La capra barbana e altre fiabe popolari venete - Nicola Saba

A’a marina, apena sveji, i se ga reso conto che i doveva farse un
alogio più dignitoso. Pensa e pensa, compare Ga’o e comare Ga’ina
i decide de cavarse un poche de pene e de farse ‘na caseta; l’Oca
Badessa e l’Arana Contessa ‘e ga fato ‘o stesso, ma i porsei che
no ga ‘e pene, no i saveva come far e i ga domandà aiuto ai so
compagni de viajo che però no i ga vossuo saverghene de iutarli.
Cussì i porsei i xe restai fora a pianser.
Xe passà de ‘à un muraro che vedendo ‘a disperasion de sti porsei
el ga deciso de iutarli: el ghe ga fato ‘na caseta in piera co tanto de
balcon e camin. Cussì quando che xe rivà sera, tuti i gaveva ‘a so
brava caseta.
A note alta xe rivà el lupo, el ga batuo a’a caseta de compare Ga’o
e comare Ga’ina sigando forte:
«Verzì subito ‘a porta o tiro un fìaton cussì forte da mandar in
cie’o ‘a casa come un ba’on».
Compare Ga’o no ghe ga vossudo verzer e a’ora el lupo ga tirà un
fiaton potente e ‘a caseta xe svo’ada in alto, e dopo el se ga magnà
el Ga’o e anca ‘a comare Ga’ina.
Dopo el xe ‘ndà a’a caseta de l’Oca Badessa e de l’Arana Contessa
e ‘1 ghe ga intimà de verzer, ma ‘e ghe ga risposto de no.
El lupo, rabià, el ga tirà un fìaton potente; ‘a caseta xe svo’ada in
aria e iu el se ga magnà oca e arana in un bocon.
A’ora el xe andà a’a caseta de i porsei e ‘1 ghe ga sigà:
«Verzìme subito ‘a porta, seno tiro un fiaton potente e ‘a vostra
casa ‘a svo’a in cie’o come un ba’on!».
Ma i porsei i ghe ga risposto:
«Tiraghene uno, tiraghene do, tiraghene tre, ‘a nostra casa starà
sempre in pié».
El lupo rabià el ga scominsià a supiar. Ma supia, supia e supia, a’a
fine el xe s’ciopà.
E cussì i porsei i xe stai salvi e tuti contenti i xe tornai ae so case
e dai so amisi, che i gaveva ‘assà par ‘ndar a Roma.