Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 60
Al Banco di Beneficenza
bisogna sta calmi, purta pazienza.
Cartolina, lotteria, picineta, ciapanas;
un peniin o la pulbra da Vichy;
uhei bujuni adess lee tropp,
sa po no andaa innanz’insci.
I bei premi sin su a faa?
Da videe… l’è no see?
In dal pra da Gaina
ga gira i giustar:
quela a caval par i fiuriti,
quela a caden o calci in cù
al par ca ta sgora quand ta ve su.
Ma la pusse bèla l’è quela a barchetti,
solitament s’andeva su in duu,
l’eva fàa a posta par i cuppieti,
la puncia lee, al calca luu
e intant la barca a la vaa sù.
I sochi a sgoran,
sa vedi i mudanti,
a crepaa dal ridi
sota in tanti.
“Fermas, fermas calca puu!”
“Parchée? Propi adess ca vem su”
“Fermas o dìi, ta vedi no
ch’in lì tuti a guardam al cuu?”
“Lassa ca guardan, duu culpi anmoo e poo
vemm giò.”