La capra barbana e altre fiabe popolari venete - Nicola Saba

mese e un zorno torno a torlo.»
Dopo un ano, un mese un zorno el veceto torna par torse el
mussetto, ma el paron del mu’in, che intanto col ‘avoro de l’asino
el gaveva guadagnà tanti schei, no vol ridarghe’o e ‘o sconde.
Al vecio che ghe domanda del mussetto el ghe risponde:
«No posso ridarte’o parché el xe morto. Te sa, nol jera gnanca bon
de star in pie, poareto».
«Eh no!» ghe risponde el veceto. «Nol xe morto, ti te’o ga sconto,
tira’o fora!»
El paron del mu’in meravejà che el vecio savesse ‘a verità, a
ma’incuor el va a tor el mussetto e ghe ‘o ridà.
El veceto ‘o to’e e ‘1 va via. Camina camina e camina, ariva a ‘na
casa, el ciama ‘a parona e ‘1 ghe domanda:
«Dove xe che xe to marìo?».
«Xe un ano un mese un zorno che no’o vedo e no so che fine che
‘1 gabia fato.»
«Ah se ‘a xe cussì a’ora sta ben.»
E ‘1 vecio: «Te vedi sto mussetto? Eben, ciapa un baston, ‘na
corda e bastone’o.»
«No» ghe dise ‘a dona «no ‘o bastono parché no me ga fato gnente
de mal.»
«No state preocuparte, daghe!»
A’ora ‘a scominsia a bastonar el mussetto. Bastona bastona e bastona,
a un serto punto el mussetto el se trasforma e apar el gobeto
che ‘1 jera el capo dei assassini. El ga riacquistà ‘a so vera identità,
l’abrasa so mujer e pianzendo el ghe dise:
«Mujer mia, te prometo che da ancuo in avanti, no farò più el
capo dei assassini, sarò bon e starò sempre in casa co ti».
E cussì i ga fato nosse composte, sorsi pe’ai, gati scortegai, e a mi
che son soto la to’a, gnanca un osso de brisio’a.