La capra barbana e altre fiabe popolari venete - Nicola Saba

torno a to’e ben preparae, e tanti invitai e ogni ben de Dio.
«Maestro questi sens’altro i ne darà ospita’ità.»
«Va pian Piero, va pian.»
I se visina al canceo dea vila e i sona.
«Cossa vo’è?» domanda un servo.
«Semo do poareti che i ve domanda un toco de pan par magnar e
un poca de paja par poderse butar a dormir.»
«Via de qua, gnente vagabondi da ste parti.»
A’ora Piero in zenocio: «Dene almanco ‘e frego’e che ghe xe soa
to’a e ‘a sta’a par dormir».
El servo par tuta risposta: «’E frego’e i me paroni i ghe ‘e da ai
cani e in sta’a i ghe mete e so be’e bestie, no i cristiani disgrasiai
come voaltri».
Piero insiste, ma dai scagni del pa’aso vien zo verso el giardin el
paron compagnà da’a so signora. I jera vestii de damaschi, sede e
ve’udi co ori e brianti ae man.
Piero e ‘1 Maestro i se inchina e i se inzenocia: «Signor, semo do
poareti, che i ve domanda un toco de pan par magnar e un poca de
paja par poterse butar a dormir. Gavè pietà, dene almanco queo
che vansa i vostri cani».
«Gavè dito cani? Ben, cani i sia!» risponde el rico signor sghignassando
insieme a’a so sposa. Un s’cioco de dei, se verse e
sta’e e xe vegnuo fora dei grossi cani lupo che i ga tacà Piero e el
Maestro.
I do poareti i xe riusii a scampar via de corsa salvando a ma’apena
‘a pe’e; ‘pena che i ga ciapà fià Piero el ghe dise a’ Maestro:
«Sti riconi i ne ga tratà pezo de tuti, altro che quei del casoneto
che i se ga cavà el pan de boca e i ne ga dà el so ‘eto; che premio
ghe daremo Maestro a quei del casoneto?».
«Va pian Piero, va pian.»
«Ma parché Maestro te me disi sempre: va pian Piero, va pian?»
«Te vedi Piero, i do signori che ne ga mandà contro i cani i jera