Non - Isola Nostra

15 Settembre 2009 ISOLA NOSTRA
15
’na partida de balon
- Me ricordo de ‘na partida memorabile… ierimo sei fioi
grandi contro nove fioi pici, par paregiar la diferensa de età
e de altessa. El campo de zogo al iera stà sminà de poco. El
terèn pareva un pàsteno de patate, pien de busi e de cassòpe
de terra. Con un stagnaco de calsina e ‘na penelessa gavemo
tirà le striche per tera e co’ dele piere, capitade là quando i
tedeschi i gaveva fato saltar la diga, gavemo segnà le porte.
Duto pareva a posto par la partida, ma mancava l’arbitro.
Se gavemo vardà tal muso e dopo gaver pensà – parché
pensavimo anca noi, cos’ te credi… - gavemo tirà a sorte
co’ la paiussa e l’arbitro lo gavaria fato chi gavessi ciapà la
più curta: mi gò fato l’arbitro!
- Nonno, non sapevo che avessi fatto “anche” l’arbitro!
- Beh, picia mia, fin a quel momento gnanca mi no’ lo go
savesto…
- E allora?
- E allora cossa?
- La partita di pallone, nonno. La partita!
- Ah sì… alora. Gò fato meter a posto i sogadori e go da
inisio ala gara. ‘Desso i grandi iera in sinque (parché mi
dirigevo…) e i pici sempre in nove; par darghe qualche
possibilità i grandi gavaria comincià a zogàr el primo tempo
in salita: ‘na fadiga boia!
- Come in salita? Il campo non era piano?
- Macché. El campo al iera in salita o in disesa, dipendeva
da dove te vardavi.
- Che bel campo, nonno! Tutto da ridere!
- Proprio cussì! Pensa: dopo diese minuti i pici, forse parché
i gavevà avù fortuna, con una discesa strabiliante i xe
piombai in porta finendo la corsa, dopo diese metri, driti in
mar. De morir dal rider! Mi gò fiscià e go dito: Un a zero!
I grandi no’ iera d’acordo parché – almeno cussì i diseva
– l’asiòn iera stada visiada da un fora-zogo e… qualche
parolina no’ tanto bela i me la gà anca dita.
Alora gò amonì un grando disendoghe che el iera imonà
e questo, incazzà nero, se gà cavà ‘na papussa tirandomela
in testa. Mi, forte dela mia importansa de arbitro, lo gò
mandà fora del campo tirandoghe una pedada sule canèle
dela gamba e – par paregiàr el conto - gò anulà el gol.
A ‘sto punto iera i pici a no’ esser più d’acordo e incazzai
come bestie i gà scomincià a smontar le piere dele porte e
tirarmele adosso. I grandi, ciapando le mie difese, i gà comincià
a corer drio i pici ciapandoli a pedade tal cul. Una
confusion cussì in un campo de balòn no se ga mai vista.
Alora gò fiscià tre volte e gò dito che la partida iera anulada
par impraticabilità del campo. No’ lo gavessi mai fato!
Grandi e pici, come fulminai, i se gà fermà de colpo cominciando
a vardarme de stralocio, po’ – vardandese fra de lori e
fasendo finta de niente – i gà scomincià a venirme incontro e
come lori se avansava (chi faceva finta de ligarse le papusse,
chi fasendo finta de sugarse le man par tera…) i cioleva su
cassòpe grosse come rampighini. Mi, che mona del tuto no’
iero e capendo che i la gaveva con mi, gò butà via el fisceto
dandomele a gambe levade. Tre cassòpe e ‘na piera me gà
ciapà sula schena ma le altre dosento le gò schivade dute.
Me son serà in casa par ‘na settimana e no’ gò mai più fato
l’arbitro… anca se - in seguito – gò sogà in porta, per esser
pronto a scampar prima che qualcosa ‘ndassi storto.
- Nonno, eri proprio una frana!
- Una frana proprio no, iero svelto de corer, eco duto!
- Se questo lo chiami divertimento…
- Divertimento s’ceto come l’acqua e puro come el vin. Pensa
un momentin: in un solo giorno gavemo fato ‘na partida de
balòn, un bagno in mar, dei lanci de piere e de cassòpe, ‘na
corsa campestre e un incontro de pugilato. Te sembra poco?
Cossa te vol de più dala vita?
- Certo nonno che a quei tempi non eravate molto tranquilli...
- I tempi no’ centra niente, ierimo giovini, ecco cos’ che
ierimo…
- Per me eravate delle pesti, e poi – caro il mio nonno – hai il
coraggio di richiamarmi quando faccio qualcosa fuori posto!
- Te riciamo perché ti te son una picia picia, eco!
- Perché, se fossi una picia-granda le cose sarebbero diverse?
- Te gà ragion, saria l’istesso.
- Allora vedi che stai travisando la “tranquillità” con i “tempi”?
- Ghe xe tempi par sogàr e quei de passar tranquilli.
- Allora nonno, prenditi il giornale e vai a sdraiarti sopra il
divano mentre io, se permetti, dato che questi sono i miei tempi,
vado a giocare con il computer. Almeno così ognuno farà quello
che a lui è più adatto. Chi la tranquillità, chi il giocare!
- Si, però ai miei tempi no’ esisteva quel coso là, el computer,
come che te disi ti. Ai mii tempi, na bala de strassa ligada col
fildefero iera el no’ più oltra dei divertimenti.
- Certo, con l’addio alla tranquillità di quelle persone che, per loro
sfortuna, dovevano sopportarvi… e poi si dice “non plus ultra”.
- Disi come che te par, ma quei che ne soportava i gaveva
fato, prima de noi, i loro zoghi a bala , el bagno in mar, tirà
cassòpe e qualche cassòto. E parché noi dovevamo esser de
meno de lori?
- Nonno, sei proprio un preistorico!
- Forsi te gà ragion, picia mia, ma cossa te vol, i tempi iera
quei che i iera…
- Si nonno, hai ragione: i tempi passano ma le storie rimangono…
Un abbraccio a tutti voi da
Walter Pohlen