La capra barbana e altre fiabe popolari venete - Nicola Saba

Piero e ‘1 maestro
veneto
Ghe jera ‘na volta do veceti vagabondi che i domandava ‘a
carità e poareti no i gaveva gnente da magnar, né casa dove dormir.
I jera Piero e ‘1 Maestro.
«Maestro cossa magnaremo e dove dormiremo stasera?»
«Va pian Piero, va pian.»
Camina, camina e camina i passa davanti a ‘na casa proprio bea.
«Ah, Maestro semo fortunai, adesso sonemo e de serto un toco de
pan e un poco de formajo i ne darà, magari anca un bon ‘eto par
dormir.»
«Va pian Piero, va pian.»
I se visina a ‘na casa, ‘na vila ‘ussuosa con un bel giardin, i sona
el campaneo e vien fora i servi.
«Bonasera, semo do poareti e domandemo un toco de pan par carità.»
«Via de qua, andè a ‘avorar disgrasiai!»
I do veceti i se mete in zenocio: «Dighe al to paron che el ne daga
un toco de pan e un posto su’a paja par dormir».
El servo el se rabia e va a mo’ar i cani: «Via, se no ve fasso sbranar!».
Piero e el Maestro, disperai, i torna su’a strada. Camina, camina e
camina, in ‘ontanansa i vede ‘naltra casa.
«Maestro finalmente ghe semo, qua i ne darà sens’altro da magnar
e da dormir.»
«Va pian Piero, va pian.»
I se visina, ‘a jera proprio ‘na bea pa’assina, neta e ben tegnua;
ghe jera fora el giardinier che ‘a sera el tajava ‘e ultime piante.
I do poareti i se presenta davanti al porton: