La capra barbana e altre fiabe popolari venete - Nicola Saba

Titin e Tite’e
veneto
Titin ‘ndava a nose’e. Iu ‘e rancurava e Tite’e ‘e magnava.
Un giorno Titin ghe dise a Tite’e:
«Tite’e dame tute ‘e to nose’e».
«No, no te ‘e dò!» ghe dise Tite’e.
E a’ora Titin ciama el can e ‘1 ghe dise:
«Can, magna Tite’e che ga magnà tute ‘e nose’e».
«Mi no che no magno Tite’e» ghe dise el can.
A’ora Titin ciama el baston e el ghe dise:
«Baston, bastona el can che no vol magnar Tite’e che ga magnà
tute ‘e nose’e».
«Mi no che no bastonaré el can.»
A’ora Titin ciama el fogo:
«Fogo, brusa el baston che no vol bastonar el can che no vol magnar
Tite’e che ga magnà tute ‘e nose’e».
«Mi no!» ghe risponde el fogo.
A’ora Titin ciama l’acqua:
«Acqua, destua el fogo che no vol brusar el baston che no vol
bastonar el can che no vol magnar Tite’e che ga magnà tute ‘e
nose’e».
«Mi no» ghe risponde l’acqua.
Titin ciama el bò:
«Bò, bevi l’acqua che no vol destuar el fogo che no vol brusar el
baston che non vol bastonar el can che no vol magnar Tite’e che
ga magnà tute ‘e nose’e».
«Mi no!» ghe risponde el bò.
A’ora Titin ciama ‘a corda:
«Corda, impica el bò che no vol bevar l’acqua che no vol destuar