Piccola Venezia - Ecomuseo e Agenda 21 Parabiago

Augusto Boldorini – Piccola Venezia - 44
La Fiucada
Duèe sii fiucadi d’una volta,
fiucadi da quand s’evi un fiôo?
In sul fock un bel sciok
al bruseva bel piss;
dal camin un fumm negar
al faseva ‘l ciel gris.
I castegn in la padela
o i patati in da la bras,
nuu fiuriti in su la finestra
pugià al vedar cunt al nas
a videe le nee nuela
vigni giô adas, adas.
In un mument l’eva tutt bianc;
a vusevum: “A la stagiô!”
Tutt cuntent par pudée giugà
a ball da nee e a scurligà.
I rubin e i ramàa
ca cintevan ‘l giardin
in un mument cambievan facia;
e parevan, ma par anmò,
tanti scés da biancuspin.
A.B.