Jnnaru 2013 - alphonse doria

Patamiuni veni da lu grecu latinizzatu Potamius e significa “varcarolu”.
RICURRENZA
Oj arricurdamu na granni eroina di la nobili storia di lu Populu Sicilianu: Rosa
Donato, di la meravigliusa civitati di Missina ca „nsurgì contru l‟usurpaturi
napulitanu lu 29 Jnnaru di lu 1848, comu
sapemu li Borboni s‟arritiraru nni la Cittadella,
di seguitu lu Cumitatu Rivoluzionariu
Indipiendentista missinisi stilà lu documentu,
tutti i Borboni vennu jttati fora, tranni la
Cittadella ca risisti. Ora Rosa Dunatu era na
pupulana, figlia di cucineri e muglieri di un
stalleri nascì na lu 1808 perciò era pi ddi tempi
anzianedda a 40 anni, „un era accurturata, si
nni futtiva di Mazzini, ma ajva vistu lu Populu
Sicilianu ribbillarisi nna lu 1820, ajva vistu
l‟oppressuri e lu sò cori sbattiva pi la Libertà e
pi la Rivoluzioni. Accussì cu lu so cumpagnu
di chissà decianni di lotta Ninu Lanzetta lu 29
di Jnnaru mentri li truppi napulitani stavanu
avanzannu tra la Chiazza Domu e Via Primu Settemmiru arrinesci a purtari un
vecchiu cannuni supra un carrettu e cu l‟amminazzu l‟arrinescinu a firmarli. Pi novi
misi ci fu rivoluzioni a Missina. Rosa duna gran mostra di lu so‟ eroismo essennu na
autentica rivoluzionaria e ca già era accanuscenza di
l‟usu di l‟armi e artiglieria, presenti nna li barricati di San
Franciscu e di Viali Buccetta vasciu. Nna li primi di
Sittemmiru re Firdinandu, manna li trippu pi riconquistari
la civitati di Missina. I Napulitani parteru a l‟appedi di
Contesse e ancuminciaru ad ammazzari a cu
„ncuntravanu, dannu focu a tutti cosi. Rosa Donatu si
vitti accerchiata di li Borboni, e allura fa l‟attu eroicu, a
lu mumentu giustu duna focu a un cassuni di pruvuli e
munizioni facennuni satari all‟aria una gran quantità,
idda fa finta ca è morta, tecnica di vera guerrigliera ca si
chiama tanatosi, „mparata da li pilacchia, e arrinesci a pigliari pi fissa li Borboni
scappannu. Lu 7 Sittemmiru li Borboni ripigliano Missina e Rosa Dunatu è a
Palermu, unni ancora si rispira aria di libertà, „nzemmula a jdda c‟era Ninu Lanzetta e
Giuvanni Corrao e ci dettiru in affidamentu na postazioni d‟artiglieria. Quannu po‟ la
58