La capra barbana e altre fiabe popolari venete - Nicola Saba

Nane sensa paura
veneto
Ghe jera ‘na volta ‘na famejia de poveri pescaori. El papà no
pescava mai gnente e no saveva più cossa darghe da magnar ai so
dodese fioi. ‘Na matina, come sempre, el xè ‘ndà a pescare sul
fiume e in mezo a l’aqua el vede ‘na cassa che ga’egiava, ‘a pareva
un scrigno de un tesoro. El se ga avissinà co ‘a barca, ‘a jera
proprio ‘na bea sesta.
«Ghe semo» el ga dito fra iu «forse go trova proprio un tesoro,
finalmente podarò sfamar i me putei!»
E ‘a porta a riva, ‘a verse pian pian col cuor in go’a. ‘Alsa el
covercio e... «Weeh weeh», el jera un puteo che pianseva.
«Mama mia» el dise el pescaor, ‘naltro puteo, ghe ne go za dodese
e no so come sfamarli, e se lo porto a casa, me mujer me copa.»
Ma el puteo el jera cussì beo, oci ce’esti e cavei biondi, che nol ga
cuor de abandonarlo; ‘o ciapa in brasso el se acorze che sul fondo
dea sesta ghe xe un biglietin co scrito: “Chiunque trova sto puteo
‘o trata ben, parché el xe fio del re”.
L’omo buta via el biglieto e quasi ghe vien vojia de ‘assar ‘à anca
el puteo. Ma el picenin ghe ride, l’omo el se comove e ‘1 decide
de portarse’o a casa sfidando l’ira dea mujer che a’a sera quando
che ‘o vede tornar a casa sensa pesse e con ‘naltro puteo ‘o coverse
de paro’asse. L’omo co calma ‘a convinse a tegnir in casa el novo
arivà:
«Varda che beo e cicion che xe sto puteo, tegnimose’o el ne porterà
fortuna.»
Cussì el puteo el deventa el tredicesimo fio, e quando che xe sta
ora de darghe el nome, sicome el vegneva su forte e grande i ‘o
ga ciamà Nane sensa paura.