La capra barbana e altre fiabe popolari venete - Nicola Saba

su un bocon ‘a ga fìnia.
El va fora, el ghe dise: «Maestro no i me ga da gnente».
«No importa» ghe risponde el Maestro «provaremo su ‘naltra
casa.»
Camina, camina e camina dise ancora Giovanni: «Go fame maestro.»
«Varda ‘a ghe xe ‘naltra casa, vaghe domandare, ma ricordate che
ghe xe sempre anca Piero.»
Su sta casa i ghe da ‘naltra feta de poenta, che manco a dirlo Giovanni
se ‘a fa fora anca quea. E ‘nando fora el ghe dise al Maestro,
che no i ghe ga da gnente.
El Maestro ghe risponde: «Passiensa provaremo da ‘naltra parte,
fin sera ‘a xe ‘onga».
Su ‘naltra casa capita ‘a stessa storia. Camina, camina e camina
poco dopo i se acorze che xe drio rivar un temporal. Su ‘na casa
de contadini in mezo a ‘na corte i xe drio a batar el formento e i
spessega par paura che ‘a piova ghe bagna el gran.
I nostri pe’egrini i jera propio stanchi e i ghe domanda ospita’ità
ai contadini che ‘i manda a dormir in tesa. Intanto el temporal se
fa sempre più vissin e i omeni se ‘agna.
«Noialtri semo qua a ‘avorare e quei tre pe’androni a dormire.»
«Vao mi a butarli zo!» dise uno dei omeni. El va su in tesa el ghe
da un saco de bote al primo.
Giovanni se ‘agna col Maestro: «Maestro i me ga bastonà».
«No state preocupare Giovanni, passa al posto de Piero e dormi.»
Intanto el temporal no se calma, ansi el troniza sempre più forte.
‘Naltro omo dise: «Visto che ti no te ga vuo fortuna, adesso vao
mi, e se ti te ga petufà el primo mi petufarò el secondo».
El va su el bastona el secondo.
«Maestro i me ga bastonà» dise Giovanni.
«Prova a far cambio co mi, e serca de dormire» ghe risponde el
Maestro. Ma sicome el temporal no ghe ‘a mo’ava i contadini