La capra barbana e altre fiabe popolari venete - Nicola Saba

E a’ora sta nona, via, in serca de’e nose, ‘a trova ‘e nose ‘e porta
a casa, el can magna tute ‘e nose po’ el se ‘a, to’e, scampa anca iu.
E sta nona disperada ‘a se mete pianser, ma ‘a sente -chicchirichìun
ga’eto.
«Ciao nona, cossa te ga che te piansi?»
«Tasi tasi, go ‘a cavara barbana su par el camin.»
«Cossa te me da che te ‘a paro via?»
«Gnente, parche xe passà el gato, el ga vossudo ‘a farina, ‘a ga
magnada tuta e el xe ‘ndà via; xe passa el can el ga vossudo ‘e
nose e ‘e ga magnae tute e po’ el xe ‘ndà via, e ti te faré ‘o stesso.»
«No nona, mi te prometo che te ‘a mando via, vojo un quartier de
mejo.»
A’ora ‘a nona core, ‘a va in serca poareta, del mejo, ‘a vien casa,
a’ora el ga’eto co el so beco -tic tic tic- el magna un poco de mejo
e po’ el corre su par el camin.
El sente: «Mi son ‘a cavara barbana coi denti ‘onghi ‘na spana
che turi quei che cato gargato».
El ga’eto el fa: «Chicchirichì! mi son el ga’eto mejariolo col becheto
storto che tuti quei che cato ghe cavo un ocio».
El fa un salto e col beco -tac!- el ghe cava un ocio a ‘a cavara
barbana.
E ‘a cavara barbana ancora ‘a dise:
«Mi son ‘a cavara barbana coi denti ‘onghi ‘na spana che tuti quei
che cato gargato».
«Chicchirichì, mi son el ga’eto mejariolo col becheto storto che
tuti quei che cato ghe cavo un ocio.»
El fa ‘naltro salto -tac!- el ghe cava l’altro ocio a ‘a cavara barbana.
‘A cavara barbana va indrio cu’o, indrio cu’o, indrio cu’o, finché
‘a xe saltada fora dal camin.
Da drio al camin dea casa ghe jera un cana’e, ‘a cavara barbana
xe ‘ndada dentro e ‘à, ‘a se ga negà e ‘a xe morta.
El ga’eto el xe vegnuo zo dal camin el ghe ga dito: «Gheto visto