La capra barbana e altre fiabe popolari venete - Nicola Saba

el fogo che no vol brusar el baston che no vol bastonar el can che
no vol magnar Tite’e che ga magnà tute ‘e nose’e».
«Mi no!» ghe risponde ‘a corda.
A’ora Titin ciama el sorse: «Sorse, rosega ‘a corda che no vol
impicar el bò che no vol bevar l’acqua che no vol destuar el fogo
che no vol brusar el baston che no vol bastonar el can che ho vol
magnar Tite’e che ga magnà tute ‘e nose’e».
«Mi no!» ghe risponde el sorse.
A’ora Titin ciama el gato: «Gato, magna el sorse che no vol rosegar
‘a corda che no vol impicar el bò che no vol bevar l’acqua che
no vol destuar el fogo che no vol brusar el baston che no vol bastonar
el can che no vol magnar Tite’e che ga magnà tute ‘e nose’e».
«Mi sì che magnaré el sorse» ghe dise el gato.
A so volta el sorse: «Anca mi rosegarò ‘a corda».
E ‘a corda: «Mi impicarò el bò».
E el bò: «Mi bevarò tuta l’acqua».
L’acqua: «Mi destuarò el fogo».
El fogo: «Mi brusarò el baston».
El baston: «Mi bastonarò el can».
In ultima el can: «Mi magnaré Tite’e».
A’ora Tite’e ga pensà che jera mejo darghe a Titin tute ‘e nose’e.
E cussì el ga fato.