La capra barbana e altre fiabe popolari venete - Nicola Saba

Quando che ‘l Signor caminava su’a tera
veneto
Giovanni, Piero e ‘l Maestro i caminava sora sta tera in mezo
a’a campagna. Par ‘a strada incontra un omo che canta a pieni
polmoni.
El Maestro passando ‘o sa’uda co tanta a’egria. Poco più in là i
trova ‘naltro omo che prega in zenocio, el Maestro passa vanti
sensa gnanca vardarlo. Piero a’ora el ghe domanda al maestro:
«Maestro parché te ga sa’udà queo che canta e no queo che prega?».
«Te vedi Piero, queo che prega el ga in mente de ‘ndar a robar ‘e
arane che xe sul fosso.»
Camina, camina e camina i trova un omo che xe drio semenar e i
ghe domanda: «Par chi xe che te semeni bon omo?».
«Par mi semeno» ghe risponde iu.
Poco più in là i ghe ne incontra ‘naltro che xe anca iu drio a
semenar.
«Par chi xe che te semeni bon omo?» i ghe domanda.
«Par tuti!» el ghe risponde.
Ma gavì da saver zente, che quando xe sta el momento de tirar su
el racolto, queo che gaveva semenà par iu, ga rancurà ‘na sola
pianta, queo invese che gaveva semenà par tuti el ghe ne ga rancurà
tanto e tanto par tuti.
Camina, camina e camina. Giovanni el ghe dise al Maestro che ‘1
ga fame:
«Varda ‘à» ghe risponde el Maestro «ghe xe ‘na casa, vaghe domandare
calcossa, ma ricordate che ghe xe anca Piero.»
Giovanni va su sta casa e i ghe da ‘na feta de poenta. Giovanni se
vede sta feta de poenta in man, nol ghe vede più da’a fame, e cussì