ores galas,
Mandan cun bois totu in horas malas.
Ma cun megus no han tale atrivimentu:
Ischin cun chie la faghen, creidemìlu.
Mai o ferru, o fogu, o pedra, o ventu
Mi han pòtidu toccare nè unu pilu:
Tres seculos so Rè sempre de assentu,
Et de me si rispectat ogni fi lu.
Et guarda chi mi tremulet su fundu!
Si eo rùo, isperdo mesu mundu.
52 d
d

Sa disputa inter sos fi ores
A s’intrare in jardinu una occasione
A tempus de fi orida primavera,
Intendèsi inter fi ores confusione,
No isco, si fi ngida, o verdadera:
Disputa mi pariat de ambitione,
Ch’inter ipsos armesin pro chimera
Sa Rosa, su Jasminu, et su Clavellu
De sos tres subra cale fi t pius bellu.
Cum voghes, et accentos meda suaves
Elegantes, e apertos a cuss’hora,
Inter sas symphonías de sas aves,
A cantare excitadas dae sa aurora
Ipsos fi ores proponen sas pius graves
Pretensiones insoro innanti a Flora
Pro decider chie regnet in jardinu,
Si rosa, si clavellu, o si jasminu.
Mesu isparta sa Rosa dulcemente
Principiat a allegare sa bellesa,
In sa corte fi orida preeminente
Pro colore, fragrantia, et gentilesa:
Confessat ch’ipsa est cincta asperamente
De spinas, ma pro amare sa puresa,
Cun chi s’armat princesa vera, et pura
Subra sa primavera, et s’ermosura.
53 d
d

In puresa des ceder tue a mie,
Su Jasminu rispondet elegante:
Candores dae me imparan lacte, et nie,
Et so su pius gentile, et pius fragrante:
Corona porto in testa nocte, et die,
Et mi faghen sos fi ores corte amante:
Nobile so ornamentu ad ogni sinu,
Et depo eo regnare in su jardinu.
Non servit, fi ores bellos, sa porfi a,
Su Clavellu replícat cun rubore:
Sa purpura imperiale solu est mia,
E a mie devet cedere ogni fi ore:
Vivesa, gratia, pompa, et galanía
Spican in me, et resaltan cum primore,
E ogni Nympha, chi chircat fi ore bellu,
Sos ojos ponet primu in su clavellu.
Sa disputa asculta’ cun attentione
Sa turba de fi oreddos pius vulgare,
E a exemplu de sos primos s’ambitione
Tenen ipsos ancora de regnare.
Veramente fi t una diversione
Intenderlos poi totu disputare:
Tantu est veru chi de naturalesa
Non cedit s’una a s’atera bellesa.
Attonitu eo fui in veridade,
Tale lite ascultende cum premura;
Cando vido chì cum gratiosidade
54 d
d

Flora, facta un’incantu d’ermosura,
Calliade, bellos fi ores, pro piedade:
Paghe, paghe, lis narat cum ternura;
Cesset ogni discordia, et pretensione,
Chi est indigna de fi ores s’ambitione.
Nadu custu, s’applicat a sa cara
Sa rosa, chi ammutesit confundida:
Su clavellu s’accostat a sa lara,
Chi fi t de mezus purpura vestida:
Cun su jasminu in manu fi t insara,
Candida piùs che nie, bianca, nida:
Confusos totu a su ider sos colores,
A Flora acclaman reína de sos fi ores.
55 d
d

A una mora, pirata de coros
Sa Corsaria de sos coros
Miradela, ch’est igùe:
Si sos Moros sun che tue,
Ancu mi tenzan sos Moros.
Chie est sa bella, chi ryat,
Armada, e senza ferizza,
Cun caddena, e arcu, e frizza,
Conquistende a cantos mirat?
Si cun bellos ojos tirat,
Ladros che rapaces Moros,
No pro acquirire thesoros,
Sinò coros pro apresare;
Ipsa est, e s’hat a ciamare
Sa Corsaria de sos coros.
Et est corsaria a sa vista
De coros, ch’ipsa athesorat,
Pro chi a totus inamorat,
De totu faghet conquista.
Nde cherides sa revista?
Ecco ispolios in totùe:
No b’hat golfu, o mare, inùe
Coros no hapat fertu, e presu;
Nè de su nostru est attesu:
Miradela, ch’est igùe.
56 d
d

Ite bella est apostada,
Isparende senza errore
Rajos, e frizzas de amore
Pro faghet calqui apresada!
Mora mia, sa agratiada,
Firma; no andes a aterùe:
Contra mie investi, e rue,
Ancora ch’ande a Moría:
Portami; ch’est diccia mia,
Si sos Moros sun che tue.
No nde tenzas no piedade
Chì joghe in manos anzenas;
Si sun tuas sas cadenas,
Mai s’idat libertade.
Ti amo sa barbaridade
Piùs chì no platas, e nè oros:
Sa bella ladra de coros,
Si Moros t’han a imitare,
Che tue andende a apresare,
Ancu mi tenzan sos Moros!
57 d
d

Francesco Ignazio Mannu
(1758-1839)
Nacque a Ozieri nel 1758 da nobile famiglia.
Divenne giudice della Reale Udienza e prese
parte, a fi anco di Giommaria Angioy, alla rivolta
dei vassalli contro i feudatari.
Lavorò a un compendio di vocabolario sardo,
ma la sua opera più conosciuta è certamente
il componimento contro i feudatari isolani, Su
patriottu sardu a sos feudatarios, forse stampato
clandestinamente in Corsica alla fi ne del 1700 e
pubblicato a Cagliari solo nel 1923. Il poema, tra i
più noti della poesia sarda, è in dialetto logudorese
e viene riportato qui integralmente.
Morì a Cagliari nel 1839.
59 d
d

Su patriottu sardu a sos
feudatarios
1.
Procurade ’e moderare,
barones, sa tirannia,
chi si no, pro vida mia,
torrades a pe in terra!
Declarada est già sa gherra
contra de sa prepotenzia,
e cominzat sa passienzia
in su populu a mancare.
2.
Mirade ch’est azzendende
contra de ois su fogu,
mirade chi no est giogu,
chi sa cosa andat ’e veras,
mirade chi sas aeras
minettana temporale,
zente consizzada male,
iscultade sa oghe mia.
3.
No apprettedas s’isprone
a su poveru runzinu
si no in mesu caminu
s’arrempellat de appuradu,
60 d
d

minzi ch’es lanzu et cansadu
et non nde podet piusu,
fi nalmente a fundu in susu
s’imbastu nd’hat a bettare.
4.
Su pobulu chi in profundu
letargu fi t sepultadu
fi nalmente desperadu
s’abbizzat ch’est in cadena,
ch’istat suffrende sa pena
de s’indolenzia antiga:
feudu, legge inimiga,
a bona fi losofi a.
5.
Che ch’esseret una inza,
una tanca, unu cunzadu,
sas biddas hana donadu
de regalu o a benedissione,
comente unu cumone
de bestias berveghinas
sos homines e feminas
hant bendidu cun sa cria.
6.
Pro pagas mizas de liras
et tal’olta pro niente
isclavas eternamente
tantas pobulassiones
61 d
d

et migliares de persones
servine a unu tiranu:
poveru generu humanu,
povera sarda zenia!
7.
Deghe o doighi familias
s’hant partidu sa Sardigna,
de una manera indigna
sinde sun fattas pobiddas;
divididu s’hant sas biddas
in sa zega antighidade,
però sa presente edade
lu pensat remediare.
8.
Naschet su sardu suggettu
a milli cumandamentos,
tributos et pagamentos
chi faghet a su segnore
in bestiamen et laore,
in dinari et in natura;
et pagat pro sa pastura,
et pagat pro laurare.
9.
Meda innantis de sos feudos
esistiant sas biddas
et issas fi ni pobiddas
de saltos et bidattones:
62 d
d

comente a bois, barones,
sa cosa anzena est passada?
Cuddu chi bos l’hat donada
non bos la podiat dare.
10.
No est mai presumibile
chi voluntariamente
hapat sa povera zente
zedidu a tale derettu,
su titulo est’infettu,
de infeudassione,
et i sas biddas reione
tenen de l’impugnare.
11.
Sas tassas in su prinzipiu
esigiazis limitadas,
dai pustis sunu andadas
ogni die aumentende,
a misura chi creschende
sezis andados in fastu,
a misura chi in su gastu
lassezis s’economia.
12.
No bos balet allegare
s’antiga possessione:
cun minettas de presone,
cun castigos et cun penas,
63 d
d

cun zippos et cun cadenas
sos poveros ignorantes
derettos esorbitantes
hazis forzadu a pagare.
13.
A su mancu s’impleeren
in mantenner sa giustissia
gastighende sa malissia
de sos malos de su logu:
a su mancu disaogu
sos bonos poterant tenner,
poterant andare et benner
seguros peri sa via.
14.
Est cussu s’unicu fi ne
de dogni tassa et derettu:
chi seguru et chi chiettu
sutta sa legge si vivat;
de custu fi ne nos privat
su barone pro avarissia,
in sos gastos de giustissia
faghet solu economia.
15.
Su primu chi si presentat
si nominat offi ssiale,
fattat bene et fattat male
bastat non chirchet salariu,
64 d
d

procuradore o notariu,
o camareri o lacaju,
siat murru o siat baju
est bonu pro guvernare.
16.
Bastat chi prestet sa manu
pro fagher crescher sa renta,
bastat chi fettat cuntenta
sa buscia de su segnore,
ch’aggiuet a su fattore
a crobare prontamente,
missu o atera zente
chi l’iscat esecutare.
17.
A boltas de podattariu,
guvernat su cappellanu
sas biddas cun una manu,
cun s’attera sa dispensa;
feudatariu, pensa,
chi sos vassallos non tenes
solu pro crescher sos benes,
solu pro los iscorzare.
18.
Su patrimoniu, sa vida,
pro difender su villanu
cun sas armas in sa manu
cheret ch’istet notte e die,
65 d
d

già ch’hat a esser gasie
proite tantu tributu?
Si non sind’hat haer fruttu
est locura su pagare.
19.
Si su barone non faghet
s’obbligassione sua,
vassallu, de parte tua,
a nudda ses obbligadu,
sos deretos ch’hat crobadu
in tantos annos passados
sunu dinaris furados
et ti los devet torrare.
20.
Sas rentas servini solu
pro mantenner ciccisbeas,
pro carrozzas et livreas,
pro inutiles servissios,
pro alimentare vissios,
pro giogare a sa basetta
e pro poder sa braghetta
fora de domo isfogare.
21.
Pro poder tenner piattos
bindighi e vinti in sa mesa,
pro chi potat sa marchesa
sempre andare in portantina:
66 d
d

s’iscarpa istrinta, meschina!
la faghent andare a toppu,
sas pedras punghene troppu
et non podet camminare.
22.
Pro una litera solu
su vassallu poverinu
faghet dies de caminu
a pe’ senz’esser pagadu,
mesu iscurzu e isporzadu
espost’a dogni inclemenzia,
eppuru tenet passienzia,
eppuru devet cagliare.
23.
Ecco comente s’impleat
de su poveru su suore.
Comente, eternu Segnore,
suffrides tale ingiustissia!
Bois, divina giustissia,
remediade sas cosas,
bois da ispinas rosas
solu podides bogare!
24.
O poveros de sas biddas,
trabagliende, trabagliende
in zittade mantenzende
tantos caddos de istalla,
67 d
d

a bois lassant sa palla,
issos regoglint su ranu
et pensant sero e manzanu
solamente a ingrassare.
25.
Su segnor feudatariu
a sas undighi si pesat;
dae su lettu a sa mesa
dae sa mesa a su giogu
e pustis pro disaogu
andat a ciccisbeare,
giompende a iscurigare
teatru, ballu, allegria.
26.
Cantu differentemente
su vassallu passat s’ora:
innantis de s’aurora
già est bessidu in campagna,
bentu et nie in sa muntagna,
in su paris sole ardente,
oh poverittu comente
lu podet agguantare?
27.
Cun su zappu et cun s’aradu
peleat tota sa die,
a hora de mesu die
si zibat de solu pane;
68 d
d

mezus paschidu est su cane
de su barone in zittade
s’est de cudda calidade
chi in falda solent portare.
28.
Timende chi si reforment
disordines tantu mannos
cun manizzos et ingannos
sas cortes hant impedidu
et isperdere hant cherfi du
sos patrizios pius zelantes,
nende chi fi n petulantes
et contra sa monarchia.
29.
Ai cuddos ch’in favore
de sa patria hant peroradu,
chi s’ispada hana ogadu
pro sa causa comune,
o a su tuju sa fune
cheriant ponner meschinos
o comente giacobbinos
los cheriant massacrare.
30.
Però su Chelu hat difesu
sos bonos visibilmente,
atterradu hat su potente,
et i s’umile esaltadu,
69 d
d

Deus chi s’est declaradu
pro custa patria nostra
de ogni insidia bostra
isse nos hat a salvare.
31.
Perfi du feudatariu
pro interesse privadu
protettore declaradu
ses de su piamontesu,
cun issu ti fi sti intesu
cun meda fazzilidade:
isse pagada in zittade
et tue in bidda a porfi a.
32.
Fit pro sos piamontesos
sa Sardigna una cuccagna:
che in sas Indias d’Ispagna
issos incontrant inoghe;
nos alzaiat sa boghe
fi nzas unu camareri:
o plebeu o cavaglieri,
si deviat humiliare.
33.
Issos dae custa terra
ch’hana ogadu migliones,
beniant senza calzones
e si nd’andànt gallonados;
70 d
d

mai ch’esserent istados
chi ch’hana postu su fogu,
malaittu cuddu logu
chi criat tale zenia!
34.
Issos inoghe incontràna
vantaggiosos imeneos,
pro issos fi nt sos impleos,
pro issos fi nt sos honores,
sas dignidades mazores
de cheja, toga et ispada,
et a su sardu restàda
una fune a s’impiccare!
35.
Sos disculos nos mandàna
pro castigu et curressione,
cun paga et cun pensione,
cun impleu et con patente;
in Moscovia tale zente
si mandada a sa Siberia
pro chi morzat de miseria,
però non pro guvernare.
36.
Intantu in s’isula nostra
numerosa gioventude
de talentu et de virtude
oziosa la lassàna,
71 d
d

et si alguna nd’impleàna
chircaiant su pius tontu,
pro chi lis torràt a contu
cun zente zega a trattare.
37.
Si in impleos subalternos
algunu sardu avanzàna
in regalos non bastàna
su mesu de su salariu:
mandare fi t nezzessariu
caddos de casta a Torinu
et bonas cascias de binu,
muscadellu et malvasia.
38.
Tirare a su piamontesu
sa prata nostra et i s’oro
est de su guvernu issoro
massima fundamentale,
su regnu andet ben’o male
non lis importat niente,
antis crent incumbeniente
lassarelu prosperare.
39.
S’isula hana arruinadu
custa razza de bastardos,
sos privilegios sardos
issos nos hana leadu,
72 d
d

dae sos archivios furadu
nos hana sas mezzus pezzas
et che iscritturas bezzas
las hana fattas brujare.
40.
De custu fl agellu in parte
Deus nos hat liberadu,
sos sardos ch’hana ogadu
custu dannosu inimigu;
et tue li ses amigu,
o sardu barone indignu,
et tue ses in s’impignu
de nde lu fagher torrare?
41.
Pro custu iscaradamente
preigas pro Piamonte,
falzu chi portas in fronte
su marcu de traitore;
fi zas tuas tant’honore
faghent a su furisteri,
mancari siat basseri
bastat chi sardu no siat.
42.
S’accas’andas a Torinu
inie basare des
a su ministru sos pes
et ater su..., già m’intendes;
73 d
d

pro ottenner su chi pretendes
bendes sa patria tua
et procuras forsi a cua
sos sardos iscreditare.
43.
Sa buscia lassas inie
et in premiu nde torras
una rughitta in pettorras,
una jae in su traseri;
pro fagher su quarteri
sa domo has arruinadu
et titul’has acchistadu
de traittore et ispia.
44.
Su Chelu non lassat sempre
sa malissia triunfare,
su mundu det reformare
sas cosas ch’andana male:
su sistema feudale
non podet durare meda,
custu bender pro moneda
sos pobulos det sensare.
45.
S’homine chi s’impostura
haiat già degradadu
paret chi ad s’antigu gradu
alzare cherfat de nou;
74 d
d

paret chi su rangu sou
pretendat s’humanidade;
sardos mios, isculdade
et sighide custa ghia.
46.
Custos pobulos, est s’hora
d’estipare sos abusos:
a terra sos malos usos,
a terra su dispotismu,
gherra gherra a s’egoismu
et gherra a sos oppressores,
custos tirannos minores
est prezisu humiliare.
47.
Si non calchi die a mossu
bos nde segade su didu,
como ch’est su fi lu ordidu
a bois toccat a tessere,
minzi chi poi det esser
tardu s’arrepentimentu,
cando si tenet su bentu
est prezzisu bentulare.
75 d
d

Giuannandria Ruzzone
(1849-1925)
Nacque a Ozieri nel 1849. I suoi versi si
contraddistinguono per lo stile giocoso e
scherzoso e il linguaggio colorito che utilizzava
per raffi gurare le situazioni descritte.
Morì nel 1925.
Sa cantone de su trogliu
Fit su die vintisette
de triulas su mese
de s’annu nonantasese
a su sero intro su trogliu
bi naschet unu degogliu
de punzos e taeddas
tottu mannas e piseddas
bajanas e cojudas
nachi si l’han leada
dai sos innamorados
chi troppu appassionados
fi n pro issas a dogn’ora,
notte e die in domo e fora
fi n de continu pessighidas,
e d’essire proibidas
fi ni dai sos padronos.
77 d
d

De sos cantigos e sonos
no bi podian drommire,
senza mai la fi nire
semus fi nas isfadadas,
cantigos e serenadas
cun chiterras e violinos,
ocarinas, mandolinos,
e cantigos a tenore
banduleris e signores
calzolaios e trapperis,
iscarzones, buttegheris,
massajos e zappadores,
de ogni professiones,
su gradu e cundessione
ognunu narat sos suos.
Non fi nt unu né duos
sos chi c’hant dispacciadu,
giovanos de altu gradu
narat Maria Marchesa:
«Doighi m’hant pretesa
si m’essera cojuada,
dai sos cales so’ istada
tentada a notte e die
ma pro ettare anca a mie
no bi cheret ottieresos,
dispressiu e disonore
tottu m’han postu amore
cussos corittos birdes
ma sun che tantos lussides
«Maria cagliadi muda,
78 d
d

li nara’ Grascia Ruzzone,
ca ti damus leiscione
fi na cantu non d’has gana,
mai pretesu non t’hana
ne mai non t’hana pretennere
ca si bind’hat de solitu bennere
calicunu est pro t’istraccare».
A fi ne de tantu zarrare
Maria s’hat fattu logu
dai sas buglias e giogu
sun’intradas tottu in gherra,
una nd’hat zaccad’a terra
Grazietta Miseria,
giovane modesta e seria
de parentela tulesa
s’inde fi ccat cun lestresa
e ponet’ in terra a tottu
tando si ponet’ in mottu
Murriscassa e Luigina
cun Marta Meledina,
sa teracca ’e Cosseddu,
e Paula Marroseddu,
sorres Cantara Remizzas
sorres Lanzos si nd’abbizant
cun sa sorr’ e Beneitta
curren cun Lilla Muschitta
tottu armadas de taedda
Milina Satta e Niedda
sa teracca ’e Campu
e lestras coment’ e lampu
79 d
d

azzurridas e revessas
Zibona Maria Chessa
cun Mundula Toiedda
a su colpu ’e sa taedda
faghian’ su fossu,
intrat a calche e a mossu
cun cudda Luisa Barroccu
faghian’ fi na su zoccu
comente una grancassa
Zizza Raga nende «Lassa,
ite faghes sorre mia».
Peppa Corrai e Maria
cun Madalena Chijina
e Duttore Franzischina
s’alliant a Peppa Rosa,
curret Giuanna Biosa
pro difender sa patriota,
dai sutta si la cottada
e la faghede a degogliu,
si giraiant che fogliu
ambas a destra e a manca
niunu lis bettad’ anca
ca sun’ accaddionadas,
a s’ora sun’ accudidas
Gammina Lanzu e Remunda,
Rosa Salis li segunda
cun Ignazia Quirone
e Venanzia Mantone
che una trighe revessa
contr’ a Rosolia Chessa
80 d
d

e a Caderina Mù,
Zizza Zintu e Taitù
l’han dadu bonas cabarras
tando Isabella Marras
cun Caderina Correddu,
Marianzela Cubeddu
ambas cun sa fi zza Peppa
l’afferran cun una leppa
tott’airadas de fele
a Pasqualina Mele
l’han istrazzadu su casciu,
sa teracca ’e Culibasciu
intra’ che una demonia,
Niedda Mariantonia
faghed’ a colpu e a terra,
Antonia Pericu afferra’
a Giuannina Castanza
a un’ ala si l’avanza’
cun Maria Pudajola,
ferit a subra su olu
Rosalia Picuezzu
cun Giuannanghelu Ezzu
Tedde e Sabina ’e Fenu
colpende a punzu pienu
parian battor demonias.
Cubeddu Mariantonia
s’hat bogadu su leppeddu
cun Maria Zappareddu
intrad’ a istocchizzare,
tando enit a intrare
81 d
d

Mariantonia Falzoi
tottu cun Maria Zizza
acuttas che una frizza
leadu han’ parte in sa gherra,
furiosas pius che raju
a Giuanna Mesianju
l’han’ postu sa gangullitta
bi curret Lilla Muschitta
comente un’abilastru
e Austina Pirastru
sa’e su punzu ’e terra
ponet sa chevija in terra
a Musserrada Ruzzone,
a punzos e a bucciccones
mi l’han tottu degogliada
chi sind’est fi na pisciada
de sa podda chi l’han dadu,
curret Antonia Arcadu
lestra che lampu a su giannile
e gridad’a boghe manna:
«accudide bona zente».
S’incontra’ pro accidente
Terrosu e Pedru Maria
sa truppa ’e fanteria
fala’ dae quartieri
volontarios s’offrejni
pro las rapacifi care,
lis narad’ unu: «comare,
che diavolo c’è stato?»
«Ascurti, signor sordato»,
82 d
d

nara’ Giuanna Biosa:
«la briga è stata fondata
da una crappa usiddesa
detta Maria Marchesa
che ha tutti inzidiati
dizendo l’innamorati
l’haian domandata
fazendo tanta bravata
contro gli bottieresi
intanto gli dizendo a li bosiddesi
iscempiati ragoni».
Bessi’ Terrosu e Camboni
acconzendesi sa cappa
non d’han’ cumpresu una ciappa,
«faedda in sardu Giuanna»,
grida Lilla a boghe manna:
«dialu e innamorados
chi los azis dispacciados».
Daghi bos han’ istraccadu
sas battor culisaidas
tottu in chirca de maridu
mintidebos un’ispidu
pro bo’ passare sa gana
in su trogliu e in funtana
tottu in chirca de fi lonzu
bos tia a narrer piusu
attentas chi cuss’abusu
bos l’ischidi calchi poete;
fi t su die vintisette.
83 d
d

Giuseppe Pirastru
(1859-1931)
Nacque a Ozieri nel 1859. Operaio e bottegaio, fu
un ottimo improvvisatore e animò le piazze con le
gare poetiche, soprattutto con Antonio Cubeddu e
Gavino Contini.
Morì nel 1931.
Carissimos parentes
(Il poeta Pirastru descrive le testuali parole del
Siniscolese prigioniero di Guerra)
1.
Carissimos parentes
Como chi so torradu
A Siniscola a ue non creia.
A inue dolentes
Bos aia lassadu
Dai cando a soldadu andadu via
Como chi in domo sò
Notizias bos dò
De sa disventurada vida mia
E de cantu suffresi
Dai s’ora chi presoneri istesi.
85 d
d

2.
Minde leo mastrattu
Cando bi cunsidero
Ch’instat su coro meu fi ni vini
Presoneri mi han fattu
Sutta a Monte Nero
Su vintisese de santu aini
Istemus disarmados
Non parian soldados
Ma pius de demonios non fi ni
Sos chi nos disarmesini
Miraculu chi a bida nos lasseini.
3.
Sempre gitt’impremidu,
In coro e in sa mente
Su die sette e millenoighentos
Su ch’ap’Eo suffridu
L’ischit s’Onnipotente
Attere non los cre cussos turmentos
Sidis de agonia,
Famini Gesù Maria
Pro me no esistiad’alimentos
Ne perunu consolu,
M’alimentao de piantu solu.
4.
Appenas disarmados,
Nos lein sas provistas
Chi gighiamus a nos manigare.
86 d
d

Che canes airados
Cussas fi guras tristas
Intran sa cosa nostra a divorare
Gridende avanti avanti
No si ponen innanti
E guai nessunu a si ostare
Su chi si osatiada,
Sa morte a oios subitu s’aiada.
5.
Intramus a marciare,
Asciutos e ispintos
Pro arrivare a su nostru destinu.
Pro poder manigare,
Nos bidemus custrintos
A pascher s’erva che paru erveghinu
Ei cussos vigliaccos
Idendenos istraccos
E cantos nde occhiana in caminu
O a bastones viles?
O a ispunzonadas de fusiles.
6.
Istemus caminende,
Bindighi zorronadas
Sempre a pe ite pena ite turmentu
Su ch’idian pasende,
Bi fi n sas bastonadas
Subra sas palas nostras a mamentu
E nois affriggidos
87 d
d

Istraccos e famidos
E mazzados e sempre in pattimentu
Chi manc’u minutu,
Fit mai de piangher s’ojju asciuttu.
7.
Finalmente a Germania,
Eo so arrividu
Cun sos cumpagnos mios pianghende
Sa morte momentania
Pro coment’hamus bidu
Istaiamus tottu disizzende
No esistiat pane,
E ne s’agattat cane
De cantos nd’had’in su Mundu esistende
Ch’happat mai pattidu,
Cant’app’eo in Germania suffridu!
8.
Arriv’a Baviera,
Ma isfattu e confusu
A Melbu campu de cuncentramentu
Peus se in galera,
Tres meses rinchiusu
M’ana mantesu e cun pagu alimentu
E d’ogni die haia
Tres unzas de pan’ibbia
Però nieddu chei su turmentu
E una sola trudda,
De raba arribisale atteru nudda.
88 d
d

9.
Anzis no raba, pero
Fi brou tottugantu
De raba paga e nudda bind’aiada
A sas otto ogni sero
Su suspiradu tantu
Rangiu famosu dadu nes beniada
Cun abbundante sale
Chi mancu s’animale
De logu nostru assazare nde diada
E deo suspirende,
Paria cordiales manighende.
10.
E senza cussu fi a,
In tott’isculz’ e nudu
E tres meses che intro e presone
Trattu trattu idia
Nende chi fi t saladu
Chi mi faghian un’inizione
No mi reia in pese
Prima de unu mese
Gighia punta tottu sa persone
Fia tottu dolente,
No mi podia mover pro niente.
11.
E pro nos ristorare
Cussos canes limbriscos
Nos forzaian quasi onzi die
89 d
d

In s’ierru a intrare
Tott’in sos bagnos friscos
Chi bind’haiat de morrer inie
Eo ponia mente,
Si no subitamente
In d’una zella ponian a mie
E a dogni punidu
Sessant’oras ne manigu ne bidu!
12.
Nos ponian in rangu
Ite duru martoriu
Chi non si podet crer pro lu contare
Duos palmos de fangu
B’ad’in s’ambulatoriu
Inue nos faghian ispozare
Su chi no s’ispozzada
Bi fi t sa bastonada
A conca e lu faghian istrasciare
E cantos disgrasciados!
Sun’inie cadaveres restados.
13.
Cussa razza maligna
Causadu a terrore
Disisperazione e ispaventos
Cando dae Sardigna
Sos nostros genitores
Paccos nos mandaiana de alimentos
Appenas los rezziana
90 d
d

Si los manigaiana
A faccia nostra allegros e cuntentos
Poi cussos vigliaccos,
Nollos daian bodios sos paccos.
14.
No lù pot’ispricare
Su ch’apo ‘eo suffridu
In battordighi meses derdiciadu
Né mi chelz’ammentare
De cant’apo patidu
Siat s’Ente Supremu laudadu
Pro miraculu solu,
Tent’hapo su consolu
A Siniscola de nd’esser torradu
Coment’haia in brama,
Abbrazzare parentes babbu e mama.
91 d
d

Fonti bibliografi che
Padre Luca, Breve raccolta di poesie, Nota
introduttiva di Tullio Masala, Edizioni Il
Torchietto, Ozieri.
Giuseppe Pirastru de Ozieri, Poesias sardas,
Antonio Cuccu, San Vito.
Giuannandria Ruzzone, Su cantone de su trogliu e
Sa cantone de sas damas, Nota introduttiva di Tullio
Masala, Edizioni Il Torchietto, Ozieri, 1991.
Matteo Madao, Poesie scelte da opere diverse, a cura
di Tullio Masala, Edizioni Il Torchietto, Ozieri,
1995.
Francesco Ignazio Mannu, Su patriottu sardu a sos
feudatarios, a cura di Tullio Masala, Edizioni Il
Torchietto, Ozieri, 1995.
Giovanni Spano, Canzoni popolari di Sardegna, a cura
di Salvatore Tola, vol. I, Ilisso, Nuoro, 1999.
Giovanni Spano, Canzoni popolari di Sardegna, a cura
di Salvatore Tola, vol. II, Ilisso, Nuoro, 1999.
Giovanni Spano, Canzoni popolari di Sardegna, a cura
di Salvatore Tola, vol. III, Ilisso, Nuoro, 1999.
93 d
d

Indice
Pietro Pisurzi 5
Poetas, dade a mie attenzione 6
Giovanni Pietro Cubeddu (Padre Luca) 9
Su leone ei s’ainu 10
Non lu poto et m’obbligas a t’amare 15
Gavino Cocco 21
A ue inghirias, Matteu, gas’arriadu 21
Firmu cale rocca so 22
Non so presu et so ligadu 24
Fra Pietro Maria di Ozieri 27
Mira, ite bellu coro! 27
Proto Stara 33
Reina de su monte de Carmelu 33
Gavino Achena 37
Bois chi podere tantu 37
Troppu ingratu peccatore 42
Giovanni Antonio Manchia 45
S’est beru chi su dimoniu 45
Matteo Madau 49
Descriptione jocosa d’unu cypressu 50
Sa disputa inter sos fi ores 53
A una mora, pirata de coros 56
Francesco Ignazio Mannu 59
Su patriottu sardu a sos feudatarios 60
Giuannandria Ruzzone 77
Sa cantone de su trogliu 77
Giuseppe Pirastru 85
Carissimos parentes 85
95 d
d

Finito di stampare nel mese di Settembre 2008
per conto di:
EDITRICE ARCHIVIO FOTOGRAFICO SARDO
NUORO