EL PONTESEL - Anno 6 N. 2 - Luglio 2010 - Comune di Vattaro

angoli di paese
se molàva zo i Mèrli e Schwoger A
sto punto la combriccola la gh’era
tuta, al completo El Toni, sentà zo
en del so solito posto, el scominziàva
col cargàr la pipa o impizàva
‘l toscanèl, po’ el tacava a ghebàr
e a contàr de laoréri e de bosserlài,
de quando i bosserlàiteri i era
a cóst e magari i ghe metèva l’ocio
sula cameriera… En del grupo
gh’era sempre i scaldàcòla, come
che se diseva alora ‘n gergo; l’era
personagi importanti anca lori en
del so picol, che i savéva al tempo
giust dirotàr el discorso su argomenti
umoristici Ogni tant esplodeva
dele risàde, de not zo ‘ntrà
quele case, che pareva s-ciopetàde
autentiche
El Toni per l’enesima volta, dopo
en poc, el contava de come so
compare el Bepi Marino, che elo
‘l ciamàva “me compare stéca”, for
per el Bosserlài l’avessa binà ‘nsèma
en viziét, sacranòn, miga tant
simpatico veh: quando i ghe portava
via le balerìne el neva su tute
le furie; alora el ghe deva ‘na zatàda
ala luminiera (alora no ghe
n’era corente eletrica, se sà!) el
coreva for dala porta dela locanda,
el se binava ensèma ‘na cantinèla
e po’ spazolàva tuti quei
che vegniva for dala porta… El
Toni el finiva sempre con il so solito
episodio autobiografico: “Na
volta che’l n’aveva lassàdi denóltra
a stroo, me compare Marino,
e gh’era anca mi se sa tra i quali,
son vegnù for da l’ostaria criando:
“Bèpi, sta fermo che son mi! E
quel maledéto el ma mesurà lo
stess la cantinèla zo per la schena…
qual can dal porco…! Ma,
cossì la era en quei tempi!
El Pontesel
28
Po’ el discorso l’è sta dirotà sula
scola seràle, ‘ndò che ‘l Guerino,
lì presente de persona, l’era el pù
meio del corso E chi, se sa, enésimo
panegirico de l’interessato
sula scola serale, sula maestra
zovena e bèla, che la ghé piase
a tuti – e zo ‘na risada come ‘l savéva
far elo! – po’ ‘l Guerino el silaba,
alzando en de e scandendo
bèn le parole: “ l’èi en età da sposarse”,
co le so simpatie; po’ el sa
mess a descriver, con abondanza
de particolari, el giudizi de merito
“espresso a voze alta dal diretor
en persona” “El diretor en persona
– sillaba Guerino – el m’ha
dit a quatro oci lì davanti alla catedra:
‘Micheloni, elo el poderia
nàr a studiar quando che ‘l vòl
con quela testa che el g’ha…’ A
sto punto Guerino, ciapà da ‘n po’
de orgoglio el se vardava ‘intorno
aspetando i complimenti se sa…
Ma i pù i rideva soto ai bafi come
‘l so solit, tra batude e frizzi “Sì sì
– el diseva qualchedun - te sarai
anca ‘na zima, ma no te sei bon
gnanca de trovarte ‘na morosa…!
E alora, cossa vot vegnir chi a contarne
su che te sei ‘l pù brao de la
scola!” “Cossa – rispondeva piccato
el Guerino, scandendo le parole
con il solito dito alzato – voria
farve veder mi a voialtri sapienti
de Vatar de cossa che son bon mi,
quando me méto e che delicatezza
che gaverìa co le done!” E ntant
l’aveva tirà for anca él ‘na pipota
e dopo averla cargàda el zercava
de ‘mpizàrla”
A sto punto el discorso l’è sta dirotà
sul coro parochiale “Ti Toni –
l’ha dit uno che’l la saveva longa –
che l’è ani che te canti ‘n del coro
de la Césa, ormai te saverài el latin
a memoria, me ‘magino?” “Sacrato
– l’ha rispondù prontamente
el Toni – zerto che el so Noi altri
cantori el savén tuti oramai, a
menadé Ogni tant, l’è vera, me
scampa for qualche sc-iopetàda:
sbaglio qualche parabola e me
ven for ‘na mèza bastiéma; alora
don Celestino el me ciama a l’ordine
subit, ma con bona maniera
sat, disendome la parola giusta…”
“Ma – sotolinea el furbon
de prima – come faràl el Padreterno
po’ a capir tuti quei spegàzi
che ogni tant te sbari fora, Toni?”
“El Padreterno – el dis el Toni con
voze sicura, sugàndose zo el sudor
col so fazoletón ross, grando
come en panisèl – el Padreterno i
n’ha sempro dit ch’el capiss tute
le lengue, e alora mi penso che
no’l g’ha dificoltà a capir ‘na parola
sbagliàda, tanto pù che el paroco
el ghe sugerìss subit quela giusta…”
El filò el va sfaldàndose con argomenti
diversi, come suzéde sempre
quando se arvezina la fin: uno
‘l parla con gesti dele man del
“tempovalón” che gh’è capità a
doss a élo e a so fradèl su ‘n Prada,
quando che estramént s’ha
rot la fum… N’ altro el parla de
le patate picole ma soarìde… en
terzo della guera… L’è ormai not
fonda, la banchéta pian pian la
se sgùda… I filandàri i se leva en
pè a fadiga con esclamazion del
tipo: “G’ho le gambe de fèr, madòno!
No le ven pù drio ste ciavàde
chive L’ei nada la caora…!”
I se arlontàna, zopelàndo, zo per i
vicoi e i se perde en dela not strova
Anca per staséra el filò l’è finì