La capra barbana e altre fiabe popolari venete - Nicola Saba

ghe darìa volentieri ‘na sbai’ada su chei cu’i».
«Paron mi ghe ‘asso chel ghe daga ‘na sbai’ada ma bisogna chel
se cava ‘e braghe.»
«Me cavo altro che ‘e braghe!»
El se cava ‘e braghe, el ghe da ‘na sbai’à sul cu’o a ‘na tosa, e nol
resta tacà anca iu!...
Camina, camina e camina i trova un vecio col baston che ‘ndava a
carità.
«Varda cossa che me toca vedare, anca el stradin col cu’o descuerto,
ghe daria volentieri ‘na bastonà.»
«Nono deghe pur, ma basta che ve cavé ‘e braghe.»
«Me cavo altro che ‘e braghe, me cavo anca ‘a camisa.» El ghe da
‘na bastonà al stradin, ma el resta tacà anca el nono.
Camina camina e camina sto nono, gaveva magnà fasioi, el fa ‘na
scoresa e un fasio’o ghe vien fora dal buso del cu’o. I camina
ancora e da ‘na passa, che saria un ponteseo, vien fora un ga’o.
Chichirichi! El se acorse del fasio’o, el ghe da un becon, el resta
tacà anca el ga’o.
Più avanti i trova un bando, dove che jera scrito: “Chi farà ridere
la figlia del Re l’avrà in sposa”. Gaveva partecipà un saco de
zente a sta sfida ma nissuni jera stai boni de farla ridare, el Re jera
proprio disperà. El toso el decide de tentar anca iu, cussì el va a’a
corte co tuto el so seguito. Sul palco ghe xe el Re co ‘a principessa,
apena che ‘l toso va drento ‘a principessa se mete a batar ‘e
man e a ridar coe ‘agrime ai oci. El Re el xe contento morto, parché
finalmente i xe stai boni de far ridare so fio’a. El voe mantegnere
‘a paro’a de farla maridare, ma el toso dise: «Prima fasso un giro
e dopo vegno».
El fa el so giro e cussì el ‘assa ‘ibero tuto el so seguito e po’ el va
a far nosse.
Nosse composte, sorsi pe’ai, gati scortegai, e mi che jero ‘à i me
ga dà ‘na peà e i me ga parà qua!