La capra barbana e altre fiabe popolari venete - Nicola Saba

Da un gran de fava a…
veneto
Ghe jera ‘na volta ‘na pora dona che ‘a viveva co so fio’o e ‘a
so’a richessa che ‘a gaveva jera ‘a miseria. Un giorno el fio’o ga
deciso de partire in serca de fortuna, el ghe domanda a so mare
calcossa par el viajo.
«Cossa vuto che te daga» ghe dise ‘a pora dona, «go so’o un gran
de fava -tò- tiente’o streto.»
El toso contento morto, el va via col gran de fava in man. Camina,
camina e camina ‘a sera el riva su ‘na ostaria, el ghe domanda
ospita’ità par ‘a note, par iu e ‘a so compagnia. «Qua’a compagnia
se no vedo nissun!» ghe dise l’osto.
«Paròn, go un gran de fava, dove posso metarlo?»
«Mete’o dove che te voi, chi vuto che te ‘o toca?» ghe ribate el
paron ridendo.
‘A matina dopo el toso ghe domanda a l’osto de darghe el gran de
fava che ‘1 gaveva messo sora ‘a to’a.
«Vuto vedere che ‘1 ga’o ‘o ga magnà» ghe dise l’osto un fià
ridendo.
«Se xe cussì» ghe dise el toso «a’ora ti te ga da darme el ga’o par
ripagarme!»
L’osto prima no ghe ne vo’e savere, ma dopo, el capisse che xe sta
proprio el ga’o a magnarse’o, e cussì in calche maniera ghe ga
tocà pagare.
A’ora in cambio del gran de fava, el ghe da el ga’o.
El toso parte col ga’o che ga magnà el gran de fava.
Camina, camina e camina ‘a sera el se trova davanti a ‘na casa de
contadini, el ghe domanda da dormir par iu, e par ‘1 so ga’o.
El contadin ‘o incontenta, el fa dormir el toso in casa, el ga’o in