La capra barbana e altre fiabe popolari venete - Nicola Saba

torna a pestar anca el terso e ‘a ghe toca ancora a Giovanni.
«Maestro i me ga ancora bastonà» el se ‘agna Giovanni.
«Giovanni Giovanni» ‘o rimprovera el Maestro «ti ancuo te ga
magnà par tre volte e par tre volte volte te ga bastonà.»
Intanto el temporal ga ciapà ‘na furia con lampi e troni a non finire,
i contadini xe proprio disperai.
A’ora el Maestro se sporze da’a tesa el scomissia a benedire...
«Paja in pajaro formento in granaro, paja in pajaro formento in
granaro...»
...vvv el vento el strassina tuto el gran in tesa e ‘a paja sul pajaro e
prima che scomisia a piovare xe tuto ‘ndà al so posto.
I contadini che se ga visto tuto sto ‘avoro i dise: «Cossa gavemo
fato de bastonare chei tre, varda come che ‘ori ne ga salvà tuto el
racolto».
E zo in zenocio, a scusarse col Maestro de queo che i gaveva fato:
«No steve preoccupare» dise el Maestro «vedi, ancuo Giovanni
ga magnà tre volte? tre volte el xe sta punio!»
E da sta storia se capisse che no bisogna dir ‘e busie!