La capra barbana e altre fiabe popolari venete - Nicola Saba

Nane, generoso, el se cava el pan de boca, el ghe ‘o dà co un toco
de carne e un poca de fruta. Bei pieni i se destira, i xe drio per
ciapar el sono, quando de colpo i sente ‘na vose che siga:
«Aiuto...!».
Spacamo’e e Spacasassi, pieni de paura, i se mete in un canton
de’a caverna. Nane invese va fora par vardar cossa che ghe xe,
ma fora tuto tase. El torna dentro e ancora ‘na vose, de dona, che
siga: «Aiuto... aiuto!».
Nane va fora par ‘na seconda volta e nol vede gnente. El torna
dentro infurià:
«Sé voialtri che me fé schersi?» el ghe domanda ai do compari.
E ‘ori tremando: «No, no semo noialtri».
E ancora par ‘a tersa volta ‘a vose: «Aiuto, aiuto, libereme!».
Nane pensa un fìà e ‘1 capisse che ‘a vose vien dal fondo de’a
caverna. El tira do pugni sul muro de rocia, questa se rompe e ghe
se presenta davanti ai so oci un gran porton de fero, a protession
de un pa’asso che xe sototera.
«Chi ghe xe ‘à? Rispondeme!»
«So el capo dei briganti e tegno prigioniera ‘a principessa e ti no ti
sarà bon de ‘iberarla. Ghe xe diese porte de fero, una più grossa
de staltra a protession del nostro covo, e da drio a ste porte ghe xe
diese briganti armai.»
Nane ciapa ‘a rincorsa, el sfonda ‘a prima porta, el copa i briganti,
dopo ‘a seconda e dopo ‘a tersa.
«No ti ghe ‘a farà mai» siga el capo dei briganti. Ma Nane continua,
el buta zo ‘a quarta, ‘a quinta, ‘a sesta e dopo ‘a setima, l’otava
e ‘a nona porta, copando tuti i briganti che jera de guardia.
El ciapa fìà davanti a l’ultima, ‘a jera proprio grossa.
«No ti ghe ‘a farà a butar zo anca questa» el siga ancora el capo.
Nane ciapa ‘a rincorsa e forte come che ‘1 jera, el buta zo anca
l’ultima porta.
«Adesso te toca a ti» el ghe siga al capo. Ma ‘na volta che el xe