GIOVANNI MELI - Materiale Scienze della Formazione Primaria

Radica tra l'ingannu.
Ch’in nui li passioni
Si affàccianu a lu spissu
Cu mascari assai boni,
E poi fann’un aggrissu;
La mascara comuni
‘E pri'iddi la raggiuni.
Però tra l'animali
Lu sulu e nudu istintu
Regna senza rivali
Dintra lu so recintu,
E li soi visti fissa
Su la sua specii stissa.
Addunca cui procura
Li bruti studiari,
Studia la natura,
Unicu e singulari
Libru di arcani senzi
Chi acchiudi li scienzi.
Benissimu, diss'iu,
Tu forsi pischi a funnu;
Però lu senziu miu
Mi pari a nautru munnu:
Sì beni ài peroratu,
Ch'eu sù menzu ammazatu.
Micci ài saputu induciri
Cu li maneri e l'arti:
Via, mèttiti a traduciri
Sti camuluti carti...
Dissi, e lu Vecchiu esponi
Li soi traduzioni.
Jeu agghiuncirò pri restu
Qualchi moralità,
Chi scinni da lu testu,
(Sibbeni 'un ci sia ddà),
Pr' 'un dirimi li genti
Ch’ 'un ci aju misu nenti.
I
LI SURCI