La capra barbana e altre fiabe popolari venete - Nicola Saba

sta’a col porseo.
Durante ‘a note el porseo ga copà el ga’o. A’a matina el toso domanda
del so ga’o, ma el porseo ‘o ga copà e in cambio el toso
vo’e el porseo, el contadin par forsa ghe ga tocà darghe’o.
El toso parte col porseo che ga magnà el ga’o che ga magnà el
gran de fava.
Camina, camina e camina vien sera ‘naltra volta e su ‘naltra casa
de contadini el domanda ospita’ità, par iu e ‘1 so porseo. El
contadin ‘o mete in sta’a col cava’o.
El cava’o copa el porseo e ‘a matina el toso el vo’e el cava’o al
posto del porseo. El contadin ghe ga tocà darghe’o e iu el ghe
monta in gropa, el parte contento e beato col cava’o che ga magnà
el porseo che ga magnà el ga’o che ga magnà el gran de fava. Par
‘a strada el trova un strano funera’e, ghe xe so’o el bechin.
«Paron, cossa gavìo ‘à drento?» ghe domanda el toso al bechin.
«’Na morta, coss’altro vuto che gabia?» ghe risponde iu.
«Se ve dago el cava’o me darissi ‘a morta?»
El bechin ghe dise de sì e cussì i fa el cambio. El toso se mete su’e
spa’e ‘a morta e ‘1 scominsia a caminare.
El riva su ‘na casa dove che in meso a’a corte, ghe xe un posso. El
pusa ‘a vecia su ‘a vera del posso, el va drento in casa, el ghe
domanda calcossa da bevere a’a parona de casa, ‘a dona ciama so
fio’a disendoghe:
«Vaghe tor un fìà de aqua fresca al posso a sto toso».
E ‘a va, ma par sbaglio ‘a ghe da ‘na spenta a’a vecia che casca
drento al posso. El toso, el se jera ben vardà dal dire che ‘a jera
morta.
El taca dire: «’A jera me mare che me portava su’e spa’e e desso
te me ga da portare ti» el ghe dise incontra a’a tosa.
Ma la mare de’a tosa, no vo’e saverghene e l’omo tanto el fa e
tanto el dise ghe ‘a dona xe costreta a mandarghe drio ‘a tosa.
‘A tosa se ‘o mete su’e spa’e e ‘a scominsia caminare e fin che ‘a