La capra barbana e altre fiabe popolari venete - Nicola Saba

domanda: «Dove veto bel zovane?».
«Nona, vado in serca de fortuna. Ma xe ora de magnare, in saco
go calcossa, vuto magnare co mi?»
«Si caro» ‘a ghe dise. El tira fora ‘a pinsa, i fa un toco paromo,
e fìn che i magna, el ghe conta che so fradei come iu xe ‘ndai
in serca de fortuna, ma no i ‘a ga catà.
I se sa’uda ma prima de ‘ndare via ‘a vecia ghe dise: «Ciapa, te
dago tre ochete, ma te prego che nissuni ‘e toca».
El toso ringrassia, el va par ‘a so strada. Camina, camina e camina
xe vegnuo sera, e nol saveva dove ‘ndare dormire, el se ferma
so ‘na ostaria, diremo ‘na ‘ocanda dove che ghe xe el paron e tre
tose. El ghe domanda da dormire a l’osto, che ‘1 jera el papà de’e
tre fìoe. El toso ciapa corajo el ghe domanda un posto anca
par ‘e tre ochete.
«Va ben» el dise l’osto. «’E metarò a dormire in camara co’e me
fìoe.»
«Ma me racomando che nissuni ‘e toca» ghe dise el toso.
Verso mezanote, un boto, ‘a più vecia se sveja, parché ‘a gaveva
da ‘ndare orinare. ‘A vede un gran splendor in camara. Finché
‘a xe cucia, ‘a ghe fa ‘na caressa a ‘na ocheta ma -cossa ghe
toca?- ‘a resta tacà col cu’o descuerto! ‘A stessa roba ghe toca a’a
seconda e anca a’a tersa fìo’a, parche ste tre ochete jera de oro,
par queo che ‘e faseva tuto chel splendor. A’a matina el toso se
alsa e ‘l ghe paga al’osto queo che ‘1 ghe doveva, el ghe domanda
de’e so tre oche. L’osto se rabia parche ‘e tose no xe gnancora
vegnue basso da’a camara.
«Bisogna che vaga a vedare» el dise. E savì cossa che ‘1 vede?
Le vede tacae ae oche col cu’o descuerto. El ga el so da far a sigar
col toso, ma no ghe xe gnente da fare, e no ghe resta altro che
‘assarlo partire anca co ‘e so tre fìoe. E cussì el toso se incamina
co tuto sto seguito. Par ‘a strada el ga catà un stradin chel dise:
«Varda cossa che me toca vedare, tre femene col cu’o descuerto,