Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 72
G’ho prèsa
Matina bunura; l’è ura d’andàa.
Una sbruffa d’acqua par dervi i ogii.
“Fa no fracass, ga dormi ‘l fiò”.
Nanca un basin o una carèsa?
A vò! G’ho prèsa… g’ho prèsa.
La stràa l’è anmò scùra;
l’è piena da frecc.
Un ciel da cristall l’è puntegiaa da stell.
Alza al co! Guarda che belèsa!
L’è tardi! G’ho prèsa… g’ho prèsa.
Asculta al vèntu ch’al porta
Un cip cip d’un usel;
al sò nò s’al canta par gioia o tristessa.
Ma tii fermas…. ascultal!
Podi nò! G’ho prèsa… g’ho prèsa.
La genti la cuur, ch vegn e chi và,
nessun sa saluda;
gh’è pù gentilessa;
l’è un mund trabulàa,
duve tuti g’han prèsa.. g’han prèsa.
Ma pensa a quant l’è lung un dì
e regalas un minut par tì
da vivi cunt gioia e teneresa.
Asculta al tò coo! E par un minut…
……lassa giò la prèsa.
A.B.