GIOVANNI MELI - Materiale Scienze della Formazione Primaria

L'omu-liuni à un funnu
Intrepidu e custanti;
Precipiti lu munnu,
Sta firmu ddà davanti,
Ed a la sua ruina
Opponi pettu e schina.
C'è l'omu-signu intentu
A li gran modi e l'usi,
Bandera ad ogni ventu
Muta, riforma e scusi
Abiti, vrachi e insigni,
Guardannu l'autri signi.
‘E l'omu-talpa chiddu
Chi campa innamuratu
Di cui nun cura d'iddu,
E tantu n'è accicatu,
Chi chiù nun cridi all'occhi,
M’a chiacchiari e 'mpapocchi.
Cussì c'è l'omu-cani,
Chi abbaia di tutt'uri
A poviri, a viddani,
A latri, a tradituri,
Ma dannucci lu tozzu
Proi lu cannarozzu.
Avemu l'omu-gattu,
Chi metti a diri: meu,
Appena vidi un piattu;
Avidu, come Ebreu,
A tuttu stenni l'ugna,
Pigghia, e dicchiù sgranfugna.
Tralasciu li becchi-omini
Pri tema a li Satirici;
Jeu citu li fenomini,
A modu di l'Empirici,
E passu e mi cunfunnu
Di jiri troppu affunnu.
Avanti, ca c'è chiui:
Ci sunn’omini tali,
(Ma dittu sia tra nui)
Chi sù sutta l'armali,