La capra barbana e altre fiabe popolari venete - Nicola Saba

«Oh, Piereto,» ‘a dise; «come che te pesi, come che te pesi, Piereto.
No so’ più bona ‘ndare avanti, fasso ‘na fatiga...»
«Marìo marion, meti su el caglieron, che go Piero Piereto in
sacheto.»
Ma quando che ‘a riva a casa che ghe xe el caglieron pronto de
aqua ‘a buta dentro e -cosa trove’a?- invese che Piereto ‘a trova
‘a piegora morta.
A’ora ghe dise: «Bravo Piereto, te si stà proprio furbo, te me ga
imbrojà».
E cussì Pìereto se ga salvà.
A’ora el giorno dopo ‘a xe ‘ndada e ‘a ghe ga dito:
«Piereto, no te fasso più niente; te ‘asso che te staghi sul to albero
de peri e che te magni tuti i peri contento».